Drone Attack In Kutch: ભારત અને પાકિસ્તાન વચ્ચેનો સંઘર્ષ વધુ તીવ્ર બન્યો છે. ભારતના ઓપરેશન સિંદૂરથી બોખલાયેલું પાકિસ્તાન સતત ભારત પર મિસાઈલ અને ડ્રોનથી હુમલાઓ કરી રહ્યુ છે ત્યારે આજે વહેલી સવારથી જ કચ્છ સરહદ પર પણ પાકિસ્તાનના નાપાક હરકત જોવા મળી હતી. કહેવામાં આવી રહ્યુ છે કે, અબડાસાના નાની ધ્રુફી ગામ નજીક ડ્રોન તોડી પડાયું છે.​​​​​​ ભારતીય સેના ડ્રોન હુમલાનો યોગ્ય જવાબ આપી રહી છે

કચ્છના સરહદી વિસ્તારમાં પાકિસ્તાની ડ્રોન મળ્યું

પાકિસ્તાન સાથે તણાવને લઈ કચ્છનું તંત્ર પણ એલર્ટ મોડ પર છે ત્યારે વહેલી સવારે પાકના નાપાક કૃત્યને સફળ થવા દેવામા આવ્યું નથી. જો કે, તકેદારીના ભાગરુપે જિલ્લા વહીવટી તંત્રની નાગરિકોને અપીલ કરી છે કે, કામ સિવાય બહાર નીકળવું નહી અને ઘરની અંદર જ રહેવા માટે જણાવવામા આવ્યું છે. આ સાથે કલેક્ટરે નાગરિકોએ ગભરાવવું નહી અને સુરક્ષા-સલામતી માટે સતર્ક રહેવા અપીલ કરી છે. તેમજ કચ્છમાં તણાવભરી સ્થિતિ વચ્ચે ભુજમાં લોકોને સાયરન વગાડીને એલર્ટ કરવામાં આવી રહ્યા છે.

તમામ નાગરિકો ઘરની અંદર સુરક્ષિત રહે. બિનજરૂરી ઘરની બહાર નીકળવું નહીં અને કોઈ પણ અફવા પર ધ્યાન આપવું નહીં. ગભરાશો નહીં.

-જિલ્લા વહીવટી તંત્ર, કચ્છ@CMOGuj

— Collector & DM, Kachchh (@collectorkut) May 10, 2025

ઘડાકાનો અવાજ સંભળાયા હોવાનો દાવો

મળતી માહિતી મુજબ કચ્છમાં વહેલી સવારે પાકિસ્તાને હુમલાનો પ્રયાસ કર્યો હતો. પાક દ્વારા કચ્છના સરહદી વિસ્તારોના ગામડાઓ પર ડ્રોન હુમલા કરવામાં આવ્યા હતા. અબડાસા વિસ્તારના નાની ધુફી ગામમાં પાકિસ્તાની ડ્રોન જોવા મળ્યું હતું. હવામાં ડ્રોનને તોડી પાડતી એર ડિફેન્સ સિસ્ટમનો લાઈવ વીડિયો પણ સામે આવ્યો છે. નલિયાથી 22-25 કિમી દૂર નાની ધ્રુફી અને બેરાજા ગામની સીમના ખેતરમાં ડ્રોનનો કાટમાળ પડેલો મળ્યોછે. તેમજ આજે સવારેના 5 વાગ્યાને 5 મિનિટે ઘડાકાનો અવાજ સંભળાયા હોવાનો લખપતના લોકોએ દાવો કર્યો છે. ત્યારે આ મામલે હાલ તપાસ કરવામા આવી રહી છે તેમ જણાવવામા આવી રહ્યુ છે.

 કચ્છમાં શંકાસ્પદ પ્રવડતિઓ વધતા એલર્ટ

ઉલ્લેખનીયછે કે, તાજેતરમાં કચ્છના ખાવડા ખાતે ભારત-પાકિસ્તાન સરહદ નજીક ઇન્ડિયા બ્રિજ વિસ્તારમાં એક શંકાસ્પદ વિસ્ફોટ થયો હતો. આ વિસ્ફોટ એક શંકાસ્પદ ડ્રોનના હાઇ ટેન્શન પાવર લાઇન સાથે અથડાવાથી થયો હોવાનું માનવામાં આવે છે. આ સાથે 8 મે 2025ની રાત્રે કચ્છના લખપત વિસ્તારમાં સ્થાનિક લોકોએ ડ્રોન જોવાની જાણ કરી. આ પછી તુરંત બ્લેકઆઉટ જાહેર કરવામાં આવ્યું હતું. આમ કચ્છના સરહદી વિસ્તારોમાં શંકાસ્પદ ગતિવિધીઓ જોવા મળી રહી છે જેને લઈને અત્યારે કચ્છમાં એલર્ડ જાહેર કરવામા આવ્યું છે.