Kolkata Law College Gangrape Case: આરજી કર મેડિકલ કોલેજની ઘટના બાદ કોલકાતાની વધુ એક કોલેજમાં રેપનો મામલો સામે આવ્યો છે. દક્ષિણ કોલકાતાની કસ્બા લો કોલેજની એક વિદ્યાર્થીની પર ગેંગરેપ થયો છે. આ મામલે કસ્બા પોલીસે ત્રણ આરોપીઓની ધરપકડ કરી છે. ત્રણ લોકોમાંથી બે કોલેજના વિદ્યાર્થીઓ છે અને એક કોલેજનો ભૂતપૂર્વ વિદ્યાર્થી છે.
પોલીસ ફરિયાદ બાદ ત્રણ આરોપીઓની ધરપકડ
મળતી માહિતી મુજબ, ગેંગરેપની ઘટના 25 જૂનના રોજ બની હતી. પીડિતાનો આરોપ છે કે કસ્બા લો કોલેજની અંદર સાંજે 7:30 થી 8:50 વાગ્યાની વચ્ચે તેની સાથે ગેંગરેપ કરવામાં આવ્યો હતો. પીડિતાની ફરિયાદના આધારે, કસ્બા પોલીસે ગુરુવારે ત્રણ લોકોની ધરપકડ કરી હતી.
કોલેજની અંદર એક વિદ્યાર્થિની પર સામૂહિક દુષ્કર્મ
પોલીસએ જણાવ્યું હતું કે આ મામલે મોનોજિત મિશ્રા, ઝૈબ અહેમદ અને પ્રમિત મુખર્જીની ધરપકડ કરવામાં આવી છે. વિદ્યાર્થીઓની 26 જૂનની સાંજે કોલકાતાના તાલબાગન ક્રોસિંગ નજીક સિદ્ધાર્થ શંકર શિશુ રોય ઉદ્યાનની સામેથી ધરપકડ કરવામાં આવી હતી. ધરપકડ સમયે તેમના મોબાઇલ ફોન જપ્ત કરવામાં આવ્યા હતા. પોલીસના જણાવ્યા મુજબ આ કથિત ઘટના કોલેજ બિલ્ડિંગની અંદર બની હતી.જે બાદ પીડિતાની પ્રાથમિક તબીબી તપાસ કરવામાં આવી છે અને અનેક સાક્ષીઓના નિવેદનો નોંધવામાં આવ્યા છે. ત્રણેય આરોપીઓ હાલમાં પોલીસ કસ્ટડીમાં છે.
#WATCH | Kolkata | Police have sealed the area where three men allegedly gangraped a South Calcutta Law College student on the college premises
The three accused, Manojit Mishra, Zaib Ahmed and Pramit Mukhopadhyay, who the Police have named, have been remanded to police custody… pic.twitter.com/3g4KDti5UH
— ANI (@ANI) June 27, 2025
ભાજપે મમતા સરકાર પર નિશાન સાધ્યું
આ મામલે પ્રતિક્રિયા આપતા ભાજપ આઈટી સેલના વડા અમિત માલવિયાએ આ ઘટનાને ભયાનક ગણાવી હતી. તાજેતરની આરજી કાર હોસ્પિટલની ઘટનાનો ઉલ્લેખ કરતા માલવિયાએ કહ્યું કે પશ્ચિમ બંગાળમાં મહિલાઓ વિરુદ્ધ ગુનાઓ ચાલુ છે. તેમણે કહ્યું કે ભાજપ પીડિત પરિવાર સાથે ઉભો છે અને તમામ આરોપીઓને સજા આપવા માટે પ્રતિબદ્ધ છે.
આરજી કર મેડિકલ કોલેજમાં જુનિયર ડોક્ટર પર દુષ્કર્મ
તમને જણાવી દઈએ કે ગયા વર્ષે કોલકાતાના આરજી કર મેડિકલ કોલેજ અને હોસ્પિટલમાં એક જુનિયર ડોક્ટર પર દુષ્કર્મ થયું હતુ. ત્યારબાદ પીડિતાની હત્યા કરવામાં આવી હતી. રેપ વીથ મર્ડની ઘટનાથી બંગાળમાં રાજકીય ઉથલપાથલ મચી ગઈ હતી. આરોપી સંજય રોયની છોકરી પર બળાત્કાર અને હત્યાના આરોપમાં ધરપકડ કરવામાં આવી હતી અને કોર્ટે તેને દોષિત ઠેરવીને આજીવન કેદની સજા ફટકારી હતી.
આ પણ વાંચો:
Punjab માં ગેંગ વોર, ગેંગસ્ટર જગ્ગુની માતા અને ASI ના પુત્રની હત્યા
CM Mohan Yadav: મુખ્યમંત્રી પણ પેટ્રોલ પંપ પર છેતરાયા , 19 ગાડીઓમાં ડીઝલની જગ્યાએ પાણી
Gujarat Weather Update: ગુજરાતમાં ભારે વરસાદનું એલર્ટ, આજે આ જિલ્લામાં ભુક્કા કાઢશે
Ahmedabad: રથયાત્રામાં ગજરાજ થયા બેકાબૂ, લોકોના જીવ તાળવે ચોંટ્યા
Ahmedabad: પ્લેન ક્રેશને પગલે સાદગીથી નિકળનારી રથયાત્રામાં ‘સિંદૂરીયો ઉત્સાહ’!
Ahmedabad: 148મી જગન્નાથ રથયાત્રાનો ભવ્ય શુભારંભ, પહેલીવાર ભગવાન જગન્નાથને અપાયું ગાર્ડ ઓફ ઓનર
