Jagganath Rath Yatra: આજે ઓડિશાના પુરીમાં ભગવાન જગન્નાથની રથયાત્રા દરમિયાન ગુંડીચા મંદિર પાસે ભાગદોડની સ્થિતિ સર્જાતા અરાજકતા ફેલાઈ ગઈ. સવારના અંધારામાં થયેલી ભાગદોડમાં સમગ્ર રાજ્યને હચમચાવી નાખ્યું. આ ઘટનામાં 3 શ્રદ્ધાળુઓના મોત થયા, જ્યારે 50 થી વધુ લોકો ઈજાગ્રસ્ત થયા છે.
ટ્રકોના પ્રવેશને કારણે નિયંત્રણ બગડ્યું!
મળતાં અહેવાલો અનુસાર આજે(29 જૂન, 2025) રવિવારે સવારે 4 થી 5 વાગ્યાની વચ્ચે જ્યારે હજારો શ્રદ્ધાળુઓ દેવદર્શન માટે ગુંડીચા મંદિર પાસે હાજર હતા, ત્યારે બે ટ્રકોના અજાણતામાં પ્રવેશવાના પ્રયાસથી વાતાવરણ બગડી ગયું. સાંકડી જગ્યા, પહેલેથી જ ભારે ભીડ, રથ પાસે વિખરાયેલા ખજૂરના લાકડા અને સુરક્ષા દળોની મર્યાદિત તૈનાતી, આ બધા કારણો મળીને ભાગદોડનું કારણ બન્યા.
મૃતકોની ઓળખ
સ્થાનિક મીડિયા અનુસાર જીવ ગુમાવનારા 3 લોકોની ઓળખ કરી લેવામાં આવી છે. પ્રેમકાંત મોહંતી (80 વર્ષ), બસંતી સાહુ (36 વર્ષ), પ્રભાતી દાસ (42 વર્ષ). તેમના પરિવારના સભ્યો અને નજીકના ભક્તોમાં શોક અને ભયનું વાતાવરણ છે.
STORY | 3 killed, 50 injured in stampede near Shree Gundicha Temple in Odisha’s Puri
READ: https://t.co/DBbESsCYtQ
VIDEO | Visuals from Puri district hospital where injured are being admitted. pic.twitter.com/0b9TLnBZUB
— Press Trust of India (@PTI_News) June 29, 2025
ઉચ્ચ સ્તરીય તપાસના આદેશો
ઓડિશાના કાયદા મંત્રી પૃથ્વીરાજ હરિચંદને અકસ્માતને દુ:ખદ ગણાવ્યો છે અને તાત્કાલિક કાર્યવાહી કરવાની વાત કરી છે. તેમણે કહ્યું કે આ ખૂબ જ દુઃખદ ઘટના છે. સરકાર ઉચ્ચ સ્તરીય તપાસ કરશે અને આ બેદરકારી માટે જવાબદાર લોકો સામે કડક કાર્યવાહી કરવામાં આવશે.
750 ભક્તો થાક અને ગરમીને કારણે બેભાન થઈ ગયા હતા
ઉલ્લેખનીય છે કે અહીં એક દિવસ પહેલા લગભગ 750 ભક્તો થાક અને ગરમીને કારણે બેભાન થઈ ગયા હતા. તેમાંથી 230 લોકોને તાત્કાલિક પુરીની ID હોસ્પિટલમાં દાખલ કરવામાં આવ્યા હતા, જ્યારે 520 થી વધુ ભક્તોને જિલ્લા હોસ્પિટલમાં સારવાર આપવામાં આવી હતી. ગંભીર રીતે બીમાર એક વ્યક્તિને કટકની SCB મેડિકલ કોલેજમાં રિફર કરવામાં આવ્યો છે.
