Afghanistan Earthquack: ભારતના પાડોશી દેશ અફઘાનિસ્તાન ભૂકંપથી હચમચી ઉઠ્યું છે. રવિવાર-સોમવાર રાત્રે દેશમાં એક પછી એક ભૂકંપના સતત આંચકાઓએ લોકોને હચમચાવી દીધા છે. આ ભૂકંપના આંચકા દિલ્હી એનસીઆર સુધી અનુભવાયા હતા.
ભારતના પાડોશી દેશમાં ભૂકંપ
નેશનલ સેન્ટર ફોર સિસ્મોલોજી અનુસાર, મોડી રાતથી સવાર દરમિયાન અફઘાનિસ્તાનમાં 6.3 થી 5 ની તીવ્રતા સુધીના અનેક ભૂકંપ આવ્યા છે. યુએસ જીઓલોજિકલ સર્વે અનુસાર, ભૂકંપનું કેન્દ્ર અફઘાનિસ્તાનના બસૌલથી 36 કિલોમીટર દૂર હતું. ભૂકંપને કારણે અફઘાનિસ્તાનમાં મોટા નુકસાન અને અત્યાર સુધીમાં 9 લોકોના મોતના સમાચાર છે.
કેટલી હતી ભૂકંપની તીવ્રતા?
નેશનલ સેન્ટર ફોર સિસ્મોલોજી અનુસાર, અફઘાનિસ્તાનમાં પહેલો ભૂકંપ મોડી રાત્રે 12:47 વાગ્યે આવ્યો હતો. આ ભૂકંપની તીવ્રતા રિક્ટર સ્કેલ પર 6.3 માપવામાં આવી હતી. આ ભૂકંપનું કેન્દ્ર જમીનમાં 160 કિલોમીટર અંદર હતું. ત્યારબાદ આખી રાત દરમિયાન ઘણી વખત ભૂકંપના આંચકા અનુભવાયા.
રવિવાર-સોમવારે અફઘાનિસ્તાનમાં આવેલા ભૂકંપની તીવ્રતા:
રાત્રે 12:47 વાગ્યે 6.3 ની તીવ્રતાનો ભૂકંપ.
સવારે 1:08વાગ્યે 4.7 ની તીવ્રતાનો ભૂકંપ.
રાત્રે 1:59 વાગ્યે 4.3ની તીવ્રતાનો ભૂકંપ.
સવારે 3:03 વાગ્યે 5 ની તીવ્રતાનો ભૂકંપ.
સવારે 5:16 વાગ્યે 5 ની તીવ્રતાનો ભૂકંપ.
2023 માં આવ્યો હતો ભયાનક ભૂકંપ
તમને જણાવી દઈએ કે આ પહેલા પણ 7 ઓક્ટોબર, 2023 ના રોજ અફઘાનિસ્તાનમાં 6.3 ની તીવ્રતાનો ભૂકંપ આવ્યો હતો. આ ભૂકંપને કારણે અફઘાનિસ્તાનમાં હજારો લોકો મૃત્યુ પામ્યા હતા. તાલિબાન સરકારે અંદાજ લગાવ્યો હતો કે આ ભૂકંપમાં ઓછામાં ઓછા 4,000 લોકો મૃત્યુ પામ્યા હતા. તાજેતરના સમયમાં અફઘાનિસ્તાનમાં આ સૌથી ભયાનક કુદરતી આફત હતી.
આ પણ વાંચો:
LPG Price Cut: ગેસ સિલિન્ડરના ભાવમાં ઘટાડો, જાણો શું છે નવી કિંમત
Nitin Gadkari: “દેશમાં ગરીબોની સંખ્યા વધી”, મોદી સરકારની પોલ ખોલતા ગડકરી
‘પવિત્ર રિશ્તા’ સીરિયલની અભિનેત્રી પ્રિયા મરાઠેનું અવસાન, શું હતી બિમારી? | Priya Marathe
vote chori in Gujarat: ગુજરાતમાં 62 લાખની વોટ ચોરી, કોંગ્રેસ પ્રદેશ પ્રમુખનો ધડાકો
Lucknow: ઘરમાં ચાલતી ફટાકડાની ફેક્ટરીમાં વિસ્ફોટ, 6 લોકોના મોતની આશંકા, રેસ્ક્યૂ ચાલુ
PM Modi: ચીનને લાલ આંખ બતાવવાનું કહેતાં મોદી આજે શું બોલ્યા?
UP: પૂજારીએ પ્રસાદમાં નશીલો પદાર્થ નાખી યુવાનનું જાતીય શોષણ કર્યું, વીડિયો ઉતારી લીધા પછી…
China: મોદી અને શી જિનપિંગ વચ્ચે દ્વિપક્ષીય બેઠક, શું થઈ ચર્ચા?
