Gangster Lawrence Bishnoi:ગેંગસ્ટર લોરેન્સ બિશ્નોઈના નાના ભાઈ અનમોલ બિશ્નોઈને યુનાઇટેડ સ્ટેટ્સથી ડિપોર્ટ કરી દેવાયો છે જે કાલે બુધવારે 10 વાગ્યે ભારત પહોંચશે.
NIA એ તેની ધરપકડ માટે ₹10 લાખનું ઇનામ જાહેર કર્યું હતું.ભૂતપૂર્વ મંત્રી અને NCP નેતા બાબા સિદ્દીકીની હત્યામાં મુખ્ય સૂત્રધાર માનવામાં આવતા ગેંગસ્ટર અનમોલ બિશ્નોઈને બુધવારે તા.૧૯ નવેમ્બર, ૨૦૨૫ નારોજ ભારત પ્રત્યાર્પણ કરવામાં આવશે.
વરિષ્ઠ અધિકારીઓએ પુષ્ટિ આપી છે કે યુએસ અધિકારીઓ દ્વારા દેશનિકાલ કર્યા પછી તેને સવારે ૧૦ વાગ્યે દિલ્હીના IGI એરપોર્ટ પર લાવવામાં આવશે.અધિકારીઓના જણાવ્યા અનુસાર,કાનૂની પ્રક્રિયાઓ પૂર્ણ થાય તે સુનિશ્ચિત કરવા માટે દિલ્હી પોલીસને એરપોર્ટ પર તૈનાત કરવામાં આવશે.
આરોપીને કોર્ટમાં રજૂ કર્યા બાદ કઈ તપાસ એજન્સીને કસ્ટડી આપવી તે અંગે નિર્ણય લેવામાં આવશે.અનમોલ બિશ્નોઈ વિરુદ્ધ દેશભરમાં 32 થી વધુ કેસ નોંધાયેલા છે જેમાં એકલા રાજસ્થાનમાંજ 20 કેસનો સમાવેશ થાય છે.
આ કેસોમાં ખંડણી, અપહરણ, હત્યાનો પ્રયાસ અને હત્યા જેવા ગંભીર ગુનાઓનો સમાવેશ થાય છે.
બાબા સિદ્દીકીના પુત્ર, ઝીશાન સિદ્દીકીને મંગળવારે (૧૮ નવેમ્બર, ૨૦૨૫) ના રોજ યુએસ અધિકારીઓ તરફથી એક ઇમેઇલ મળ્યો, જેમાં જણાવાયું હતું કે, “અનમોલ બિશ્નોઈને અમેરિકાથી દેશનિકાલ કરવામાં આવ્યો છે.” ઝીશાને કહ્યું, “મને ખબર નથી કે તે હાલમાં ક્યાં છે, પરંતુ તેમણે મને જાણ કરી છે કે તેને અમેરિકાથી દેશનિકાલ કરવામાં આવ્યો છે અને આગળની કાર્યવાહી ભારતમાં થશે.”
સૂત્રોના જણાવ્યા અનુસાર, મુંબઈ પોલીસની ક્રાઈમ બ્રાન્ચે અનમોલના દેશનિકાલ અને કસ્ટડી માટે બે વાર સત્તાવાર અરજીઓ સબમિટ કરી છે. તાજેતરમાં, ઇન્ટરપોલે તેના ઓળખ દસ્તાવેજો પણ માંગ્યા હતા, જે મુંબઈ પોલીસે પૂરા પાડ્યા હતા. ૧૪ એપ્રિલ, ૨૦૨૪ ના રોજ અભિનેતા સલમાન ખાનના બાંદ્રા સ્થિત ઘરની બહાર થયેલા ગોળીબારના સંબંધમાં અનમોલ બિશ્નોઈ પણ વોન્ટેડ છે. તેણે ઓનલાઈન હુમલાની જવાબદારી સ્વીકારી હતી.
૧૨ ઓક્ટોબર, ૨૦૨૪ ના રોજ બાબા સિદ્દીકીની હત્યામાં અનમોલ બિશ્નોઈ મુખ્ય સૂત્રધાર તરીકે ઉભરી આવ્યો હતો.તપાસ દરમિયાન, પોલીસે ધરપકડ કરાયેલા શૂટરો પાસેથી વોઇસ ક્લિપ્સ મેળવી હતી જે અનમોલના અવાજ સાથે મેળ ખાતી હતી, જેમાં તે હુમલાખોરોને સૂચના આપતો અને ઉશ્કેરતો સાંભળવામાં આવ્યો હતો.
તપાસમાં બહાર આવ્યું છે કે અનમોલ ઘણા વર્ષો પહેલા નકલી પાસપોર્ટનો ઉપયોગ કરીને ભારતથી ભાગી ગયો હતો અને વારંવાર કેનેડા, યુનાઇટેડ સ્ટેટ્સ અને કેન્યામાં પ્રવાસ કરતો હતો.
ગયા વર્ષે અનમોલ બિશ્નોઈની કેલિફોર્નિયામાં અટકાયત કરવામાં આવી હતી પરંતુ પ્રક્રિયાગત ખામીઓને કારણે તેને છોડી મૂકવામાં આવ્યો હતો. તેની પાસે રશિયન પાસપોર્ટ પણ હતો, જે નકલી હોવાની શંકા છે.તે પંજાબી ગાયક સિદ્ધુ મૂસેવાલાની હત્યાના આંતરરાષ્ટ્રીય કાવતરા સાથે પણ જોડાયેલો હોવાનું માનવામાં આવે છે.
NIA એ તેની ધરપકડ માટે ₹૧૦ લાખનું ઇનામ જાહેર કર્યું હતું. NIA એ ગેંગની આંતરરાષ્ટ્રીય પ્રવૃત્તિઓ સંબંધિત બે કેસોમાં તેની સામે ચાર્જશીટ પણ દાખલ કરી છે.
યુએસ અધિકારીઓ દ્વારા દેશનિકાલની કાર્યવાહી પૂર્ણ થયા બાદ, ભારતીય એજન્સીઓ હવે IGI એરપોર્ટ પર સંયુક્ત ઓપરેશનની તૈયારી કરી રહી છે.
આ પણ વાંચો:
Surat: માતાજીના પંડાલમાં હુક્કાબાર સોંગ્સ પર યુવતીઓનો અશ્લિલ ડાન્સ, વીડિયો વાયરલ થતા વિવાદ
Maharashtra: ઉદ્ધવ ઠાકરેએ સોનમ વાંગચુકની ધરપકડ મામલે કેન્દ્ર સરકારની કાઢી ઝાટકણી
Rajasthan: BJP કાર્યકર્તાઓએ કેન્સરના દર્દીઓને બિસ્કિટ આપ્યા, ફોટા પડાવ્યા અને બિસ્કીટ પાછા લઈ લીધા
