A320 Aircraft ELAC:એરબસ વિમાનમાં સોફ્ટવેર સંબંધિત ફેરફારોના અહેવાલો વચ્ચે, ઇન્ડિગો અને એર ઇન્ડિયાએ દેશભરમાં ફ્લાઇટ વિલંબની જાહેરાત કરી છે.
કંપનીઓએ કહ્યું છે કે કેટલીક ફ્લાઇટ્સ રદ થઈ શકે છે.બંને કંપનીઓએ મુસાફરોને અપડેટ્સ પ્રાપ્ત કર્યા પછી મુસાફરી કરવા વિનંતી કરી છે પરિણામે હવાઈ સેવાને મોટાપાયે અસર થવાની શક્યતા છે.
દુનિયાભરમાં સૌથી વધુ વેચાતા વિમાન, એરબસ A320ના હજારો વિમાનોને આ સપ્તાહના અંતે મોટા પાયે ગ્રાઉન્ડેડ કરવામાં આવી રહ્યા છે, જેના કારણે ભારત સહિત સમગ્ર વિશ્વમાં હવાઈ મુસાફરી પર ગંભીર અસર પડવાની છે. તાજેતરમાં સામે આવેલા એક મોટા તકનીકી જોખમને પગલે આ નિર્ણય લેવામાં આવ્યો છે, જેના નિવારણ માટે વ્યાપક સોફ્ટવેર અને કેટલાક જૂના વિમાનોમાં હાર્ડવેર અપગ્રેડ ફરજિયાત કરવામાં આવ્યું છે.
એરબસ A320 શ્રેણીના આશરે 250 વિમાનોમાં સોફ્ટવેર-સંબંધિત ફેરફારોની જરૂર હોવાનું જાણવા મળ્યા બાદ ભારતમાં ઇન્ડિગો અને એર ઇન્ડિયા એક્સપ્રેસ ફ્લાઇટ્સ પ્રભાવિત થવાની શકયતા છે. બંને એરલાઇન્સ દ્વારા જારી કરાયેલા એક નિવેદનમાં જણાવાયું છે કે જરૂરી ફેરફારોને કારણે ફ્લાઇટમાં વિલંબ અથવા રદ થઈ શકે છે.
ભારતમાં ઈન્ડિગો અને એર ઈન્ડિયા ગ્રુપના 350થી વધુ A320 ફેમિલી વિમાનો આ પ્રક્રિયાનો ભાગ બનશે.ઈન્ડિગોના કાફલામાં 350થી વધુ A320 વિમાનો છે, જેમાંથી લગભગ 250ને અપગ્રેડની જરૂર છે. તેવી જ રીતે, એર ઈન્ડિયાના 120-125 A320 વિમાનોમાંથી 100થી વધુ વિમાનો પ્રભાવિત થશે.આ અપગ્રેડમાં બેથી ત્રણ દિવસનો સમય લાગવાની ધારણા છે, અને વિમાનો સોમવાર કે મંગળવારથી ફરી ઉડાન ભરી શકે છે.આને કારણે સપ્તાહના અંતે અને સોમવાર સુધી ઘણી ફ્લાઇટ્સ મોડી પડવાની કે રદ થવાની આશંકા છે.
તમને જણાવી દઈએ કે ભારતીય એરલાઇન્સ પાસે લગભગ 200-250 A320 ક્લાસ એરબસ વિમાનો છે. આ વિમાનોમાં સમસ્યાને ઠીક કરવા માટે સોફ્ટવેરમાં ફેરફાર જરૂરી છે. સૂત્રએ જણાવ્યું હતું કે, ‘સંબંધિત વિમાનમાં સોફ્ટવેરમાં ફેરફારને કારણે, વિમાનનું સંચાલન થોડા સમય માટે બંધ કરવું પડશે.’વિમાની કંપનીઓએ આનાથી થનારી અસુવિધા બદલ મુસાફરો અને ગ્રાહકોની માફી માંગી છે અને કહ્યું છે કે “સુરક્ષા અમારી સર્વોચ્ચ પ્રાથમિકતા છે.”
તમને જણાવી દઈએ કે ઇન્ડિગો, એર ઇન્ડિયા અને એર ઇન્ડિયા એક્સપ્રેસ ભારતમાં A320 ક્લાસ વિમાનોનું સંચાલન કરે છે. સ્થાનિક એરલાઇન્સ ભારતમાં લગભગ 560 વિમાનોનો ઉપયોગ કરી રહી છે. જે વિમાનોમાં ફેરફાર કરવાના છે તેમાં A320 CEO અને Neo ઉપરાંત A321 CEO અને Neoનો સમાવેશ થાય છે.
આ પણ વાંચો:
