Terror attack: ઓસ્ટ્રેલિયાના બોન્ડી બીચ પર ઉત્સવ મનાવી રહેલા નાગરિકો ઉપર અંધાધૂંધ ફાયરિંગ કરનાર અને એન્કાઉન્ટરમાં માર્યા ગયેલા સાજિદ અકરમ ભારતીય હોવાનો ખુલાસો થયો છે.
તેણે ગયા મહિને ભારતીસ પાસપોર્ટ પર ઓસ્ટ્રેલિયાથી ફિલિપાઈન્સનો પ્રવાસ કર્યો હોવાની વાત સામે આવી છે જ્યારે તેનો પુત્ર નાવિદ ઓસ્ટ્રેલિયાના પાસપોર્ટથી ફિલિપાઈન્સ ગયો હતો જ્યાં તેઓએ કટ્ટરવાદી ઈસ્લામિક મૌલવીઓની મુલાકાત લીધી હોવાની વાત સામે આવી છે અને અહીં જ આતંકી હુમલાની તાલીમ લીધા હોવાના પણ અહેવાલ છે.
મહત્વનું છે કે ફિલિપાઈન્સના દક્ષિણ ભાગમાં કટ્ટરવાદી મૌલવીઓ અને ઈસ્લામિક આતંકી જૂથો સક્રિય રહયા છે જેઓ આતંકીઓ તૈયાર કરતા હોવાની વાતો અવારનવાર મીડિયામાં આવતી રહેતી હોય છે.
દરમિયાન સાજિદ અકરમ ભારતીય હોવાના મીડિયા અહેવાલો બાદ તેલંગણા પોલીસે પ્રેસને માહિતી આપી હતી કે,50 વર્ષીય સાજિદ અકરમ મૂળ હૈદરાબાદનો ભારતીય નાગરિક હતો જે નોકરીની શોધમાં 27 વર્ષ અગાઉ નવેમ્બર 1998માં ઓસ્ટ્રેલિયા જતો રહ્યો હતો ત્યારબાદ ક્રમશઃ તેના ભારતમાં રહેતા પરિવાર સાથે સંપર્ક નહિવત થઈ ગયો હતો અને તે ઓસ્ટ્રેલિયામાં સ્થાયી થઈ ગયો જ્યાં તેણે યુરોપીયન મૂળની મહિલા સાથે લગ્ન કરી લીધા હતા ત્યારબાદ સાજિદ છ વખત ઇન્ડિયા તેના વતનમાં આવ્યો હતો તે મુખ્યત્વે મિલકત સંબંધિત કામ અને પરિવારજનોને મળવા આવ્યો હતો.તેલંગણા પોલીસે ઉમેર્યુ કે સાજિદની કટ્ટરવાદી માનસિકતા સાથે ભારત સાથે કોઈ લેવાદેવા નથી.
આમ,સિડનીના બોન્ડી બીચ પર આતંકી હુમલો કરનાર આતંકી મૂળ ભારતીય હોવાનો ખુલાસો થયો હતો.
આ પણ વાંચો:
H3N2 Virus: બ્રિટનથી પાકિસ્તાન પહોંચ્યો H3N2 ‘સુપર ફ્લૂ’નો ખતરનાક સ્ટ્રેન, ભારત માટે કેટલો ખતરો?
