Greg Biffle Death: ઉત્તર કેરોલિનાના સ્ટેટ્સવિલે એરપોર્ટ પર એક બિઝનેસ જેટ ક્રેશ થતાં સાત લોકોના કરુણ મોત થયા હતા,અકસ્માત ખરાબ હવામાનને કારણે થયો હતો.અમેરિકાના ઉત્તર કેરોલિનાથી અત્યંત દુ:ખદ સમાચાર સામે આવ્યા છે,જ્યાં એક બિઝનેસ પ્લેન ક્રેશમાં સાત લોકોએ જીવ ગુમાવ્યા છે.
આ દુ:ખદ અકસ્માતમાં સુપ્રસિદ્ધ NASCAR ચેમ્પિયન ગ્રેગ બિફલ, તેમની પત્ની અને તેમના બે નાના બાળકોના પણ કરુણ મોત થયા હતા,ટેકઓફ કર્યાના થોડા સમય પછી જ વિમાન ટેકનિકલ સમસ્યાને કારણે લેન્ડ કરવાનો પ્રયાસ કરી રહ્યું હતું ત્યારે રનવે પાસે ક્રેશ થયું. અકસ્માત સમયે, હળવો વરસાદ અને ધુમ્મસ છવાઈ ગયું હતું, જેના કારણે બચાવ કામગીરી અને દૃશ્યતા અત્યંત પડકારજનક બની ગઈ હતી.ટેકઓફ થયાના થોડી મિનિટો પછી જ આ દુ:ખદ અકસ્માત થયો.
સેસ્ના C550 બિઝનેસ જેટે ગુરુવારે સવારે લગભગ 10:15 વાગ્યે સ્ટેટ્સવિલે રિજનલ એરપોર્ટથી ઉડાન ભરી હતી. ફ્લાઇટ ટ્રેકિંગ ડેટા અનુસાર, વિમાને સવારે 10:06 વાગ્યે ઉડાન ભરી હતી પરંતુ થોડીવારમાં જ પાછું વળી ગયું. અધિકારીઓનું કહેવું છે કે વિમાન ઊંચાઈ મેળવવામાં નિષ્ફળ ગયું અને લેન્ડ કરવાનો પ્રયાસ કરતી વખતે રનવેના પૂર્વ છેડે ક્રેશ થયું. આ અથડામણ એટલી ગંભીર હતી કે વિમાનમાં આગ લાગી ગઈ, જેને બુઝાવવા માટે અનેક ફાયર ફાયટર સ્થળ ઉપર પહોંચ્યા હતા.
નેશનલ ટ્રાન્સપોર્ટેશન સેફ્ટી બોર્ડ (NTSB) અને ફેડરલ એવિએશન એડમિનિસ્ટ્રેશન (FAA) એ આ ઘટનાની ઉચ્ચ સ્તરીય તપાસ શરૂ કરી છે.તપાસકર્તાઓ વિમાનના બ્લેક બોક્સ અને ફ્લાઇટ ડેટાની તપાસ કરી રહ્યા છે.મહત્વનું છે કે ગ્રેગ બિફલને તાજેતરમાં વાવાઝોડા હેલેન દરમિયાન તેમના માનવતાવાદી પ્રયાસો માટે સન્માનિત કરવામાં આવ્યા હતા તેઓ અને પરિવારના અચાનક મૃત્યુથી રમતગમતના ચાહકો અને સમગ્ર ઉત્તર કેરોલિના સમુદાયમાં આઘાત અને શોકની લાગણી પ્રસરી ગઈ છે.
આ પણ વાંચો:
H3N2 Virus: બ્રિટનથી પાકિસ્તાન પહોંચ્યો H3N2 ‘સુપર ફ્લૂ’નો ખતરનાક સ્ટ્રેન, ભારત માટે કેટલો ખતરો?
