America: અમેરિકાની રાજધાની વોશિંગ્ટન ડીસીમાં એક મોટી વિમાન(plane) દુર્ઘટના બની છે. રોનાલ્ડ રીગન વોશિંગ્ટન નેશનલ એરપોર્ટ નજીક એક પેસેન્જર વિમાન હવામાં હેલિકોપ્ટર(helicopter)સાથે અથડાયા બાદ પોટોમેક નદીમાં ક્રેશ થયું. વિમાન અને હેલિકોપ્ટર વચ્ચે અથડાતાનો એક વીડિયો પણ સામે આવ્યો છે. તે એક પેસેન્જર વિમાન હતું, જેમાં લગભગ 60 લોકો સવાર હતા. સાથે જ 4 ક્રૂ સભ્યોનો સમાવેશ થાય છે. પોટોમેક નદીમાં બચાવ કામગીરી ચલાવી રહી છે. સીએનએનના અહેવાલ મુજબ, અકસ્માત બાદ રીગન નેશનલ એરપોર્ટને હાલ બંધ કરી દેવાયું છે.
યુએસ ફેડરલ એવિએશન એડમિનિસ્ટ્રેશન(FAA)એ એક નિવેદનમાં જણાવ્યું હતું કે વોશિંગ્ટન, ડીસીની બહાર રીગન નેશનલ એરપોર્ટ નજીક પોટોમેક નદીમાં ક્રેશ થયેલ એક પેસેન્જર વિમાન રનવે પર પહોંચતી વખતે હવામાં સિકોર્સ્કી H-60 હેલિકોપ્ટર સાથે અથડાયું હતું. અકસ્માતનો ભોગ બનેલું વિમાન અમેરિકન એરલાઇન્સનું હતું. તે બુધવારે કેન્સાસના વિચિટાથી રવાના થયું હતુ.
આ પણ વાંચોઃ Mahakumbh: કુંભમાં મૌની અમાવસ્યા સ્નાન દરમિયાન થયેલી ભાગદોડમાં મૃત્યુઆંક 30 પર પહોંચ્યો, 60 ઘાયલ
