- PM મોદી હાથ મળાવવા ઉભા ન થયા તો ફ્રાન્સના પ્રમુખ મેક્રોએ કરી દીધા નજરઅંદાજ
PM મોદી (PM Modi) AI એક્શન સમિટમાં સામેલ થવા માટે ફ્રાન્સ પહોંચ્યા હતા. ત્યાં તેમણે સમિટને સંબોધી પણ હતી. જોકે આ દરમિયાન એક વીડિયો વાયરલ થઈ રહ્યો છે જે AI ઍક્શન સમિટ શરુ થઈ તે પહેલાંનો હોવાનું કહેવામાં આવી રહ્યો છે. આ વીડિયોમાં પીએમ મોદી ફ્રાન્સના પ્રમુખ મેક્રોંને હાથ મિલાવવા માટે ઉભા ન થયા તો તે પણ પીએમ મોદીને નજરઅંદાજ કરીને હાથ મળાવ્યા વગર આગળ વધી ગયા હતા.
સોશિયલ મીડિયા ઉપર કહેવામાં આવી રહ્યુ છે કે, તમામ દેશના લોકો મેક્રો સાથે હાથ મળાવવા માટે તેમના સન્માન માટે ઉભા થઈ રહ્યા હતા પરંતુ પીએમ મોદીએ બેસ્યા-બેસ્યા જ હાથ લંબાવી દીધો હતો, તેથી મેક્રોંનું ધ્યાન ગયું નહતું. આમ મેક્રોંની સાથે-સાથે પીએમ મોદીનું પણ અપમાન ગણવામાં આવી રહ્યું છે.
આ વીડિયોમાં ફ્રાન્સના પ્રમુખ મેક્રોં વિવિધ દેશોના મહેમાનો અને દિગ્ગજો સાથે હાથ મિલાવીને તેમનું અભિવાદન કરી રહ્યા હતા. જોકે આ દરમિયાન પીએમ મોદી સાથે એક વિચિત્ર ઘટના બની જે કેમેરામાં કેદ થઈ ગઈ હતી.
ED संज्ञान ले… विश्वगुरु से हाथ नही मिलाया! pic.twitter.com/RePh956Kym
— Srinivas BV (@srinivasiyc) February 11, 2025
આ પણ વાંચો- Gandhinagar: હોસ્ટેલના વિદ્યાર્થીઓને ફૂડ પોઇઝનિંગ, આટલા વિદ્યાર્થીઓને અસર!
આમ તો એવા અનેક વીડિયો છે જેમાં પીએમ મોદી અને ફ્રાન્સ પ્રમુખ મેક્રોં એકબીજાની સાથે દેખાઈ રહ્યા છે અને ગળે ભેટતાં પણ દેખાઈ રહ્યા છે. જોકે એક વીડિયો એવો સામે આવ્યો છે જેમાં મેક્રોં અન્ય કેટલાક દેશો અને યુએનના મહાસચિવ સાથે હાથ મિલાવતા દેખાય છે પણ આ દરમિયાન જ પીએમ મોદી જે તેમની તરફ હાથ મિલાવવા હાથ આગળ કરે છે ત્યારે તેમના પર મેક્રોં ધ્યાન જ નથી આપતા અને અન્ય લોકો સાથે હાથ મિલાવીને આગળ નીકળી જાય છે.
આ ઘટનાને પીએમ મોદી અને ભારતીયોનું અપમાન માનવામાં આવી રહ્યું છે. સોશિયલ મીડિયા પર વીડિયો વાયરલ થયા બાદ અનેક લોકો આ મામલે પ્રતિક્રિયા આપીને તેને ભારતીયોનું પણ અપમાન ગણાવી ફ્રાન્સના પ્રમુખની ટીકા કરવા લાગ્યા છે.
આ પણ વાંચો-કુંભ મેળામાંની હાજરીનો આંકડો: ભગવાધારીની સરકારનું પાપી જૂઠ્ઠાણું
