• UPની વસ્તી કરતાં ડબલ લોકોએ મહાકુંભમાં લગાવી ડૂબકી; CM યોગીએ આપી જાણકારી

પ્રયાગરાજમાં ચાલી રહેલા મહાકુંભ 2025 અંગે યુપીના સીએમ યોગી આદિત્યનાથે કહ્યું, ‘આ નવું ઉત્તર પ્રદેશ છે.’ 25 કરોડની વસ્તી છે અને ગઈકાલ સુધીમાં પ્રયાગરાજમાં 50 કરોડ લોકો ડૂબકી લગાવી ચૂક્યા છે. આ દરમિયાન મુખ્યમંત્રીએ સમાજવાદી રાષ્ટ્રીય અધ્યક્ષ અખિલેશ યાદવ પર પણ નિશાન સાધ્યું હતું.

‘આ નવું ઉત્તર પ્રદેશ છે’

બાગપતમાં સીએમ યોગી આદિત્યનાથે કહ્યું, ‘આજે માઘી પૂર્ણિમાના અવસર પર કરોડો લોકો પ્રયાગરાજ મહાકુંભમાં ડૂબકી લગાવી રહ્યા છે.’ આ નવું ઉત્તર પ્રદેશ છે, જેની વસ્તી 25 કરોડ છે અને ગઈકાલ સુધીમાં પ્રયાગરાજમાં 50 કરોડ લોકો ડૂબકી લગાવી ચૂક્યા છે. પરંતુ કેટલાક લોકોને આ કામ ગુપ્ત રીતે કરવાની આદત હોય છે. તેમણે કોરોના વાયરસની રસી લીધી પણ દુનિયાને રસી ન લેવાનું કહેતા રહ્યા હતા. તેમણે ગુપ્ત રીતે સંગમમાં ડૂબકી લગાવી અને પાછા આવ્યા પણ જનતાને ડૂબકી ન લગાવવાનું કહી રહ્યા છે.

#WATCH | Baghpat: UP CM Yogi Adityanath says, “Today, on the occasion of Maghi Purnima, crores of people are taking a dip in the Prayagraj Maha Kumbh… This is the new Uttar Pradesh, with a population of 25 crores and till yesterday, 50 crore people have taken a holy dip in… pic.twitter.com/f9QTTncsK1

— ANI (@ANI) February 12, 2025

માઘી પૂર્ણિમાના દિવસે ભક્તોની ભીડ ઉમટી પડી

આજે માઘી પૂર્ણિમાના દિવસે મહાકુંભમાં ભક્તોની ભારે ભીડ ઉમટી પડી છે. સંગમ કિનારાની બંને બાજુ ફક્ત ભક્તો જ દેખાય છે. માઘ પૂર્ણિમાના દિવસે લોકોનો ઉત્સાહ એટલો હતો કે 1 કરોડ લોકોએ વહેલી સવારે સંગમમાં ડૂબકી લગાવી હતી. આ આંકડો હવે 1.83 કરોડને વટાવી ગયો છે.

આજે માઘી પૂર્ણિમાના દિવસે નાગા સાધુઓના અખાડાઓએ સૌથી પહેલા સ્નાન કર્યું. આ પછી અખાડાઓએ અને પછી સંતોએ ડૂબકી લગાવી હતી. આ પ્રક્રિયા પછી જ સામાન્ય ભક્તોએ સ્નાન કરવાનું શરૂ કર્યું. આજે સંગમ કિનારે સ્નાન કરી રહેલા શ્રદ્ધાળુઓ પર હેલિકોપ્ટરથી ફૂલોનો વરસાદ કરવામાં આવી રહ્યો છે. તમને જણાવી દઈએ કે અત્યાર સુધીમાં 46.25 કરોડથી વધુ ભક્તો મહાકુંભમાં ડૂબકી લગાવી હોવાનું સરકાર તરફથી આંકડો આપવામાં આવ્યો છે.

આ પણ વાંચો-અશ્લીલતાના વિવાદ: સમય રૈનાના ગુજરાતના તમામ શો રદ્દ