ACB: સરકારી ખાતાઓમાં ઉંચા સરકારી પગાર અને પદ-પ્રતિષ્ઠા અને સગવડો મળતી હોવાછતાં કેટલાક એટલા બધા લોભિયા હોય છે કે પગારથી સંતોષ થતો નથી અને બે નંબરના પૈસા ક્યાંથી આવે તેમાં રસ હોય છે પણ બધા લાંચ આપવા વાળા સરખા નથી હોતા ક્યારેક કોઈ માથાનો ભટકાય જાય ત્યારે ઈજ્જત અને નોકરી દાવ પર લાગી જાય છે.આવાજ પ્રકારના એક કિસ્સામાં સ્ટેટ ઇન્ટેલિજન્સ બ્યુરોમાં સાણંદ સેન્ટરના સિનિયર ઇન્ટેલિજન્સ ઓફિસર કેતન ગીરીશભાઈ દવેએ એક જાગૃત નાગરિકના પોલીસ પ્રોટેક્શનને રીન્યુ કરવા માટે પોઝિટિવ અભિપ્રાય આપવાના બદલામાં 80,000 રૂપિયાની લાંચની માંગણી કરતા આ રકમ આપવા ફરિયાદી તૈયાર થઈ ગયા પણ સાથે ACBની ટીમને પણ લેતા ગયા જેમાં કેતન દવે લાંચ લેતા રંગેહાથ ઝડપાઇ ગયા હતા IBનો PI કક્ષાનો અધિકારી લાંચ લેતા ACBના હાથે ઝડપાયો હોવાની ઘટનાએ સબંધિત વર્તુળોમાં ભારે ચર્ચા જગાવી છે.કારણ કે ગુપ્તચર વિભાગમાં આ વાત ખૂબજ ગંભીર અને મોટી ગણાય છે.
વિગતો મુજબ ફરિયાદીને અગાઉથી જ પોલીસ પ્રોટેક્શન હતું જ પણ તેઓ દ્વારા આ પ્રોટેક્શનની મુદ્દત વધારવા માટે અરજી કરી હતી જે એક સરકારી પ્રક્રિયા હોય છે જેમાં આ અરજી પર સકારાત્મક અભિપ્રાય આપવા માટે PI કેતન દવેએ ફરિયાદી પાસે રૂ.80,000ની લાંચ માંગતા તેઓએ ACBને જાણ કરી હતી ત્યારબાદ નક્કી થયા મુજબ ગાંધીનગરના સરગાસણ ચોકડી પાસે ફરિયાદી પોતાની ગાડી લઈને આવી ગયા અને ત્યાં PI કેતન દવે પહોંચ્યા હતા અને ગાડીની અંદર બેસી ફરિયાદી સાથે વાતચીત કરી લાંચની રકમ સ્વીકારી હતી.
પીઆઇ દવેએ 80,000 રૂપિયાનીની રકમ હાથમાં લીધી તરત જ વોચમાં રહેલી ACBની ટીમે PI દવેને લાંચ લેતા રંગેહાથ ઝડપી લીધા હતા,કેતન દવે ગાંધીનગરના સરગાસણ ટીપી 9 ખાતેની એક સોસાયટીમાં રહેતા હોય તેઓ નજીકમાં જ પૈસા લેવા પહોંચ્યા હતા પણ ઝીલાઈ ગયા હતા.
આમ,પોતે ગુપ્તચર વિભાગમાં PI જેવા હોદ્દા ઉપર હોવાછતાં તેઓને તેમનો પોતાનો ખેલ થઈ જવાનો છે તેની ભણક સુદ્ધાં આવી ન હતી.PI કેતન દવેને ડીવાયએસપીનું પ્રમોશન મળવાનું હતું. જેઓનું મેરીટમાં બીજા ક્રમાંકે નામ પણ છે ત્યારે હવે તેઓ લાંચ લેતા ઝડપાતા તેઓની કારકિર્દી જોખમમાં મુકાઈ છે.આ બનાવે સબંધિત વર્તુળોમાં ભારે ચર્ચા જગાવી છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
