China Electric Bus Secret System: ચીન ટેકનોલોજીમાં ઘણું આગળ નીકળી ગયું છે અને વિશાળ જાસૂસી નેટવર્ક પાથર્યું છે જેમાં વાત એવી સામે આવી છે કે નોર્વે અને ડેનમાર્કમાં ચીની કંપનીની ઇલેક્ટ્રિક બસો બેઇજિંગ નિયંત્રિત કરતું હોવાના આરોપ લાગ્યા છે, અન્ય દેશોમાં મોજુદ પોતાની કંપનીની બનેલી બસો ચીન પોતાની મરજી મુજબ બંધ કરી શકે છે અને ચાલુ પણ કરી શકે છે આ વાત સામે આવ્યા બાદ નોર્વે અને ડેનમાર્ક તપાસમાં લાગ્યું છે ત્યારે બ્રિટેનની સરકારે પણ ચીની કંપની યુટોન્ગની બનાવેલી સેકન્ડો ઈલેક્ટ્રિક બસની તપાસ શરૂ કરી દીધી છે.
બ્રિટિશના રસ્તાઓ પર દોડી રહેલી ચાઈનીઝ બસોને ચીન દુરથી બંધ કે ચાલું કરી શકે છે તે વાતથી બ્રિટન સચેત થઈ ગયુ છે અને ચીન તેને કંટ્રોલ કરી શકે છે તે વાત ઉપર તપાસ ચાલુ કરી છે. હાલમાં પરિવહન વિભાગ અને નેશનલ સાઈબર સિક્યોરિટી સેન્ટર સયુંકત રીતે તપાસ કરી રહ્યા છે.
ચીનની યુટોન્ગ કંપની બસોના કંટ્રોલ સિસ્ટમ સુધીની આ પહોંચ સોફ્ટવેર અપડેટ અને ડાયગ્નોસિસ માટે હોવાનું જણાવી ચીની કંપનીએ સ્પષ્ટતા કરી છે કે, કંપની નિયમોનું પાલન કરી રહી છે જે પણ ડેટા લેવામાં આવે છે. તે માત્ર બસને ફિટ રાખવા માટે હોય છે.
બીજી તરફ ફાઈનેશિયલ ટાઈમ્સની રિપોર્ટમાં જણાવાયા મુજબ નૉર્વમાં તપાસમાં ખુલ્યું છે કે, હકીકતમાં ચીની કંપની યુટોન્ગ પોતાની બસોને દુરથી જોઈ શકે છે અને ઇચ્છ મુજબ રોકી પણ શકે છે. ડેનમાર્કે પણ આ કારણે તપાસ શરુ કરી છે. બ્રિટેનમાં યુટોન્ગે અંદાજે 700 ઈલેક્ટ્રિક બસની સપ્લાય કરી છે. કંપની લંડનમાં ડબલ ડેકર બસને લાવવાનો પ્રયત્ન કરી રહી છે. આ બસ ટ્રાન્સપોર્ટ ફોર લંડનના નિયમોનું પાલન કરે છે. ડિપાર્ટમેન્ટ ફોર ટ્રાન્સપોર્ટના પ્રવક્તાએ જણાવ્યું હતું કે, “અમે આ બાબતની તપાસ કરી રહ્યા છીએ. અમે નેશનલ સાયબર સિક્યુરિટી સેન્ટર સાથે નજીકથી કામ કરી રહ્યા છીએ.
અમે નોર્વે અને ડેનમાર્કના નિર્ણયો માટેના ટેકનિકલ આધારને સમજવા માંગીએ છીએ. સરકાર કોઈ જોખમ લેવા માંગતું નથી અને હંમેશા સતર્ક છે અને તપાસ ચાલુ છે. આમ,ચીનની આ ભેદી ટેકનોલોજીકલ પોલ ખુલતા જ્યાં જ્યાં આ ઇલેક્ટ્રિક બસો દોડે છે ત્યાં બસમાં લાગેલી સીક્રેટ સર્કિટ શોધવાનું શરૂ થયું છે.
આ પણ વાંચો:
અમેરિકા-ચીન ટ્રેડવોરનો અંત?, ચીને અમેરિકા પરનો 24% ટેરિફ હટાવ્યો! | US-China Trade War
