ISI Agent in Russia arrested: ભારત પાસે રહેલા S-400 જેવી અદ્યતન એર ડિફેન્સ સિસ્ટમ્સની રશિયામાં જાસૂસી કરવા જતા પાકિસ્તાન ભેરવાઈ પડ્યુ છે. રશિયાએ પાકિસ્તાનની ગુપ્તચર એજન્સી ISIના જાસૂસને ઝડપી લીધો છે, જેની પાસેથી રશિયન S-400 જેવી અદ્યતન એર ડિફેન્સ સિસ્ટમ્સ અને હેલિકોપ્ટર ટેક્નોલોજીના દસ્તાવેજ મળી આવ્યા હતા.
આ તકનીકો વાયુસેનાના આધુનિક સંરક્ષણ પ્રણાલીનો હિસ્સો હોવાથી, રશિયાની આ કાર્યવાહી ભારતની સુરક્ષા માટે પણ અત્યંત મહત્ત્વની ગણાય છે. પાકિસ્તાનની જાસૂસી સંસ્થા ISI માટે કામ કરતા એક રશિયન નાગરિકની રશિયાની ગુપ્તચર એજન્સીઓએ સેન્ટ પીટર્સબર્ગમાંથી ધરપકડ કરી હતી.
તેની પાસેથી રશિયાની S-400 એર ડિફેન્સ સિસ્ટમ્સ અને હેલિકોપ્ટર ટેક્નોલોજીના દસ્તાવેજ મળી આવતા આ ગુપ્ત દસ્તાવેજોની તસ્કરી થાય તે પૂર્વે જ આ જાસૂસ ઝડપાઇ જતા પાકિસ્તાનની મેલી મુરાદ સામે આવી છે. પાકિસ્તાન માટે કથિત રીતે જાસૂસી કરનાર આ જાસૂસ પાસેથી મળેલા આ દસ્તાવેજોમાં Mi-8 AMTShV સંબંધિત સંવેદનશીલ તકનીકી માહિતી પણ સામેલ હતી.
અત્રે ઉલ્લેખનીય છે કે ભારતીય વાયુસેના પાસે હાલમાં રશિયાના S-400 મિસાઇલ સિસ્ટમના ત્રણ યુનિટ છે અને ભારતે રશિયા પાસેથી વધુ પાંચ સિસ્ટમ ખરીદવાનું છે ત્યારે ISIનો આ પ્રયાસ ભારતની વ્યૂહાત્મક રણનીતિને સીધી રીતે નબળી પાડવાના ઉદ્દેશ્યથી કરાયો હતો.
તાજેતરમાં ઓપરેશન સિંદૂર વખતે ભારત માટે S-400 સિસ્ટમ નિર્ણાયક સાબિત થતાં, પાકિસ્તાનના જેટ્સ ભારતની સીમામાં પણ પ્રવેશી શક્યા નહોતા તે પછી જ પાકિસ્તાને આ સિસ્ટમ જાણવા
રશિયામાં પોતાની જાસૂસી ગતિવિધિઓ વધારી છે, રિપોર્ટ્સ અનુસાર, ISIનું જાસૂસી નેટવર્ક રશિયાના એડવાન્સ્ડ S-400 મિસાઇલ ડિફેન્સ સિસ્ટમ સાથે જોડાયેલી જાણકારીઓ મેળવવાનો પ્રયાસ કરી રહ્યું છે.
દરમિયાન,રશિયાની એજન્સીઓને ગંધ આવી જતા ‘કાઉન્ટર-એસ્પિયોનેજ ઓપરેશન’ પાર પાડી એજન્ટની ધરપકડ કરી દસ્તાવેજ હસ્તગત કરી તેની પૂછપરછ ચાલુ છે અને જાસૂસીમાં પાકિસ્તાની દૂતાવાસ કે અન્ય વિદેશી એજન્સીઓની ભૂમિકાની પણ તપાસ કરવામાં આવી રહી છે.
આ પણ વાંચો:
New Delhi: ISISના બે આતંકવાદી ઝડપાયા, 8 શંકાસ્પદોની અટકાયત
Gujarat: ભૂપેન્દ્ર પટેલ સરકારે ધરતીપુત્રો માટે 10 હજાર કરોડની સહાય જાહેર કરી, શું આ પૂરતું છે?
Bhavnagar: હીરા ઉદ્યોગ ઈતિહાસની ભયંકર મંદીના ચપેટમાં!, માર્કેટ ખુલવાના એંધાણ નહીં
ઓડિશામાં માત્ર 4 મહિનામાં 36000થી વધુ મહિલા અને 8400 બાળકો ગુમ
