Breaking News: આખરે ડોનાલ્ડ ટ્રમ્પ દ્વારા ભારત પર લગાવાયેલો 25 ટકા ટેરિફ ઘટાડીને 18 ટકા કરી દીધો છે,ટ્રમ્પે આજે સોમવારે ભારતના પીએમ નરેન્દ્ર મોદી સાથે ફોન પર વાતચીત કર્યા બાદ આ જાહેરાત કરી છે,ભારત પણ અમેરિકા સામેના તેના ટેરિફ અને નોન-ટેરિફ અવરોધોને ઘટાડીને ‘શૂન્ય’ કરવા માટે આગળ વધશે.
મહત્વનું છે કે અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ઓગસ્ટ 2025માં ભારત ઉપર બે વખત ટેરિફ લગાવ્યો હતો. પહેલીવાર 1 ઓગસ્ટે વ્યાપાર ખાધને લઈને 25% ટેરિફ લગાવવામાં આવ્યો ત્યારબાદ 27 ઓગસ્ટે રશિયા પાસેથી તેલ ખરીદવાનું કારણ આપીને ફરી 25% વધુ ટેરિફ લગાવવામાં આવ્યો હતો,આજે સોમવારે જે ટેરિફમાં ઘટાડો કરવામાં આવ્યો છે, તે આ વધારાનો 25 ટકા ટેરીફ ઘટાડવામાં આવ્યો છે.
ટ્રમ્પે સોશિયલ મીડિયા પ્લેટફોર્મ ‘ટ્રુથ સોશિયલ’ પર લખ્યું- “આજે સવારે ભારતના વડાપ્રધાન નરેન્દ્ર મોદી સાથે વાત કરવી મારા માટે સન્માનની વાત હતી તેઓ મારા ખૂબ જ સારા મિત્ર છે અને પોતાના દેશના એક મજબૂત અને સન્માનિત નેતા છે.”
અમારી વાતચીત અનેક મુદ્દાઓ પર થઈ, જેમાં વ્યાપાર અને રશિયા-યુક્રેન યુદ્ધને ખતમ કરવાના વિષયનો પણ સમાવેશ થાય છે. તેમણે રશિયન તેલ ખરીદવાનું બંધ કરવા અને અમેરિકા પાસેથી વધુ તેલ ખરીદવા પર સંમતિ દર્શાવી છે. જરૂર પડશે તો તેઓ વેનેઝુએલા પાસેથી પણ તેલ ખરીદશે. આનાથી યુક્રેનમાં ચાલી રહેલા યુદ્ધને ખતમ કરવામાં મદદ મળશે કારણ કે ત્યાં દર અઠવાડિયે અનેક લોકો મરી રહયા છે.
વડાપ્રધાન મોદી સાથેની મિત્રતા અને સન્માનના નાતે, અને તેમની વિનંતી પર, અમેરિકા અને ભારત વચ્ચે તરત જ એક વ્યાપાર સમજૂતી થઈ છે. આ અંતર્ગત અમેરિકા ભારત પર લાગતો રેસિપ્રોકલ ટેરિફ 25%થી ઘટાડીને 18% કરશે. બીજી તરફ ભારત અમેરિકા સામેના પોતાના ટેરિફ અને નોન-ટેરિફ અવરોધોને શૂન્ય કરવાની દિશામાં આગળ વધશે.
વડાપ્રધાન મોદીએ “BUY AMERICAN” એટલે કે અમેરિકા પાસેથી વધુ ખરીદી કરવાનું પણ વચન આપ્યું છે. આ ઉપરાંત ભારત અમેરિકા પાસેથી 500 અબજ ડોલરથી વધુની ઉર્જા, ટેકનોલોજી, કૃષિ, કોલસો અને અન્ય ઉત્પાદનો ખરીદશે,ભારત સાથેના અમારા સંબંધો આગળ જતાં વધુ મજબૂત થશે. વડાપ્રધાન મોદી અને હું બંને એવા લોકો છીએ જે કામ કરીને બતાવે છે. આ વિષય પર ધ્યાન આપવા બદલ આભાર,આ સાથેજ ડોનાલ્ડ ટ્રમ્પે ઈન્ડિયા ગેટ અને મોદી સાથેનો ફોટો શેર કર્યો હતો.
ટ્રમ્પે આજે જ પોતાના સોશિયલ મીડિયા ‘ટ્રુથ સોશિયલ’ પર ભારત સાથે જોડાયેલી બે તસવીરો પોસ્ટ કરી જેમાં તેઓએ એકમાં ઈન્ડિયા ગેટનો ફોટો જ્યારે બીજામાં પીએમ મોદી સાથે એક મેગેઝિનનું કવર શેર કર્યું હતું,આમ,ટેરીફ હઠતા અમેરિકા સાથેના વ્યાપારમાં તેજી આવશે અને બગડેલા સબંધો પૂર્વવત થવાની આશા બંધાઈ છે.
આ પણ વાંચો:
Donald Trump: અમેરિકાનું ખતરનાક USS અબ્રાહમ લિંકન યુદ્ધ જહાજ ઈરાન નજીક પહોંચતા યુદ્ધના ભણકારા
