● ઇરાનની ચેતવણી ‘અમે યુદ્ધ’ માટે તૈયાર ; ઈઝરાયેલમાં હાઈ એલર્ટ અપાયું
Donald Trump: અમેરિકાનું સૌથી વિનાશક યુદ્ધ જહાજ, યુએસએસ અબ્રાહમ લિંકન, હવે ઈરાનની નજીક છે. ઈરાન તરફ અમેરિકન કાફલાનો અભિગમ સૂચવે છે કે કંઈક મોટું થવાનું છે.શું રાષ્ટ્રપતિ ટ્રમ્પ પોતાની ધમકીને સાચી સાબિત કરવા માંગે છે, કે પછી ઈરાન પર દબાણ લાવવા માટે અમેરિકાએ પોતાનો યુદ્ધ કાફલો ઈરાન મોકલ્યો છે?
અમેરિકન વિમાનવાહક જહાજ યુએસએસ અબ્રાહમ લિંકન એક આખો યુદ્ધ કાફલો વહન કરે છે.આ યુદ્ધ જહાજને અમેરિકાના દુશ્મનોનો શત્રુ માનવામાં આવે છે અને એવું કહેવામાં આવે છે કે તે એકલા હાથે સમગ્ર ઈરાની સેનાનો નાશ કરી શકે છે.આ યુદ્ધ જહાજ સાથે ગાઈડેડ મિસાઈલ ક્રુઝર, ડિસ્ટ્રોયર, સબમરીન અને અન્ય જહાજો સાથેનું સ્ટ્રાઈક ગ્રુપ પણ હાજર હોય છે.
યુએસએસ અબ્રાહમ લિંકનને સૌથી મોટો નૌકાદળનો કાફલો માનવામાં આવે છે, આ યુદ્ધ જહાજ પર અમેરિકાના સૌથી ઘાતક લડાકુ વિમાનો તૈનાત છે.યુદ્ધની સ્થિતિમાં, યુએસએસ અબ્રાહમ લિંકન ગમે ત્યાંથી, જમીન, સમુદ્ર કે આકાશમાંથી, દુશ્મન પર વિનાશક હુમલો કરી શકે છે.
યુએસ પ્રમુખ ટ્રમ્પે ઈરાનને નકશા પરથી ભૂંસી નાખવાની ધમકી આપી છે, તો તેની પાછળનું મુખ્ય કારણ અમેરિકા પાસે રહેલા ઘાતક શસ્ત્રો છે. સંરક્ષણ નિષ્ણાતો માને છે કે અમેરિકા પાસે એવા વિનાશક શસ્ત્રો છે કે તેઓ ઈરાનની આખી સેનાનો નાશ કરી શકે છે. અમેરિકા પાસે ઘણી વિશિષ્ટ શસ્ત્ર પ્રણાલીઓ છે જે ઈરાની લશ્કરી થાણાઓ અને મિસાઈલ સ્થળો જેવા ખતરનાક લક્ષ્યોને મિનિટોમાં નિશાન બનાવી શકે છે.અમેરિકન ફાઇટર જેટ અને મિસાઇલોને ઈરાનની હવાઈ સંરક્ષણ પ્રણાલી રોકવા સક્ષમન હોવાનું માનવામાં આવે છે.
અમેરિકા પાસે પાંચ શસ્ત્રો છે જેનો ઈરાન સામનો કરી શકતું નથી. ઈરાન-ઈઝરાયલ યુદ્ધ દરમિયાન, અમેરિકન સ્ટીલ્થ બોમ્બર, જેને B-2 બોમ્બર તરીકે ઓળખવામાં આવે છે, તેમણે ઈરાનના પરમાણુ સુવિધાઓનો નાશ કર્યો હતો. ઈરાની સૈન્યની હવાઈ સંરક્ષણ પ્રણાલી અને રડાર અમેરિકન B-2 બોમ્બરોને શોધવામાં નિષ્ફળ ગયા.આનો અર્થ એ થયો કે B-2 બોમ્બરોનો સામનો કરવો ઈરાન માટે માત્ર મુશ્કેલ જ નહીં, પણ લગભગ અશક્ય પણ છે.સૌથી ચોંકાવનારી વાત એ છે કે અમેરિકામાં 52 નવા B-2 બોમ્બર વિકસાવવામાં આવી રહ્યા છે, જેનો અર્થ એ છે કે અમેરિકા કંઈક મોટું કરવા જઈ રહ્યું છે.
અમેરિકાના ટોમાહોક મિસાઇલની વાત કરીએ તો, આ મિસાઇલ ઈરાનમાં વિનાશનો નવો અધ્યાય લખી શકે છે. સબમરીન અને યુદ્ધ જહાજોમાંથી છોડવામાં આવતી ટોમાહોક મિસાઇલો તેમના સચોટ પ્રહારો માટે પ્રખ્યાત છે. આ એ જ મિસાઇલ છે જેની યુક્રેનિયન રાષ્ટ્રપતિ ઝેલેન્સકીએ ટ્રમ્પ પાસેથી વિનંતી કરી હતી. જોકે, ટ્રમ્પે આ મિસાઇલ આપવાનો ઇનકાર કર્યો હતો. ટોમાહોક મિસાઇલને વિશ્વભરમાં માન્યતા આપવામાં આવી છે.જો અમેરિકા ટોમાહોક મિસાઇલથી ઈરાન પર હુમલો કરે તો અનેક ઈરાની શહેરોમાં ભારે વિનાશ નોતરી શકે છે.અમેરિકન F-35 અને F-22 ને વિશ્વના સૌથી અદ્યતન ફાઇટર જેટમાં ગણવામાં આવે છે.બંને પાંચમી પેઢીના ફાઇટર જેટ છે.
બીજી તરફ ઈરાની વાયુસેના હજુ પણ દાયકાઓ જૂના ફાઇટર જેટનો ઉપયોગ કરે છે,પરિણામે, ઈરાની વાયુસેના માટે યુએસ વાયુસેના સામે ટકી રહેવું અશક્ય છે.યુએસ વાયુસેનાના કાફલામાં એવા ફાઇટર જેટનો સમાવેશ થાય છે જેને ટ્રેસ, ટ્રેક અને ટાર્ગેટ કરવાની ઈરાન પાસે ક્ષમતા નથી.અમેરિકન MQ-9 રીપર એક ખતરનાક ડ્રોન છે જે 50,000 ફૂટની ઊંચાઈએ ઉડે છે અને 1,850 કિલોમીટર સુધીના લક્ષ્યોને હિટ કરી શકે છે.
●>ઈરાનની વોશિંગ્ટનને ચેતવણી
યુએસ આ ખતરનાક ડ્રોનનો ઉપયોગ ઈરાની લશ્કરી થાણાઓ પર મોટા હુમલા માટે કરી શકે છે, જેની ફ્લાઇટ રેન્જ 27 થી 42 કલાક છે. સંરક્ષણ નિષ્ણાતો માને છે કે ઈરાન અને અમેરિકા વચ્ચેના સંબંધોમાં ખટાશ અસામાન્ય નથી, પરંતુ ઈઝરાયેલ-ઈરાન યુદ્ધ પછીથી ઉદ્ભવેલા તણાવ દરરોજ વધી રહ્યા છે ત્યારે પરિસ્થિતિ કોઈપણ સમયે યુદ્ધમાં પરિણમી શકે છે.અમેરિકન યુદ્ધ જહાજ ઈરાન તરફ રવાના થતાં ઈરાની સૈન્યએ પણ અમેરિકાને ચેતવણી આપી છે. ઈરાનના રિવોલ્યુશનરી ગાર્ડ્સના કમાન્ડરે વોશિંગ્ટનને ચેતવણી આપી હતી કે તેઓ દરેક સ્થિતિ માટે તૈયાર છે.
● ઇઝરાયલી સૈન્ય હાઇ એલર્ટ પર
અમેરિકા અને ઇરાન વચ્ચે વધતા તણાવને ધ્યાનમાં લઈ ઇઝરાયલ યુદ્ધની સ્થિતિમાં આવી ગયું છે અને હાઈ એલર્ટ અપાયું છે અને પોલીસ, ફાયર બ્રિગેડને કટોકટી વખતે કોઈપણ સંભવિત ઇરાની હુમલા માટે તૈયાર રહેવા જણાવાયું છે.IDF ચીફ ઓફ સ્ટાફ લેફ્ટનન્ટ જનરલ ઇયાલ ઝમીરે જણાવ્યું હતું કે સેના કોઈપણ યુદ્ધની સ્થિતિનો સામનો કરવા માટે તૈયાર છે.
ઇઝરાયલી અખબાર ધ ટાઇમ્સ ઓફ ઇઝરાયલ અનુસાર, ચીફ ઓફ સ્ટાફે જણાવ્યું હતું કે હોમ ફ્રન્ટ તાલીમબદ્ધ અને સક્ષમ છે. “અમારી સેના હાઇ એલર્ટ પર છે.”આમ,અમેરિકન યુદ્ધ જહાજ ઈરાન નજીક પહોંચતા તંગદિલી વધી છે અને ગમેત્યારે યુદ્ધ થઈ શકે તેવી સ્થિતિ જોવા મળી રહી છે.
આ પણ વાંચો:
Police recruitment: ગુજરાત પોલીસમાં ભરતી માટે થઈ જાવ રેડી; PSI-LRDની શારીરિક કસોટીની તારીખો જાહેર!
