Police recruitment: ગુજરાતમાં યુવા વર્ગ સરકારી નોકરી માટે તડામાર તૈયારીઓ કરતા હોય છે અને ખાસ કરીને પોલીસ ભરતીની કાગડોળે રાહ જોતા હોય છે ત્યારે ગુજરાત પોલીસ ભરતી બોર્ડ દ્વારા લોકરક્ષક દળ (LRD) અને PSIની કુલ 13,591 જગ્યાઓ માટે શારીરિક કસોટીની તારીખ જાહેર કરવામાં આવી છે.
આગામી તા. 21 જાન્યુઆરીથી રાજ્યમાં અલગ અલગ સેન્ટરો પર દોડ સહિતની અન્ય શારીરિક કસોટીઓ યોજાનાર છે.ભરતી મેળામાં PSI અને LRD (કોન્સ્ટેબલ)ની કેડરનો સમાવેશ થાય છે,આ ભરતી માટે રાજ્યભરમાંથી લાખો ઉમેદવારોએ ઓનલાઈન અરજીઓ કરી હતી.આવા ઉમેદવારો ટૂંક સમયમાં જ ઓફિશિયલ વેબસાઈટ પરથી પોતાના કોલ લેટર ડાઉનલોડ કરી શકશે.
ગુજરાત પોલીસ ભરતી બોર્ડની જાહેરાત ક્રમાંકઃ GPRB/202526/1 અન્વયે પો.સ.ઇ. કેડર અને લોકરક્ષક કેડરની શારીરિક કસોટી તા.૨૧/૦૧/૨૦૨૬ના રોજથી શરૂ થનાર છે. જેના કોલલેટર ડાઉનલોડ કરવા અંગેની વિગતો હવે પછી જણાવવામાં આવશે. જેની ઉમેદવારોએ નોંધ લેવી.
— Gujarat Police Recruitment Board Official (@GPRB_GNR) January 3, 2026
સૂત્રોના જણાવ્યા મુજબ આ ભરતી પ્રક્રિયામાં પણ સમયની સચોટ નોંધ કરી શકાય તે માટે દોડ સમયે RFID ચીપનો ઉપયોગ કરવામાં આવશે.જે જગ્યાએ દોડ થશે તે તમામ મેદાન પર સીસીટીવી કેમેરા અને ચુસ્ત બંદોબસ્ત હશે.
સાથેજ જે ઉમેદવાર શારીરિક કસોટી પાસ કરશે તેઓજ આગામી લેખિત પરીક્ષા માટે લાયક ઠરશે.
■ આ માટે કુલ જગ્યાઓ અને કેડર મુજબ વિગતો આ પ્રમાણે છે.
(1) પીએસઆઈ કેડર (PSI Cadre) – કુલ 858 જગ્યા
(2) બિન હથિયારી પોલીસ સબ ઇન્સ્પેક્ટર-659
(3) હથિયારધારી પોલીસ સબ ઇન્સ્પેક્ટર-129
(4) જેલર ગ્રૂપ 2- 70
આમ,ગુજરાત પોલીસ દળમાં નોકરી કરવાનું સપનું જોઈ રહેલા લાખો યુવાનો માટે હવે કસોટીની ઘડી આવી ગઈ છે ત્યારે ભરતીમાં ભાગ લેનાર ઉમેદવારોમા ભારે ઉત્સુકતા જોવા મળી રહી છે.
આ પણ વાંચો:
Pentagon: ચીનની ભેદી હિલચાલ; અરૂણાચલ પ્રદેશ કબ્જે કરવા કરી રહ્યું છે, તૈયારીઓ! પેન્ટગોને આપી ચેતવણી!
Donald Trump: ટ્રમ્પનો ‘ટેરિફ દાવ’ ઊંધો પડ્યો! 700થી વધુ યુએસ કંપનીઓને લાગ્યા તાળા!
Aravali Case: અરવલ્લી કેસમાં સુપ્રીમ કોર્ટેનો પોતાનાજ આદેશ પર સ્ટે; આગામી સુનાવણી 21મી એ થશે
