પીએમ મોદીના દાવાની Donald Trump એ હવા કાઢી નાખી, ટ્રમ્પે દુનિયાની સામે કહી દીધું , ‘મેં ધમકી આપીને યુદ્ધને બંધ કરાવ્યું’

Donald Trump on India Pakistan Ceasefire: ઓપરેશન સિંદૂર પર પીએમ મોદીએ ગઈ કાલે રાત્રે રાષ્ટ્રને સંબોધન કર્યું હતું. જેમાં પીએમ મોદીએ સેનાએ કરેલી કાર્યવાહી અંગે જણાવ્યુ હતું. આ સાથે પાકિસ્તાન ફરી કોઈ આવી હરકત કરશે તો યોગ્ય જવાબ આપવાની ચીમકી આપી પરંતું આખો દેશ અત્યારે પીએમ મોદી પાસેથી જાણવા માંગતો કે, ભારતે ઓપરેશન સિંદૂર હેઠળ પાકિસ્તાન સામે હાથ ધરેલી કાર્યવાહી અમેરિકી રાષ્ટ્રપતિ ડોનાલ્ડ ટ્રમ્પે રોકાવી દીધી છે તે ક્યા દબાણમાં આવીને રોકાવી ? તેના પર મોદી એક પણ શબ્દ બોલ્યા ન હતા. ખુદ ડોનાલ્ડ ટ્રમ્પ આખા વિશ્વની સામે દાવો કરી રહ્યા છે કે, તેમણે ભારતને ધમકી આપીને સંઘર્ષને અટકાવ્યો છે જો પીએમ મોદી અમેરિકાના દબાણમાં નથી તો કેમ આ મામલે કઈ બોલ્યા નહીં ?

પીએમ મોદી પોતાના ભાષણમાં ફાકા ફોજદારી કરે તે પહેલા જ ગઈ કાલે ટ્રમ્પે આખી દુનિયાની સામે દાવો કર્યો હતો કે, મેં ધમકી આપી હતી કે, જો યુદ્ધ નહીં રોકો તો તમારી સાથે વ્યાપાર ધંધો નહિ કરીએ જે બાદ આ યુદ્ધ રોકાયું.ટ્રમ્પે ફરી એકવાર ભારત અને પાકિસ્તાન વચ્ચે યુદ્ધવિરામનો શ્રેય લીધો છે. ડ્રમ્પે દુનિયાની સામે કહી દીધું કે મેં ધમકી આપી હતી કે યુદ્ધ નહિ રોકો તો અમે તમારી સાથે વ્યાપાર ધંધો નહિ કરીએ આવું કહીને મેં ભારત- પાકિસ્તાનનું યુદ્ધ રોકવી દીધું છે. ત્યારે ટ્રમ્પે આખા વિશ્વની સામે આ દાવો કરીને પીએમ મોદીના દાવાની હવા કાઢી નાખી છે અને પીએમ મોદી ચુપ છે.

ડોનાલ્ડ ટ્રમ્પે શું કહ્યું?

એક પ્રેસ કોન્ફરન્સમાં, યુએસ રાષ્ટ્રપતિ ડોનાલ્ડ ટ્રમ્પે દાવો કર્યો હતો કે તેમણે બંને દેશોને સંઘર્ષ રોકવા માટે વેપાર બંધ કરવાની ધમકી પણ આપી હતી. ટ્રમ્પના મતે, તેમણે ભારત અને પાકિસ્તાનને કહ્યું હતું કે, ‘આ બધું બંધ કરો.’ હમણાં અમે તમારી સાથે ઘણો વેપાર કરવાના છીએ. જો તમે આ બંધ કરશો તો અમે વેપાર કરીશું, જો તમે આ બંધ નહીં કરો તો અમે કોઈ વેપાર કરવાના નથી. ટ્રમ્પે વધુમાં કહ્યું કે લોકો ક્યારેય મારા જેવી રીતે વ્યવસાયનો ઉપયોગ કરતા નથી. આ પછી ભારત અને પાકિસ્તાને કહ્યું કે અમે આ બંધ કરીશું અને તેમણે યુદ્ધવિરામની જાહેરાત કરી. ટ્રમ્પે એમ પણ કહ્યું કે સંઘર્ષ રોકવાના બીજા ઘણા કારણો હતા, પરંતુ વેપાર સૌથી મોટું કારણ હતું.

#WATCH | On India-Pakistan understanding, US President Donald Trump says, “…We stopped a nuclear conflict. I think it could have been a bad nuclear war. Millions of people could have been killed. I also want to thank VP JD Vance and Secretary of State, Marco Rubio, for their… pic.twitter.com/9upYIqKzd1
— ANI (@ANI) May 12, 2025

ટ્રમ્પના દાવા પર પીએમ મોદી પણ કંઈ બોલી શક્યા નહીં

ટ્રમ્પના આ નિવેદને મોદીના મોટા મોટા દાવાની હવા નિકળી ગઈ છે. ટ્રમ્પ ભારતને ધમકાવાની વાત આખા વિશ્વને જણાવે છે અને પીએમ મોદી આ બાબતે ચુપ છે તેમણે ગઇ કાલે અનેક મોટી મોટી વાતો કરી પરંતુ મોદીએ સીઝ ફાયર ભારત તરફથી કેમ કરવામાં આવ્યું તે અંગે કોઈ જવાબ ન આપ્યો. તેમજ ટ્રમ્પના દાવા વિશે પણ કઈ બોલ્યા નહીં.

મોદી ટ્રમ્પથી કેમ આટલા ડરી રહ્યા છે ?

વિચિત્ર વાત તે પણ છે કે, ભારત પાકિસ્તાન વચ્ચે ઘર્ષણ આતંકવાદને લઈને થયું હતુ ત્યારે ડ્રમ્પ કહી રહ્યા છે કે, વેપારની ધમકી આપતા આ ઘર્ષણ અટક્યું. ખુલ્લેઆમ ટ્રમ્પ વારંવાર દાવો કરી રહ્યા છે કે, અમેરિકાના દબાવમાં આવીને ભારત પાકિસ્તાન વચ્ચે ઘર્ષણ અટક્યું જો આ વાત ખોટી હોય તો કેમ આ બાબતે પીએમ મોદી દ્વારા કોઈ સ્પષ્ટતા કરવામા નથી આવતી ? આતંકવાદ સામે કાર્યવાહીમાં વિપક્ષ સહિત દરેકે સમર્થન આપ્યું અને મોદી ડ્રમ્પની ધમકીથી ડરીને પાણીમાં બેસી ગયા આનાથી વધારે શરમની વાત શું હોઈ શકે ?