ગુજરાતમાં વારંવાર નકલી વસ્તુઓ સહિત લોકો ઝડપાઈ રહ્યા છે. નકલી ઓફિસરો, PMO, CMO, CID, જજ બની લોકોને છેતરપીંડીનો ભગો બનાવી રહ્યા છે. ત્યારે હવે અરવલ્લીના બાયડમાંથી એક નકલી ASI ઝડપાયો છે. બાયડના આંબલીયારા ગામના યુવકે પોલીસમાં ASI તરીકેની ઓળખાણ આપી લોકો સાથે રુ. 13.50 લાખની છેતરપીંડી આચરી છે.
પ્રાપ્ત માહિતી અનુસાર બાયડ તાલુકાના આંબલીયારા ગામમાં રહેતો યુવક પોલીસ યુનિફોર્મ પહેરીને પોતે પોલીસ હોવાની ઓળખ આપી રોફ જમાવતો હતો. તે લોકોને નોકરી અપાવવવની લાલચ આપી યુવાનો સાથે છેતરપીંડી આચરતો હતો. ગાંધીનગરની વિવેકાનંદ એકેડમીમાં એડમિશન આપી પોલીસમાં નોકરી આપવાના લાંલચ આપતો હતો.
6 યુવાનોને છેતર્યા
6 અલગ અલગ યુવકો પાસેથી કુલ રૂ.13.50 લાખ લઈને છેતરપિંડી આચરી છે. આ ઘટનામાં બાયડ પોલીસે નીમેશ અશોકભાઇ ચૌહાણ અને અશોકભાઇ ધુળાભાઈ ચૌહાણ સામે ગુન્હો નોંધી તપાસ હાથ ધરી છે.
આ સમાચાર પણ વાંચોઃ નિજ્જર હત્યા કેસમાં આરોપીઓને જામીન, ટ્રુડોના આક્ષેપનો ફિયાસ્કો
