Gujarat By Elections 2025: ગુજરાતની કડી અને વિસાવદર વિધાનસભા બેઠકો પર આજે પેટા ચૂંટણી માટે મતદાન યોજાઈ રહ્યું છે. સવારે 7 વાગ્યાથી શરૂ થયેલી મતદાન પ્રક્રિયા સાંજે 6 વાગ્યા સુધી ચાલશે. બંને બેઠકો પર કુલ 5.50 લાખથી વધુ મતદારો પોતાનો મત આપશે, જેમાં ભાજપ, કોંગ્રેસ અને આમ આદમી પાર્ટી વચ્ચે રસપ્રદ ત્રિપાંખીયો જંગ સર્જાશે.

મતદાનની વિગતો

કડી બેઠક

મતદારો: 2,89,927

મતદાન મથકો: 294 (106 સંવેદનશીલ બૂથ)

પોલિંગ સ્ટાફ: 1,900

વિસાવદર બેઠક

મતદારો: 2,61,092 (1,35,609 પુરુષ, 1,25,479 મહિલા)

મતદાન મથકો: 297 (17 શહેરી, 277 ગ્રામ્ય)

પોલિંગ સ્ટાફ: 1,884

પેટા ચૂંટણીનું કારણ

વિસાવદર: 2022ની ચૂંટણીમાં આમ આદમી પાર્ટીના ભૂપત ભાયાણી વિજેતા બન્યા હતા. ભાજપના હર્ષદ રીબડિયાએ ગેરરીતિના આરોપ સાથે હાઈકોર્ટમાં પિટિશન દાખલ કરી. આ દરમિયાન ભાયાણીએ ‘આપ’ છોડી ભાજપમાં જોડાતાં બેઠક ખાલી થઈ. રીબડિયાએ પિટિશન પાછી ખેંચતાં પેટા ચૂંટણીનો માર્ગ મોકળો થયો.

કડી: ભાજપના ધારાસભ્ય કરશનભાઈ સોંલકીના નિધનને કારણે આ બેઠક પર પેટા ચૂંટણી યોજાઈ રહી છે.

વિસાવદરમાં કોંગ્રેસના ઉમેદવાર નીતિન રાણપરીયાએ કર્યું મતદાન

વિસાવદરમાં કોંગ્રેસના ઉમેદવાર નીતિન રાણપરીયા પરિવાર સાથે ભેંસાણ મતદાન મથકે મતદાન કરવા પહોંચ્યા હતા. બંને બેઠકો પર સવારથી જ મતદારોની લાઈનો જોવા મળી, જે ચૂંટણીના ઉત્સાહને દર્શાવે છે.

આ પેટા ચૂંટણી ભાજપ, કોંગ્રેસ અને આમ આદમી પાર્ટીની રાજકીય તાકાત બતાવશે. કડી અને વિસાવદરના પરિણામો ગુજરાતના રાજકીય ભવિષ્ય પર પ્રભાવ પાડી શકે છે. કારણ કે, આપ પાર્ટી માટે આ બેઠક વર્ચસ્વની લડાઈ છે. જ્યારે ભાજપ માટે આ બેઠક નાક સમાજ છે તેમજ કોંગ્રેસ પણ પોતાનું નસીબ અજમાવી રહી છે. ત્યારે આજે ત્રણેય પાર્ટીના ઉમેદવારોનું ભવિષ્ EVM માં કેદ થશે.