Gujarat Winter |દેશના ઉત્તર તરફથી ફૂંકાતા બર્ફીલા પવનોને કારણે ગુજરાતમાં ઠંડીનો પારો ગગડતાં રાજ્યના તમામ વિસ્તારોમાં ઠંડીનું કાતિલ મોજું ફરી વળતા લોકો કકડતી ઠંડીનો અનુભવ કરી રહ્યા છે.
રાજ્યમાં હાલ કેટલાક વિસ્તારોમાં તાપમાન 13 ડિગ્રી સુધી પહોંચ્યું છે, અમરેલીમાં સૌથી ઓછું 13.2°C, અમદાવાદમાં 16.5°C, ગાંધીનગરમાં 14.5°C, વડોદરામાં 15°C, રાજકોટમાં 14.6°C, કેશોદમાં 13.9°C, જ્યારે નલિયા સહિત અનેક વિસ્તારોમાં ઠંડીનું પ્રમાણ વઘ્યું છે,ગુજરાતમાં શિયાળો હવે જામી રહ્યો છે.
હવામાન નિષ્ણાતોના મતે, આગામી દિવસોમાં પણ ઉત્તરીય પવનોની ગતિ જળવાઈ રહેવાની શક્યતા છે, જેના કારણે લઘુત્તમ તાપમાનમાં વધુ ઘટાડો થઈ શકે છે અને રાજ્યભરમાં ઠંડીનું પ્રમાણ વધશે.હજુ આગામી તા. 18 નવેમ્બર બાદ રાજ્યમાં ઠંડીનો ચમકારો વધવાની આગાહી છે.ઉત્તર ભારતના પર્વતીય વિસ્તારોમાં હિમવર્ષાની અસર હવે રાજ્યમાં સ્પષ્ટપણે દેખાઈ રહી છે.પહાડીઓ પરથી ફૂંકાતા ઠંડા ઉત્તરીય પવનોએ સવાર અને સાંજે ઠંડીમાં વધારો કર્યો છે.હાલમાં કાતિલ ઠંડીનો અનુભવ થતાં લોકો ગરમ વસ્ત્રો, કેપ, વગેરેમાં લપેટાયેલા જોવા મળી રહયા છે.
સમગ્ર ગુજરાતમાં ઠંડીનો ચમકારો જોવા મળી રહ્યો છે ત્યારે ગુજરાત સહિત ઉત્તર ભારતમાં પણ શિયાળાની તીવ્રતા જોવા મળી છે.દેશના દિલ્હી, હરિયાણા, પંજાબ, રાજસ્થાન, યુપી અને બિહારમાં ઠંડા પવનો ફૂંકાતા લઘુત્તમ તાપમાન 10°C ની આસપાસ પહોંચ્યું છે, મેદાની અને ગ્રામ્ય વિસ્તારોમાં વહેલી સવારે ધુમ્મસ જોવા મળી રહ્યું છે.
ઉપરાંત જમ્મુ-કાશ્મીર, હિમાચલ પ્રદેશ અને ઉત્તરાખંડમાં બરફ વર્ષાની શરૂઆત થતા તેની અસર પણ ગુજરાતમાં દેખાવાની છે જેથી વધુ કાતિલ ઠંડીનો અનુભવ થશે.પહાડી વિસ્તારોમાં તાપમાન 0°C થી નીચે આવી જતા આગામી દિવસોમાં વધુ ઠંડી પડવાની હવામાન વિભાગે આગાહી કરી છે.
આ પણ વાંચો:
Surat: માતાજીના પંડાલમાં હુક્કાબાર સોંગ્સ પર યુવતીઓનો અશ્લિલ ડાન્સ, વીડિયો વાયરલ થતા વિવાદ
Maharashtra: ઉદ્ધવ ઠાકરેએ સોનમ વાંગચુકની ધરપકડ મામલે કેન્દ્ર સરકારની કાઢી ઝાટકણી
Rajasthan: BJP કાર્યકર્તાઓએ કેન્સરના દર્દીઓને બિસ્કિટ આપ્યા, ફોટા પડાવ્યા અને બિસ્કીટ પાછા લઈ લીધા
