Vadodara: ગુજરાત જમીન વિકાસ નિગમ (GLDC)ના પૂર્વ મેનેજિંગ ડિરેક્ટર કનૈયાલાલ દેત્રોજા, જે 2018માં હજારો કરોડના કૌભાંડમાં મુખ્ય આરોપી બન્યા હતા, તેમના વિરુદ્ધ નવો કેસ નોંધાયો છે. મોરબીના ખેડૂતની 100 કરોડની જમીન પચાવવાના ષડયંત્રમાં તેમને 14 નવેમ્બરે વડોદરાની ગોરવા પોલીસે ધરપકડ કરી, પરંતુ માત્ર કેટલાક કલાકોમાં જ તે પોલીસ જપ્તા દરમિયાન રાત્રે ભાગી ગયા. આ ઘટનાએ પોલીસ વ્યવસ્થા પર ગંભીર સવાલો ઉભા કર્યા છે કોઈ આરોપીને આટલી સરળતાથી કસ્ટડીમાંથી કેવી રીતે ભાગી શકે ? કે પછી ઉપરથી સુરક્ષા મળી રહી છે?
શું છે સમગ્ર મામલો
2018માં ACBએ દેત્રોજા અને 21 અન્ય અધિકારીઓની કચેરીમાં દરોડા પાડી, 56 લાખથી વધુ બિનહિસાબી રોકડ જપ્ત કરી હતી. ખેત તળાવડીઓ અને પાણીના ટાંકાઓના બોગસ બિલો રજૂ કરી કરોડો ખંખેરવાના આ કેસમાં ભ્રષ્ટાચાર અધિનિયમ હેઠળ FIR નોંધાઈ. EDએ પણ PMLA હેઠળ કેસ દાખલ કર્યો, જેમાં તેમના સગા-સંબંધીઓ પાસે 70 હેક્ટર જમીન અને 2.52 કરોડની બેનામી મિલકતો મળી. તેમણે ગેરરીતિથી PhD ડિગ્રી પણ મેળવી હતી. પરંતુ આજ સુધી કોઈ ચાર્જશીટ નથી બનેલી
તપાસમાં વિલંબ કેમ?
આ વચ્ચે, મોરબીના ખેડૂત પ્રદીપસિંહ જાડેજાની 100 કરોડની જમીન પચાવી પાડવા ષડયંત્ર રચ્યું હતુ,દેત્રોજાએ સગા-સંબંધીઓ સાથે ષડયંત્ર રચી કબજો કરવાનો પ્રયાસ કર્યો. ફરિયાદીએ પોલીસમાં નોંધવાની વિનંતી કરી પરંતુ પોલીસે ઇનકાર કર્યો. કોર્ટે આદેશ આપી FIR નોંધાવવા ફરમાન કર્યું , પણ 100 દિવસથી પોલીસ તેની એટકાયત કરી ન હતી. ત્યારે સવાલ તે થાય છે કે, આ વિલંબ પાછળ પોલીસની ઉદાસીનતા કે કોઈ દબાણ? ભ્રષ્ટાચારીઓને કેમ સુરક્ષા આપવામાં આવે છે?
પોલીસના સુત્રોના જણાવ્યા મુજબ 14 નવેમ્બરે બપોરે 12:35 વાગ્યે વડોદરાના સુગર પીસ હોટલ, વિશ્વામોરી કોમ્પ્લેક્સ, ઇલોરા પાર્ક અને ગંગાજમના હોસ્પિટલ પાસેથી ગોરવા પોલીસે દેત્રોજા અને તેમના દીકરા વિશ્વાસ દેત્રોજા (આરોપી નં. 2)ને ધરપકડ કરી. તેમને મોરબી પોલીસ સાંજે કસ્ટડીમાં લેવા આવી, પરંતુ રાત્રે પોલીસ જાપ્તા માંથી ભાગી ગયેલ એવા સમાચાર છે.
કસ્ટડીમાં સુરક્ષા કેમ નબળી?
પોલીસ કહે છે કે તેઓ ભાગ્યા, પણ CCTV ફૂટેજ કેમ નથી? કસ્ટડીમાં સુરક્ષા કેમ નબળી? આ ઘટના પોલીસની કાર્યક્ષમતા પર કલંક છે . શું ઉચ્ચ અધિકારીઓની મંજૂરી વિના આવું બને? હવે વધુ તપાસમાં શું ખુલ્લું પડે તે જોવાનું રહેશે.
આ પણ વાંચો:
Amreli:રાજ્ય સરકારના સહાય પેકેજથી ભાજપમાં ભડકો, વરિષ્ઠ નેતાએ આપી દીધું રાજીનામું
chhotaudepur: “મને ડરાવી-ધમકાવીને ભાજપમાં જોડવાની કોશિશ કરી” AAP ધારાસભ્ય ચૈતર વસાવાનો મોટો ખુલાસો
Kirti Patel: કીર્તિ પટેલ સામે PASA હેઠળ કાર્યવાહી , વડોદરા જેલમાં ધકેલાઈ, ખંડણી અને ધમકીના 9 કેસો
