Bhavnagar:ભાવનગર શહેરના રૂવાપરી મફતનગર વિસ્તારમાં આજે સવારે થયેલી દુઃખદ ઘટનાએ આખા પંથકને હચમચાવી નાખ્યું છે. મહેંદી વાળા હાથ અને દુલ્હની વેશમાં તૈયાર થયેલી યુવતી સોનલ રાઠોડના આજે જ લગ્ન થવાના હતા, પરંતુ તેના ભાવિ પતિ સાજણ બારૈયાએ તેને છરીના ઘા મારીને કરુણ રીતે હત્યા કરી દીધી. ફેરા ફરવાના માત્ર થોડા જ કલાકોની વાર હતી તે પહેલાં આ દુર્ઘટના બની, જેના કારણે લગ્નગીતોની જગ્યાએ મરશિયા ગુંજવા લાગ્યા અને સમગ્ર પરિવાર માતમમાં ડૂબી ગયો.

 લગ્નના દિવસે વરરાજાએ દુલ્હનને મારી નાખી

આ ઘટના પ્રભુદાસ તળાવ પાસેના મફતનગર વિસ્તારમાં ટેકરી ચોક નજીક બનેલી છે. પ્રાપ્ત માહિતી અનુસાર, સોનલ અને સાજણ વચ્ચે લિવ-ઇન રિલેશનશિપ ચાલુ હતી અને તેમના લગ્ન આજે નક્કી થયા હતા. સવારે તૈયારીઓ ચાલુ હતી ત્યારે અચાનક સાજણે રોષમાં આવીને સોનલ પર છરીથી હુમલો કર્યો, જેના કારણે તે ઘાયલ થઈ અને ઘટનાસ્થળે જ તેનું મોત નિપજ્યું. હત્યા પછી આરોપી સાજણે ઘરમાં તોડફોડ કરી અને ઘટના સ્થળથી નાસી ગયો છે.ઘટનાની જાણ થતાં જ ભાવનગર પોલીસનો મોટો કાફલો ઘટનાસ્થળે પહોંચ્યો હતો. પોલીસે શરૂઆતી તપાસ હાથ ધરી છે અને ફરિયાદ નોંધી છે.

આરોપીની શોધખોળ શરુ

હાલમાં હત્યાનું ચોક્કસ કારણ જાણી શકાયું નથી, પરંતુ પોલીસને અનુમાન છે કે વ્યક્તિગત કલહ અથવા લગ્ન સાથે જોડાયેલા વિવાદને કારણે આ ઘટના બની હોઈ શકે. આરોપી સાજનની શોધખોળ માટે ટીમો તૈનાત કરવામાં આવી છે અને તેને ઝડપી લેવાની કાર્યવાહી ચાલુ છે. આ ઘટના ગુજરાતમાં મહિલાઓ સામેની હિંસાના વધતા કેસો પર ગંભીર પ્રશ્નો ઉભા કરે છે. સ્થાનિક વાસીઓમાં ભયનો માહોલ ફેલાયો છે અને પોલીસે વિસ્તારમાં સુરક્ષા વધારી છે. વધુ તપાસ ચાલુ છે, જેમાં આરોપીને ઝડપીને કેસને ઝડપથી નિષ્પત્તિ તરફ લઈ જવામાં આવશે.

આ પણ વાંચો:

Amreli:રાજ્ય સરકારના સહાય પેકેજથી ભાજપમાં ભડકો, વરિષ્ઠ નેતાએ આપી દીધું રાજીનામું

Rajasthan: રાજસ્થાનમાં ભારતીય સેનાની મિસાઈલ લક્ષ ચુકી ગઈ અને ભદરિયા ગામની સીમમાં પડી!મોટી જાનહાની ટળી

chhotaudepur: “મને ડરાવી-ધમકાવીને ભાજપમાં જોડવાની કોશિશ કરી” AAP ધારાસભ્ય ચૈતર વસાવાનો મોટો ખુલાસો

Kirti Patel: કીર્તિ પટેલ સામે PASA હેઠળ કાર્યવાહી , વડોદરા જેલમાં ધકેલાઈ, ખંડણી અને ધમકીના 9 કેસો