Gujarat police:અમદાવાદમાં પોલીસની બેફામ ગતિથી ધસી આવેલી ગાડીએ રોડ ઉપર પાર્ક કરેલી કારમાં પાછળથી ભટકાઈ હતી એતો સારું હતું કે આ ઘટના સમયે સદનસીબે ત્યાં કોઈ હાજર ન હતું નહિતર ‘જનરક્ષક’ ગાડી જનકાળ બની જાત!
અહીંના ગોતા સ્થિત વંદે માતરમ રોડ પર આવેલા સાયોના તિલક નજીક શનિવારે (15મી નવેમ્બર) રાત્રે પોલીસની ગાડીએ અકસ્માત સર્જ્યો હતો.પૂરપાટ આવેલી પોલીસની 112 જનરક્ષક ગાડીએ રોડ ઉપર સાઈડમાં પાર્ક કરેલી એક કારને પાછળથી જોરદાર ટક્કર મારી હતી.
આ ટક્કર એટલી જોરથી વાગી હતી કે, પાર્ક કરેલી ગાડી પણ 10 ફૂટ સુધી દૂર જતી રહી હતી.
આ અકસ્માતની ઘટના નજીકમાં લાગેલા સીસીટીવી કેમેરામાં કેદ થઈ છે.પોલીસની 112 જનરક્ષક ગાડીએ જોરદાર ટક્કર મારતા અવાજ આવતા સ્થાનિક લોકો એકત્ર થઈ ગયા ત્યારે તે દ્રશ્યો જોઈ ચોકી ઉઠ્યા હતા કારણકે પોલીસની ગાડી ચલાવનાર ડ્રાઈવર નશાની હાલતમાં જોવા મળ્યો હોવાનો લોકોએ આક્ષેપ કર્યો હતો.
કેમકે સ્થાનિક લોકોએ જ્યારે અકસ્માત ગ્રસ્ત 112 જનરક્ષક ગાડીમાં તપાસ કરી ત્યારે ચોંકી ગયા કેમકે ગાડીમાંથી તૂટેલી હાલતમાં સીરપની બોટલ મળી આવી હતી, જેને કારણે ડ્રાઇવર નશામાં હોવાની આશંકા વધુ પ્રબળ બની હતી.સ્થાનિકોએ દાવો કર્યો હતો કે, પોલીસની ગાડીનો ડ્રાઇવર નશાની હાલતમાં હતો,જેના કારણે આ અકસ્માત સર્જાયો હતો.
બનાવ અંગે લોકોએ પોલીસને જાણ કરતા એ ડિવિઝન ટ્રાફિક પોલીસ સ્થળ ઉપર દોડી ગઈ હતી અને તપાસ શરૂ કરી હતી. પોલીસે જણાવ્યું કે અકસ્માત સર્જનાર પોલીસ ડ્રાઇવર યશ પરમારને મેડિકલ તપાસ માટે લઈ જવામાં આવ્યો છે.બીજુ કે ગાડી માંથી સીરપની બોટલ મળી આવી તે અંગે સોલા પોલીસને જાણ કરવામાં આવતા પોલીસ આ સીરપની બોટલ અંગે તપાસ કરશે.
આમ,પોલીસના જ વાહન જો આ રીતે બેજવાબદાર ભર્યા અકસ્માત કરતા હોય અને તેમાંથી આવી નશીલા પદાર્થની શંકાસ્પદ બોટલ મળતી હોય તો પછી જનતાનું રક્ષણ કોણ કરશે તેથી જનતાનું રક્ષણ કરનાર ‘જન રક્ષક’ગાડી અને તેનો ચાલક શહેરમાં ભારે ચર્ચાનો વિષય બન્યો હતો.
આ પણ વાંચો:
Surat: માતાજીના પંડાલમાં હુક્કાબાર સોંગ્સ પર યુવતીઓનો અશ્લિલ ડાન્સ, વીડિયો વાયરલ થતા વિવાદ
Maharashtra: ઉદ્ધવ ઠાકરેએ સોનમ વાંગચુકની ધરપકડ મામલે કેન્દ્ર સરકારની કાઢી ઝાટકણી
Rajasthan: BJP કાર્યકર્તાઓએ કેન્સરના દર્દીઓને બિસ્કિટ આપ્યા, ફોટા પડાવ્યા અને બિસ્કીટ પાછા લઈ લીધા
