- અમેરિકન ડોલર સામે ભારતીય રૂપિયો પહોંચ્યો પાતાળ લોકમાં; 25 પૈસા ઘટીને 87.37 પર
હાલમાં પીએમ મોદી મહાકુંભમાં ડૂબકી લગાવી રહ્યાં છે તો બીજી તરફ ભારતીય રૂપિયો પાતાળ લોકમાં કૂદકો મારી દીધો છે. અમેરિકન ડોલર સામે ભારતીય રૂપિયાની સ્થિતિ એકદમ કફોડી થઈ ગઈ છે. રૂપિયાની હાલત એટલી ખરાબ થઈ ગઈ છે કે તે અત્યાર સુધીના સૌથી નીચલા સ્તરે પહોંચી ગયો છે. ભારતીય ચલણ એટલે કે રૂપિયો ફરી એકવાર તેના રેકોર્ડ સર્વકાલીન નીચલા સ્તરે પહોંચી ગયો છે.
બુધવારે (5 ફેબ્રુઆરી)ના રોજ ટ્રેડિંગ દરમિયાન, તે યુએસ ડોલર સામે 25 પૈસા ઘટીને 87.37ના સ્તરે પહોંચી ગયો છે. આ રૂપિયાનું સૌથી નીચું સ્તર છે. સોમવારે આ પહેલા તે 67 પૈસા ઘટીને 87.29 પર પહોંચી ગયો હતો.
ચીનના શેરબજાર નીચા સ્તરે ખુલ્યા પછી, અન્ય એશિયન બજારોમાં વેચવાલી જોવા મળી છે. ચીન અને અમેરિકા વચ્ચેના ટેરિફ તણાવ વચ્ચે રોકાણકારો સાવધાની સાથે વેપાર કરી રહ્યા છે. ગુગલની પેરેન્ટ કંપની આલ્ફાબેટ અને એડવાન્સ્ડ માઈક્રો ડિવાઇસે ઇનકાર કર્યો છે. રૂપિયાની આ સ્થિતિ માટે ચીન-અમેરિકા સહિત અન્ય વૈશ્વિક રાજકીય તણાવ પણ જવાબદાર હોવાનું કહેવામાં આવી રહ્યું છે.
નિર્મલા સીતારમણે પોતાના એક નિવેદનમાં જણાવ્યું હતુ કે, અમેરિકાના ટેરિફ યુદ્ધને લઈને ભારત તૈયાર છે. જોકે, તેમની તૈયારીમાં ભારતના રૂપિયાને બાકાત રાખવામાં આવ્યો હોય તેવું દેખાઈ રહ્યું છે.
ઉલ્લેખનિય છે કે, રૂપિયાના મૂલ્યમાં ઘટાડાનો અર્થ એ છે કે ભારત માટે વસ્તુઓની આયાત મોંઘી થશે. આ ઉપરાંત, વિદેશમાં મુસાફરી અને અભ્યાસ પણ મોંઘો બન્યો છે. ધારો કે જ્યારે ડોલર સામે રૂપિયાનું મૂલ્ય 50 હતું ત્યારે અમેરિકામાં ભારતીય વિદ્યાર્થીઓને 50 રૂપિયામાં 1 ડોલર મળતો હતો. હવે 1 ડોલર માટે વિદ્યાર્થીઓએ 86.31 રૂપિયા ખર્ચવા પડશે. આના કારણે ફી, રહેવાની વ્યવસ્થા, ખોરાક અને અન્ય વસ્તુઓ મોંઘી થશે.
આ પણ વાંચો- કોંગ્રેસે કહ્યું: ‘અમેરિકામાં હાથકડી પહેરાવીને અને અપમાનિત કરીને દેશનિકાલ કરવામાં આવ્યા’
