Indore:ઇન્દોરમાં પત્રકાર સાગર ચોકસી રાત્રે 1 વાગ્યે પોતાનું કામ પૂરું કરીને વિજય નગરથી આદર્શ બિજાસન નગર સ્થિત પોતાના ઘરે જઈ રહ્યો હતો. તેના ઘરની નજીક એક આંગણવાડી કેન્દ્ર છે. ત્યાં ત્રણ યુવાનો શુભમ ચોકસી, કુણાલ પંવાર અને અન્ય એક યુવક બેસીને ડ્રગ્સનું સેવન કરી રહ્યા હતા.ગુંડાઓને ડ્રગ્સ લેવાથી રોક્યા, તો તેમને છરી વડે હુમલો કર્યો.
દેશમાં વધતી નશાખોરી
આજકાલ નશીલા પદાર્થોનું વેચાણ અને સેવન વધી રહ્યું છે. યુવાનો હવે નશાનો ઉપયોગ શોખ તરીકે કરી રહ્યાં છે. તેમાં ડ્રગ્સની વાત કરીએ તો તેનું ચલણ પણ વધવા લાગ્યું છે. પાર્ટીઓમાં હવે ડ્રગ્સનું સેવન સામાન્ય થઈ ગયું છે. યુવાનોનું ભવિષ્ય આમ જ બરબાદ થઈ રહ્યું છે. એકવાર જેને નશાની લત લાગી જાય પછી વ્યકિત તેમાંથી બહાર આવી શકતો નથી. વાંરવાર તે નશો શોધે છે. અને ના મળે તો તે કોઈપણ રીતે તેને મેળવવા પ્રયત્ન કરે છે. તેના પાસે ગમેતેટલી દૌલત કેમ ના હોય ટકતી નથી. ડ્રગ્સ માટે તે કોઈપણ ભારે રકમ ચુકવવા તૈયાર થાય છે.
શું હતી ઘટના?
ઇન્દોરના પારદેશીપુરા વિસ્તારમાં ત્રણ ગુંડાઓએ એક પત્રકાર પર છરી વડે હુમલો કર્યો. પત્રકાર સાગર કામ પરથી ઘરે પરત ફરી રહ્યા હતા, તેમણે તેમના ઘર નજીક એક આંગણવાડી કેન્દ્રમાં ગુંડાઓને ડ્રગ્સ લેવાથી રોક્યા, ત્યારે તેઓ ગુસ્સે ભરાયા અને ચૌક્સી પાછળ છરી લઈને દોડી ગયા.એક યુવકે ઝપાઝપી શરૂ કરી અને તેના પર છરી વડે હુમલો કર્યો. હુમલાથી બચવા માટે તે ઘરની અંદર દોડી ગયા અને દરવાજો બંધ કરી દીધો. પોલીસે આ કેસમાં ત્રણ આરોપીઓ સામે કેસ નોંધ્યો છે. તેમનો અગાઉનો ગુનાહિત રેકોર્ડ પણ છે. ઝપાઝપીને કારણે ચોકસેના ચહેરા પર ઈજાઓ થઈ હતી.
ત્રણેય આરોપીઓએ રાત્રે હોબાળો મચાવ્યો
આ ઘટનાથી હોબાળાને કારણે નજીકના રહેવાસીઓ પણ જાગી ગયા અને ગુંડાઓનો વિરોધ કર્યો. આ પછી ત્રણેય ભાગી ગયા હતા.સાગરે જણાવ્યું કે આ વિસ્તારમાં ગેરકાયદેસર ડ્રગ્સ વેચાય છે અને રાત્રે તેઓ ઘણીવાર પસાર થતા લોકો સાથે પૈસાની માંગણી કરીને ઝઘડો કરે છે. ત્રણેય આરોપીઓએ રાત્રે અન્ય બે રહેવાસીઓના ઘરે પણ હોબાળો મચાવ્યો હતો. આ કેસમાં પોલીસે ત્રણેય સામે કેસ નોંધ્યો છે. અને આગળની કાર્યવાહી હાથ ધરી છે.
