Iran Earthquack news :ઈરાન અને ઈઝરાયલ વચ્ચે ચાલી રહેલા ઉગ્ર યુદ્ધની વચ્ચે મધ્ય ઈરાનના સેમનાન પ્રાંતમાં 20 જૂન, 2025ની રાત્રે 5.1ની તીવ્રતાનો ભૂકંપ આવ્યો, જેના કારણે સ્થાનિક લોકોમાં ભયનો માહોલ ફેલાયો. આ સમયે ઈરાન ઈઝરાયલ પર સતત મિસાઈલ હુમલા કરી રહ્યું છે, જ્યારે ઈઝરાયલના ફાઈટર જેટ્સ ઈરાનના મહત્વના સંરક્ષણ, પરમાણુ અને અન્ય સ્થળો પર નિશાન સાધી રહ્યા છે. આ યુદ્ધના તણાવ વચ્ચે આવેલા ભૂકંપે સ્થિતિને વધુ જટિલ બનાવી દીધી છે.
ઈરાન-ઈઝરાયલ યુદ્ધ વચ્ચે મધ્ય ઈરાનમાં ભૂકંપ
સ્થાનિક સમય અનુસાર રાત્રે 8:49 વાગ્યે આવેલા આ ભૂકંપનું કેન્દ્ર સેમનાન શહેરથી 36 કિલોમીટર દક્ષિણ-પશ્ચિમમાં અને જમીનથી 35 કિલોમીટરની ઊંડાઈએ હતું. યુરોપિયન ભૂમધ્યસાગર સિસ્મોલોજી સેન્ટર, જર્મન રિસર્ચ સેન્ટર ફોર જિયોસાયન્સિઝ અને નાગરિક સિસ્મોગ્રાફ નેટવર્કે આ ભૂકંપની પુષ્ટિ કરી છે. જોકે, હજુ સુધી આ ભૂકંપથી કોઈ મોટા નુકસાનના અહેવાલ સામે આવ્યા નથી, પરંતુ યુદ્ધની પરિસ્થિતિમાં આ કુદરતી આફતે લોકોની ચિંતામાં વધારો કર્યો છે.
એક તરફ યુદ્ધ
5.1 earthquake, 36 km SW of Semnan, Iran. Jun 20 17:49:14 UTC (19m ago, depth 10km). https://t.co/Th8XyQ6nrF
— Earthquakes (@NewEarthquake) June 20, 2025
બીજી તરફ કુદરતી આફત
આ ઘટનાએ ઈરાનની વર્તમાન પરિસ્થિતિ પર વધુ દબાણ ઉભું કર્યું છે, જ્યાં એક તરફ યુદ્ધનો સામનો કરવો પડી રહ્યો છે અને બીજી તરફ કુદરતી આફતે નવો પડકાર ઉભો કર્યો છે. સ્થાનિક વહીવટી તંત્ર ભૂકંપની અસરનું મૂલ્યાંકન કરી રહ્યું છે, અને આગામી દિવસોમાં વધુ માહિતી સામે આવે તેવી શક્યતા છે.
આ પણ વાંચો:
chhotaudepur માં ફરી જોવા મળ્યો ‘ઝોળીદાર વિકાસ’, વધુ એક સગર્ભાને ઝોળીમાં લઈ જવી પડી
બોલો ! UK ના PM કોરિયન રાષ્ટ્રપતિને ઓખળતા જ નથી
વિદેશ જતા મુસાફરોને ઝટકો, Air India એ 15 જૂલાઇ સુધી ત્રણ ઈન્ટરનેશનલ રૂટ્સ પર ઉડાણ રદ કરી
અમદાવાદમાં AMC ના એસ્ટેટ ઇન્સ્પેક્ટર જીજ્ઞેશ શાહની ધરપકડ, મોટા કૌભાંડની શંકા!
Israel Iran War: ઈરાને ફરી ઇઝરાયલ પર બેલિસ્ટિક મિસાઇલ છોડી, માઇક્રોસોફ્ટ બિલ્ડિંગ પાસે વિસ્ફોટ
