Mehul Choksi arrested in Belgium: પંજાબ નેશનલ બેંક લોન છેતરપિંડી કેસમાં વોન્ટેડ ભાગેડુ હીરા વેપારી મેહુલ ચોક્સીની બેલ્જિયમમાં ધરપકડ કરવામાં આવી છે. 65 વર્ષીય મેહુલ ચોકસીની શનિવારે ધરપકડ કરવામાં આવી હતી. તેને જેલમાં બંધ કરવામાં આવ્યો છે. ભારતની પ્રત્યાર્પણ અપીલ બાદ બેલ્જિયમમાં આ કાર્યવાહી કરવામાં આવી છે.
બેલ્જિયમમાં ભાગેડુ હીરા ઉદ્યોગપતિ મેહુલ ચોક્સીની ધરપકડ બાદ વધુ એક મોટો ખુલાસો થયો છે. ભારતમાં વોન્ટેડ મેહુલની ધરપકડ એ ભારતીય તપાસ એજન્સીઓની સાત વર્ષથી વધુની મહેનત અને દિવસ-રાતની તપાસનું પરિણામ છે. તપાસ એજન્સીઓને લગભગ ત્રણ દેશોમાં ઘણા પડકારોનો સામનો કરવો પડ્યો હતો, પરંતુ તેમણે હાર માની ન હતી અને હવે તેમને મોટી સફળતા મળી છે.
ગીતાંજલિ ગ્રુપના માલિક પર તેમના ભત્રીજા નીરવ મોદી, તેમની પત્ની અમી મોદી અને તેમના ભાઈ નિશાલ મોદી સાથે મળીને સરકારી પંજાબ નેશનલ બેંક સાથે 12,636 કરોડ રૂપિયાની છેતરપિંડી કરવાનો આરોપ છે. 65 વર્ષીય મેહુલ ચોક્સી 2018 માં ભારતમાંથી ભાગી ગયો હતો. કૌભાંડ પ્રકાશમાં આવ્યા પછી, તે દેશ છોડીને એન્ટિગુઆ ગયો, જ્યાં તેણે રોકાણ કાર્યક્રમ દ્વારા નાગરિકતા મેળવી હતી.
2021 માં ડોમિનિકન રિપબ્લિકમાં ધરપકડ કરવામાં આવી હતી
અગાઉ 2021 માં, મેહુલ ચોકસીની ડોમિનિકન રિપબ્લિકમાં ગેરકાયદેસર પ્રવેશ માટે ધરપકડ કરવામાં આવી હતી. સીબીઆઈની એક ટીમ તેની કસ્ટડી મેળવવા માટે કેરેબિયન દેશમાં પહોંચી હતી. મેહુલ ચોક્સીના વકીલોએ ડોમિનિકન કોર્ટને કહ્યું કે તેને સારવાર માટે એન્ટિગુઆ પાછા ફરવાની જરૂર છે અને ખાતરી આપી હતી કે તે ટ્રાયલનો સામનો કરવા માટે પછીથી પાછો આવશે. 51 દિવસ જેલમાં રહ્યા બાદ ચોક્સીને બ્રિટિશ રાણીની પ્રિવી કાઉન્સિલ દ્વારા રાહત આપવામાં આવી અને પ્રત્યાર્પણ આગળ વધી શક્યું નહીં. તે એન્ટિગુઆ પાછો ગયો. ડોમિનિકન રિપબ્લિકમાં ગેરકાયદેસર પ્રવેશના તેમના આરોપો પાછળથી રદ કરવામાં આવ્યા.
ભાગેડુ પર સીબીઆઈ અને એન્ફોર્સમેન્ટ ડિરેક્ટોરેટ નજર રાખે છે
ચોકસી પર સીબીઆઈ અને એન્ફોર્સમેન્ટ ડિરેક્ટોરેટે તેમના પર નજર રાખી. ગયા વર્ષે તપાસ એજન્સીઓને ખબર પડી હતી કે તે બેલ્જિયમમાં છે. બાદમાં ભારતીય તપાસ એજન્સીઓએ બેલ્જિયમનો સંપર્ક કર્યો હતો. અને નિરવ ચોક્સી કરેલી છેતરપીંડીની માહિતી આપી હતી. જે બાદ બેલ્જિયમ પોલીસે 12 એપ્રિલના રોજ મેહુલ ચોક્સીની ધરપકડ કરી હતી અને જાણવા મળ્યું હતું કે તે સ્વિટ્ઝર્લૅન્ડ ભાગી જવાનો પ્રયાસ કરી રહ્યો હતો. મેહુલની પત્ની પ્રીતિ બેલ્જિયમની નાગરિક છે.
બેલ્જિયમમાં નકલી દસ્તાવેજો રજૂ કર્યા
અહેવાલો અનુસાર, મેહુલ ચોકસીએ બેલ્જિયમમાં રહેઠાણ કાર્ડ મેળવવા માટે નકલી દસ્તાવેજો રજૂ કર્યા હતા. તેણે એ હકીકત પણ છુપાવી હતી કે તે ભારત અને એન્ટિગુઆનો નાગરિક છે. ફેબ્રુઆરીની શરૂઆતમાં, ચોક્સીના વકીલે મુંબઈની એક કોર્ટને કહ્યું હતું કે તે બ્લડ કેન્સરની સારવાર માટે બેલ્જિયમમાં હોવાથી ભારત પરત ફરી શકશે નહીં. ભાગેડુ ચોક્સીએ એમ પણ કહ્યું હતું કે તે ભારતીય એજન્સીઓને સહયોગ કરવા અને વીડિયો કોન્ફરન્સિંગ દ્વારા કોર્ટમાં હાજર રહે. જો કે વીડિયો કોન્ફરન્સ દ્વારા પર હાજર થવા તૈયાર થયો ન હતો. જે બાદ ચોક્સીના પ્રત્યાર્પણ માટે એજન્સીઓએ કાર્યવાહી ચાલુ રાખી હતી.
તેને ટ્રાયલ માટે પાછા લાવવા માટે યુદ્ધના ધોરણે કામ ચાલી રહ્યું છે.
હવે ભારતીય અધિકારીઓ તેને ટ્રાયલ માટે પાછા લાવવા માટે યુદ્ધના ધોરણે કામ કરી રહ્યા છે. મેહુલ ચોક્સીની કાનૂની ટીમે કહ્યું છે કે તે જામીન માટે અરજી દાખલ કરશે અને તેના ભારત પ્રત્યાર્પણનો વિરોધ કરશે.
આ પણ વાંચોઃ
કોંગ્રેસ અધિવેશનના હોર્ડિંગનો મુદ્દો હાલ ચર્ચામાં કેમ? જુઓ | Congress Adhiveshan
સલમાન ખાનને ફરી મળી જાનથી મારી નાખવાની ધમકી, પોલીસ એક્શનમાં | Salman Khan
ગુજરાતના દરિયાકાંઠે ડ્રગ્સનો વેપાર!, 1800 કરોડના ડ્રગ્સ સાથે પાકિસ્તાની બોટ ઝડપાઈ | Drugs
ગુજરાતના દરિયાકાંઠે ડ્રગ્સનો વેપાર!, 1800 કરોડના ડ્રગ્સ સાથે પાકિસ્તાની બોટ ઝડપાઈ | Drugs
‘મુર્શિદાબાદમાંથી 400 હિંદુઓ ઘરો છોડી ભાગ્યા’, વક્ફને લઈને હિંસા | West Bengal Violence
