Pahalgam Attack: હુમલા બાદ સેનાએ HAL ધ્રુવ હેલિકોપ્ટરની ફોજ ઉતારી, આતંકીઓને શોધી કાઢવા ઓપરેશન

Pahalgam Attack Use HAL Dhruv Helicopter: જમ્મુ અને કાશ્મીરના અનંતનાગ જિલ્લાના પહેલગામમાં પ્રવાસીઓ પર થયેલા આતંકવાદી હુમલા બાદ ભારતીય સેના એક્શનમાં આવી છે. સેનાએ તેના સૌથી શક્તિશાળી ધ્રુવ હેલિકોપ્ટરને શ્રીનગર અને આસપાસના વિસ્તારોમાં ઉડાન ભરવાની મંજૂરી આપી છે. લશ્કરી અધિકારીઓના મતે, આતંકવાદ સામેની કાર્યવાહીને વધુ ઝડપી બનાવવા માટે આ નિર્ણય લેવામાં આવ્યો છે. પહેલગામમાં થયેલા આતંકવાદી હુમલામાં 30 પ્રવાસીઓના મોત થયા છે. આમાં એક ઇઝરાયલી અને એક ઇટાલિયન નાગરિકનો સમાવેશ થાય છે. જ્યારે 3 ગુજરાતીનો સમાવેશ થાય છે. જ્યારે ઘણા અન્ય રાજ્ય અને સ્થાનિકનો સમાવેશ થાય છે. આ હુમલો છેલ્લા બે દાયકામાં પ્રવાસીઓ પરનો સૌથી મોટો હુમલો હતો. આ આતંકવાદી હુમલા બાદ ભારતીય સેના સંપૂર્ણ એક્શન મોડમાં આવી ગઈ છે. આ કાર્યવાહીમાં HAL ધ્રુવ હેલિકોપ્ટરનો ઉપયોગ કરવામાં આવી રહ્યો છે.

કેન્દ્રીય ગૃહમંત્રી અમિત શાહ પહેલગામ આતંકવાદી હુમલાના પીડિતોના પરિવારોને મળ્યા#JammuAndKashmir #Pahalgam #PahalgamAttack #AmitShah #PahalgamTerroristAttack #TerroristAttack #thegujaratreport pic.twitter.com/4FKixH8ZE7

— The Gujarat Report (@TGujarat_Report) April 23, 2025

HAL ધ્રુવ એક સ્વદેશી હેલિકોપ્ટર

HAL ધ્રુવ એક સ્વદેશી હેલિકોપ્ટર છે. આ હેલિકોપ્ટર ખાસ કરીને પહાડી વિસ્તારો માટે બનાવવામાં આવ્યું છે. આ હેલિકોપ્ટરનું મુખ્ય કાર્ય જાસૂસી, સૈનિકો અને પુરવઠાનું પરિવહન અને કટોકટી તબીબી સેવાઓ પૂરી પાડવાનું છે. શ્રીનગર અને આસપાસના વિસ્તારોમાં આ હેલિકોપ્ટરની તૈનાતીથી આતંકવાદીઓ પર નજર રાખશે. અધિકારીઓના જણાવ્યા અનુસાર, ધ્રુવ હેલિકોપ્ટરના અદ્યતન સેન્સર અને નાઇટ વિઝન સાધનો તેને દિવસ અને રાત બંને સમયે કામગીરી હાથ ધરવા સક્ષમ છે.

દુર્ગમ યુદ્ધ વિસ્તારોમાં પણ ખૂબ જ ઉપયોગી છે HAL ધ્રુવ

આ હેલિકોપ્ટર સિયાચીન જેવા દુર્ગમ યુદ્ધ વિસ્તારોમાં પણ ખૂબ અસરકારક છે. આ હેલિકોપ્ટર 5.5 ટન વર્ગનું છે. આ હેલિકોપ્ટરના ઘણા પ્રકારો છે. ધ્રુવ MK-3 અને AK-4 ખૂબ જ શક્તિશાળી એન્જિનથી સજ્જ છે. આ હેલિકોપ્ટર 6100 મીટરની ઊંચાઈ સુધી ઉડવા માટે સક્ષમ છે. આ હેલિકોપ્ટરનું રુદ્ર વેરિઅન્ટ 20 મીમી તોપ, રોકેટ અને મિસાઇલોથી સજ્જ છે. આ હેલિકોપ્ટરમાં કેવલર અને કાર્બન ફાઇબરથી બનેલું ક્રેશ રેઝિસ્ટન્ટ કોકપીટ છે. તેમાં ડ્યુઅલ એન્જિન છે. આવી સ્થિતિમાં એક એન્જિન નિષ્ફળ ગયા પછી પણ તે સામાન્ય ઉડાન ચાલુ રાખી શકે છે.