Paris Diamond League: પેરિસ ડાયમંડ લીગ 2025માં ભારતીય ભાલા ફેંક સ્ટાર નીરજ ચોપરાનું શાનદાર પ્રદર્શન જોવા મળ્યું હતું. શુક્રવારે પેરિસના સ્ટેડ સેબેસ્ટિયન ચાર્લેટી સ્ટેડિયમ ખાતે આ મેચ રમાઈ હતી. જેમાં નીરજ ચોપરાએ જર્મનીના જુલિયન વેબરને હરાવીને ગોલ્ડ મેડલ જીત્યો હતો. આ પહેલા નીરજ ચોપરાને ડાયમંડ લીગમાં બે વાર જુલિયન વેબરના હાથે હારનો સામનો કરવો પડ્યો હતો, પરંતુ આ વખતે તેણે જીત મેળવી છે.
નીરજ ચોપરાએ 88.16 મીટર ફેંક્યો થ્રો
નીરજ ચોપરાએ પહેલા થ્રોમાં 88.16 મીટર સુધી ભાલો ફેંક્યો અને પહેલા થ્રોમાં જ બધાથી આગળ રહ્યો. તેની લીડ અંત સુધી રહી, જેના કારણે તે વિજેતા બન્યો. બીજા થ્રોમાં, નીરજએ 85. 10 મીટર સુધી ભાલો ફેંક્યો અને પછી તેનો ત્રીજો અને ચોથો થ્રો ફાઉલ થયો. ત્યારબાદ નીરજએ છઠ્ઠા પ્રયાસમાં 82.89 મીટર સુધી ભાલો ફેંક્યો.
બીજી તરફ, જર્મનીના જુલિયન વેબરે પહેલા પ્રયાસમાં 87.88 મીટર સુધી ભાલો ફેંક્યો અને નીરજની નજીક આવ્યો. આ પછી, વેબરે બીજા રાઉન્ડમાં 86.20 મીટર સુધી ભાલો ફેંક્યો. બીજી તરફ, બ્રાઝિલના મૌરિસિયો લુઇઝે ત્રીજા રાઉન્ડમાં 86.62 મીટર સુધી ભાલો ફેંક્યો. જેના કારણે તે ત્રીજા સ્થાને રહ્યો.
દોહા ડાયમંડ લીગમાં નીરજ હારી ગયો હતો
ઉલ્લેખનીય છે કે, આ પહેલા જુલિયન વેબરે 16 મેના રોજ યોજાયેલી દોહા ડાયમંડ લીગમાં નીરજ ચોપરાને હરાવ્યો હતો. આ મેચમાં જુલિયને છેલ્લા થ્રોમાં 91.06 મીટર સુધી ભાલા ફેંકીને પ્રથમ સ્થાન મેળવ્યું હતું. આ ઉપરાંત, નીરજ ચોપરા 90.23 મીટર સુધી ભાલા ફેંકવામાં સફળ રહ્યો હતો. જેના કારણે નીરજને બીજા સ્થાને રહેવું પડ્યું, જોકે આ નીરજનો અત્યાર સુધીનો શ્રેષ્ઠ થ્રો હતો. હવે નીરજ ચોપરા 5 જુલાઈથી યોજાનારી NC ક્લાસિકની શરૂઆતની આવૃત્તિમાં ભાગ લેશે.
Golden Arm Strikes Again!#NeerajChopra clinches 1st place at the Paris Diamond League with a phenomenal 88.16m throw!
Once again, he proves why he’s India’s pride and a global javelin sensation. pic.twitter.com/rpeAqbLH56
— Harsh Sanghavi (@sanghaviharsh) June 21, 2025
આ પણ વાંચો:
Iran Earthquack: યુદ્ધની સ્થિતિ વચ્ચે ઈરાનમાં ભૂકંપ, 5.1ની તીવ્રતાનો આવ્યો આંચકો
chhotaudepur માં ફરી જોવા મળ્યો ‘ઝોળીદાર વિકાસ’, વધુ એક સગર્ભાને ઝોળીમાં લઈ જવી પડી
