દ્વારકા નજીક વહેલી સવારે એક ખાનગી બસે પલટી મારી છે. જેમાં 15થી વધુ મુસાફરોને ગંભીર ઈજાઓ પહોંચી છે. તમામ ઈજાગ્રસ્તોને નજીકની હોસ્પિટલમાં ખસેડાયા છે. આ અકસ્માતમાં બાળકો, મહિલાઓ સહિત પુરોષો ઈજાગ્રસ્ત થયા છે.
આજે વહેલી સવારે દ્વારકા નજીક કુરંગા ચોકડી પાસે એક ભયંકર અકસ્માત થયો છે. જેમાં બ્રિજ નજીક ખાનગી બસે રોડની રેલિંગ તોડી એકાએક પલટી મારતાં મુસાફરોના જીવ તાળવે ચોટી ગયા હતા. બસે પલટી મારતાં 15થી વધુ મુસાફરોને ગંભીર ઈજાઓ પહોંચી છે. મુસાફરોને તાત્કાલિક નજીકની હોસ્પિટલમાં 108 મારફતે ખસેડાયા છે. મુસાફરોને હાથ-પગ, મોંના ભાગે ગંભીર ઈજાઓ પહોંચી છે.
આ અકસ્માતમાં બસે ખુલ્લા મેદાનમાં પલટી મારતાં સદભાગ્યે કોઈ જાનહાનિ થઈ નથી. હાલ ઘટના સ્થળે પોલીસે પહોંચી કાર્યવાહી હાથ ધરી છે.
આ સમાચાર પણ વાંચોઃ બનાસકાંઠા વિભાજનનો વિરોધઃ વહેલી સવારથી જ ધાનેરા બંધ, આવેદન અપાશે
