મોદીની માતાનું અપમાન સહન ના કરી શકનારા ભાજપ નેતા વિનય કટિયાર(Vinay Katiyar) ની માનસિકતા છતી થઈ છે. વડાપ્રધાનની માતાને કોઈએ ગાળ બોલવાને લઈ બિહાર બંધ રખાવ્યું. નાગરિકોને માર મારવામાં આવ્યા. જો કે રાહુલ ગાંધીની માાતા અંગે અભદ્ર ટીપ્પણી કરવામાં ભાજપ પાર્ટી જરાઈ ખચકાતી નથી. ભાજપના વરિષ્ઠ નેતા અને પૂર્વ સાંસદ વિનય કટિયારના અપમાનજનક નિવેદનથી રાજકીય ગલિયારાઓમાં હોબાળો મચી ગયો છે.

Language of BJP leader Vinay Katiyar against Sonia Gandhi ji , let’s see how many women anchors will run prime show on this . pic.twitter.com/gknKLH0iZd

— Adv. Strange Tyagi (@strrrange_dr5) September 11, 2025

રાયબરેલીમાં લાગેલા એક પોસ્ટર પર પ્રતિક્રિયા આપતા કટિયારે કોંગ્રેસ નેતા રાહુલ ગાંધીની માતા સોનિયા ગાંધી પર શાબ્દિક હુમલો કર્યો અને તેમને ‘કૃત્રિમ’ (આર્ટિફિશિયલ) ગણાવ્યા. તેમણે કહ્યું કે બ્રહ્મા, વિષ્ણુ, મહેશની પૂજા કહેવાથી કામ નહીં ચાલે, આ લોકોએ ક્યારેય પૂજા કરી નથી. તેની માતા આર્ટીફિશિયલ છે, પિતા ન હતા. આ ટીપ્પણી બાદ કોંગ્રેસમાં રોષ છે.

આ વિવાદ રાયબરેલી સાથે જોડાયેલો છે, જે લાંબા સમયથી ગાંધી પરિવારનો ગઢ રહ્યો છે. અહીં તાજેતરમાં એક પોસ્ટર લગાવવામાં આવ્યું, જેમાં કોંગ્રેસ નેતા રાહુલ ગાંધી, રાષ્ટ્રીય જનતા દળ (આરજેડી)ના તેજસ્વી યાદવ અને સમાજવાદી પાર્ટી (સપા)ના અખિલેશ યાદવને ભગવાનનો દરજ્જો આપવામાં આવ્યો હતો. પોસ્ટરમાં તેમને બ્રહ્મા, વિષ્ણુ, મહેશ તરીકે દર્શાવવામાં આવ્યા હતા, જે વિપક્ષી દળો વચ્ચે એકતાનું પ્રતીક હતું. આ પોસ્ટર લોકસભા ચૂંટણી 2024 પછીની રાજકીય ગતિવિધિઓનો ભાગ માનવામાં આવે છે, જ્યાં વિપક્ષી દળો એકબીજાના સમર્થનમાં આવા પ્રતીકાત્મક પગલાં લઈ રહ્યા છે.

આ પોસ્ટર પર ભાજપ નેતાઓએ તીખા શાબ્દિક હુમલા કર્યા. જ્યારે મીડિયાએ વિનય કટિયારને આ અંગે પ્રતિક્રિયા માંગી, ત્યારે તેમણે કહ્યું, “બ્રહ્મા, વિષ્ણુ, મહેશ કહેવાથી કામ નહીં ચાલે. તેમણે ક્યારેય આની પૂજા કરી નથી. આ બધું કૃત્રિમ છે. તેની મા પણ કૃત્રિમ છે, પિતા ન હતા.” પરંતુ તેમનો ઇશારો સ્પષ્ટપણે સોનિયા ગાંધીની વિદેશી ઉત્પત્તિ (ઇટાલી) તરફ હતો. સોનિયા ગાંધીનો જન્મ ઇટાલીમાં થયો હતો અને તેઓ 1968માં રાજીવ ગાંધી સાથે લગ્ન બાદ ભારત આવ્યા હતા.

રાયબરેલીનો આ વિસ્તાર ખાસ મહત્વ ધરાવે છે. અહીંથી સોનિયા ગાંધીએ 20 વર્ષ સુધી સાંસદ તરીકે સેવા આપી હતી, અને હવે રાહુલ ગાંધી આ સીટ સાથે જોડાયેલા છે. 2024ની લોકસભા ચૂંટણીમાં રાહુલે અહીંથી જીત મેળવી હતી, જ્યારે અમેઠીમાં હારનો સામનો કરવો પડ્યો હતો. પોસ્ટર લગાવવું એ વિપક્ષી એકતાને મજબૂત કરવાનો પ્રયાસ હતો, પરંતુ ભાજપે તેને ધાર્મિક ભાવનાઓ સાથે જોડીને હુમલો કર્યો. વિનય કટિયાર, જેઓ ભાજપના સ્થાપક સભ્યોમાંના એક છે અને બજરંગ દળના સ્થાપક રહ્યા છે, તેઓ અવારનવાર વિવાદાસ્પદ નિવેદનો માટે જાણીતા છે.