Salman Khan death threat: બોલિવૂડ અભિનેતા સલમાન ખાનને ધમકીઓનો સિલસિલો યથવાત છે. ગયા વર્ષે લોરેન્સ બિશ્નોઈ સાથે સંકળયાલા લોકોએ સલમાનના ઘર નજીક ફાયરિંગ કર્યું હતુ. ત્યારે હવે ફરી એકવાર સલમાન ખાનને જાનથી મારી નાખવાની ધમકી મળી છે. આ મામલે અજાણી વ્યક્તિ વિરુદ્ધ કેસ નોંધવામાં આવ્યો છે. સલમાન ખાનની કારને બોમ્બથી ઉડાવી દેવાની ધમકી મળી છે. મુંબઈ ટ્રાફિક પોલીસે કેસ નોંધીને અજાણી વ્યક્તિની શોધ શરૂ કરી છે.
ગયા વર્ષે સલમાનના ઘરની બહાર ગોળીબાર થયો હતો
સલમાન ખાનને ટ્રાન્સપોર્ટ વિભાગના વોટ્સએપ નંબર પર આ ધમકી મળી હતી. ધમકી મળતાં જ પોલીસ પણ હરકતમાં આવી ગઈ. ગયા વર્ષે મુંબઈમાં સલમાન ખાનના ગેલેક્સી એપાર્ટમેન્ટની બહાર ગોળીબાર થયા બાદથી સુરક્ષા કડક કરવામાં આવી હતી. આ પછી તેમના નજીકના નેતા બાબા સિદ્દીકીની પણ દશેરા પર ગોળી મારીને હત્યા કરવામાં આવી હતી. ત્યારથી, સલમાનની સુરક્ષા અત્યંત કડક બનાવવામાં આવી છે, તેના ઘરની બાલ્કનીનો કાચ પણ બુલેટપ્રૂફ બનાવવામાં આવ્યો છે.
સલમાન ભગવાના ભરોસે
સલમાનની ફિલ્મ સિકંદર તાજેતરમાં ઈદના અવસર પર રિલીઝ થઈ હતી. ફિલ્મના પ્રમોશન દરમિયાન સલમાને મીડિયા સાથે વાત કરતા તેમને મળેલી ધમકીઓ વિશે કહ્યું હતું કે અલ્લાહ અને ભગવાન તો છે જ… તેમના ભારોસે છે બધુ.
સલમાનની કાર સંપૂર્ણપણે બુલેટપ્રૂફ
ઉલ્લેખનીય છે કે અગાઉ મહારાષ્ટ્ર પોલીસના જવાનો સલમાનની સુરક્ષા કરતાં હતા. જો કે ધમકીઓ મળ્યા બાદ તેને Y+ કેટેગરીની સુરક્ષા આપવામાં આવી છે. આ સુરક્ષા વર્તુળમાં 11 સૈનિકો આખો દિવસ સલમાન સાથે રહે છે, જેમાં એક કે બે કમાન્ડો અને 2 પીએસઓ પણ સામેલ છે. સલમાનના વાહનને આગળ અને પાછળ રાખવા માટે હંમેશાં બે વાહનો હોય છે. આ સાથે સલમાનની કાર પણ સંપૂર્ણપણે બુલેટપ્રૂફ રાખવામાં આવી છે.
આ પણ વાંચોઃ
ગુજરાતના દરિયાકાંઠે ડ્રગ્સનો વેપાર!, 1800 કરોડના ડ્રગ્સ સાથે પાકિસ્તાની બોટ ઝડપાઈ | Drugs
‘મુર્શિદાબાદમાંથી 400 હિંદુઓ ઘરો છોડી ભાગ્યા’, વક્ફને લઈને હિંસા | West Bengal Violence
Sabarkantha: પરિવારના 5 સભ્યોએ ઝેરી દવા પીધી, માતા-પિતાનું મોત, 3 બાળકોની હાલત નાજૂક
Narmda: સાપે ડંખ મારતાં 10 કિમી સુધી ઝોળીમાં યુવકને લઈ જવો પડ્યો, આ છે ગુજરાતીની સ્થિતિ?
