Donald Trump: ડોનાલ્ડ ટ્રમ્પ છેલ્લા બે દિવસથી દુનિયામાં ગપ્પા મારી રહયા છે કે ઈરાન હવે પરમાણુ બૉમ્બ નહિ બનાવે અને હવે સીઝ ફાયર માટે રાજી થઈ ગયું છે બીજું કે અમે યુદ્ધ જીતી ગયા છે અને અમારા યુદ્ધ વિમાનો ઈરાન ઉપર ફરી રહયા છે વગેરે વગેરે…હવે ઇરાને ટ્રમ્પની આ વાતોનો જવાબ મિસાઈલોથી આપ્યો છે અને દુનિયાને મેસેજ આપ્યો છે કે ઈરાન કયારેય ઝુક્યું નથી અને ઝુકશે પણ નહીં આ ટ્રમ્પને ગપ્પાં મારવાની ટેવ છે અને તેથીજ તેને તેની ભાષામાં જવાબ આપવો યોગ્ય લાગ્યો છે આમ,યુદ્ધ વિરામની વાતો હવાઈ ગઈ છે અને યુદ્ધ ચાલુ જ છે.
અમેરિકન પ્રમુખ ડોનાલ્ડ ટ્રમ્પના 15 મુદ્દાના શાંતિ પ્રસ્તાવની ઠેકડી ઉડાવતા ઈરાને ગલ્ફમાં અમેરિકાના અનેક સૈન્ય મથકો પર જોરદાર મિસાઈલ હુમલા કર્યા છે ઈરાને કુવૈત, જોર્ડન અને બહેરીન સ્થિત અમેરિકન સૈન્ય મથકો ઉપર ઉપરા ઉપરી હુમલા કરી ટ્રમ્પને ખુલ્લી ચેલેન્જ આપી છે. આ હુમલા કરીને ઈરાને ટ્રમ્પને સીધો મેસેજ આપ્યો છે કે એક મહિનો સીઝફાયર કરવા માટે ટ્રમ્પે મુકેલી 15 શરતો ઈરાનને સ્વીકાર્ય નથી, ઈરાને કહ્યું છે કે યુદ્ધ અમારી શરતો ઉપર પૂરું થશે.
ઈરાનના રિવોલ્યુશનરી ગાર્ડ્સે એક નિવેદનમાં કહ્યું કે કુવૈત, જોર્ડન અને બહેરીન સ્થિત અમેરિકન સૈન્ય મથકો તેમજ ઈઝરાયલના ખાસ લક્ષને નિશાન બનાવવામાં આવ્યા છે મળતા અહેવાલો મુજબ કુવૈત ઇન્ટરનેશનલ એરપોર્ટ પર ડ્રોન હુમલાને કારણે ફ્યૂલ ટેન્કમાં આગ લાગી હતી. બીજી તરફ સાઉદી અરેબિયાએ પણ તેના પૂર્વી ક્ષેત્રમાં 4 ડ્રોન તોડી પાડ્યા હોવાનો દાવો કર્યો છે.
ઈરાન યુદ્ધ હવે સમાપ્ત થવા જઈ રહ્યું છે તેવું અમેરિકન પ્રમુખ ટ્રમ્પ એક તરફ ઓવલ ઓફિસમાં પત્રકારોને જણાવી રહ્યા છે કે ઈરાન સમજદારીથી વાત કરી રહ્યું છે અને તે જલ્દી જ પરમાણુ મહત્ત્વાકાંક્ષા છોડીને સમજૂતી કરવા માંગે છે તો બીજી તરફ ઈરાને આ દાવા ફગાવી દીધા છે. ઈરાનના સૈન્ય પ્રવક્તા લેફ્ટનન્ટ કર્નલ ઈબ્રાહિમ ઝોલફાઘારીએ ટ્રમ્પની મજાક ઉડાવતા કહ્યું કે, ‘અમેરિકા અમારી સાથે નહીં પણ ‘પોતાની સાથે જ વાટાઘાટો’ કરી રહ્યું હોય તેવું લાગી રહ્યુ છે. જો અમેરિકા ખરેખર સુપર પાવર હોત તો અત્યાર સુધીમાં તેનું લક્ષ પૂર્ણ કરી ચૂક્યું હોત.’
ઈરાનના દૂતાવાસે પણ વાટાઘાટો કર્યાનો ઈનકાર કર્યો હતો, ફિનલેન્ડમાં ઈરાનના દૂતાવાસે સોશિયલ મીડિયા પર પ્રહાર કરતા જણાવ્યું છે કે ‘વોશિંગ્ટન પાસે કોઈ સત્તા નથી. ત્યાં બધું જ નિયંત્રણ અન્ય લોકોના હાથમાં છે.’ પાકિસ્તાનમાં ઈરાનના રાજદૂત રઝા અમીરી મોગધામના જણાવ્યા અનુસાર, ટ્રમ્પના દાવાઓથી વિપરીત બંને દેશો વચ્ચે પ્રત્યક્ષ કે પરોક્ષ કોઈ જ વાતચીત થઈ નથી.
આમ,ઈરાને ટ્રમ્પના સીઝફાયરના દાવાની વિશ્વભરમાં મજાક ઉડાવી છે. ઈરાનના એક સૈન્ય પ્રવક્તાએ આજે બુધવારે અમેરિકાના સીઝફાયરના દાવા અંગે જણાવ્યું કે,ટ્રમ્પ પોતાની સાથે જ વાતચીત કરી રહ્યા હોય તેવું લાગે છે, ઈરાની સેનાના ‘ખાતમ અલ-અનબિયા સેન્ટ્રલ હેડક્વાર્ટર’ ના પ્રવક્તા લેફ્ટનન્ટ કર્નલ ઈબ્રાહિમ જોલફઘારીએ આ નિવેદન સરકારી ટીવી પર પ્રસારિત એક રેકોર્ડ કરેલા વીડિયોમાં આપ્યું હતું.
તેમણે કહ્યું, “તમે જે તાકાતની વાત કરતા હતા, તે હવે નિષ્ફળતામાં બદલાઈ ગઈ છે. તમે પોતાને દુનિયાની મહાસત્તા કહો છો, પરંતુ જો આ તાકાત તમારી પાસે હોત તો અત્યાર સુધીમાં તમારું ઓપરેશન પૂર્ણ કરી શક્યા હોત પણ એવું થયું નથી અને તમારી હારને સમજૂતીનું નામ ન આપો. તમારા ખોખલા વચનોનો યુગ હવે પૂરો થઈ ગયો છે.” આમ કહી ઈરાને ટ્રમ્પની ખીલ્લી ઉડાવી અમેરિકાના લશ્કરી ઠેકાણા ઉપર મિસાઇલ હુમલા કરી પોતાનો જવાબ આપ્યો હતો.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
