Donald Trump: ડોનાલ્ડ ટ્રમ્પ હવે વારંવાર એવો દાવો કરી રહયા છે કે ઈરાન યુદ્ધ વિરામ ઈચ્છે છે,ટ્રમ્પે દાવો કર્યો હતો કે ઈરાને 10 તેલ ટેન્કરોને હોર્મુઝ સ્ટ્રેટમાંથી પસાર થવા દઈને ભેટ આપી છે. આ ટેન્કરો પર પાકિસ્તાનનો ઝંડો હતો અને ઈરાન હવે સીઝ ફાયર કરવા માંગે છે.
બીજી તરફ ઈરાન સતત ટ્રમ્પના દાવા નકારી રહ્યું છે અને ચોખ્ખું સંભળાવી દીધું છે કે યુદ્ધ વિરામ અમારી શરતો ઉપર થશે, છતાંપણ ટ્રમ્પ રોજ કહ્યા કરે છે કે ઈરાન સાથે વાત ચાલુ છે, હવે ટ્રમ્પ જે અગાઉ હોર્મુઝ સ્ટ્રેટ ખોલવા 48 કલાકનો ઇરાનને સમય આપ્યો હતો તે વધારીને 6 એપ્રિલ કર્યો છે.
અમેરિકી રાષ્ટ્રપતિ ડોનાલ્ડ ટ્રમ્પે ઈરાનના ઉર્જા મથકો પરના હુમલા 10 દિવસ માટે ટાળી દીધા છે. નવી ડેડલાઈન હવે 6 એપ્રિલ નક્કી કરવામાં આવી છે. તેમણે કહ્યું કે અમેરિકા ઈરાનના એનર્જી ઈન્ફ્રાસ્ટ્રક્ચર પર હાલમાં કોઈ કાર્યવાહી નહીં કરે અને હોર્મુઝ સ્ટ્રેટ સંપૂર્ણ ખોલવા 10 દિવસની મુદત વધારવામાં આવી છે.
જોકે,ઈરાને સ્પષ્ટ કહ્યું છે કે જો અમેરિકા આવી કોઈપણ હરકત કરશે તો અમે મીઠા પાણીના પ્લાન્ટ અને આઇટી નેટવર્કને તબાહ કરી દઈશું આમ,ટ્રમ્પ કહે છે કે ઈરાન સાથે વાત ચાલુ છે અને ઈરાન કહે છે કે અમારે કોઈ વાત થતી નથી અને ઈરાન ટ્રમ્પની મજાક ઉડાવી રહ્યું છે ત્યારે ટ્રમ્પ હવે લોકોમાં મજાકનું કેન્દ્ર બન્યા છે અને સોશિયલ મીડિયામાં લોકો ખીલ્લી ઉડાવી રહયા છે.
ભારતીય બોલિવૂડ અભિનેતા બોમન ઈરાનીએ પણ ઈન્સ્ટાગ્રામ પર એક વીડિયો શેર કરીને ટ્રમ્પની મજાક ઉડાવતા કહ્યું કે, ‘તમે જાણતા હશો કે ટ્રમ્પ ઈરાનીઓ સાથે વાત કરવા માંગે છે. હાલમાં ત્રણ વ્યક્તિઓ સાથે વાતચીત ચાલી રહી છે, જેમાં સ્મૃતિજી, અરુણા ઈરાની અને મારી સાથે. હું મારા માટે તૈયાર છું. અમે દેશ માટે કંઈ પણ કરવા તૈયાર છીએ. જો કે, હું વોશિંગ્ટન નહીં જાઉં. હું તેમને મુંબઈની દાદર પારસી કોલોનીમાં આવવાનો પ્રસ્તાવ મૂકું છું, જ્યાં અમે તેમને ધનશાક અને કસ્ટર્ડ ખવડાવીશું. જો તેઓ એક ગેસ સિલિન્ડર લઈને આવે તો મને લાગે છે કે આપણું જીવન સરળ બની જશે.’ આમ ટ્રમ્પની લોકો ઠેકડી ઉડાવી રહયા છે જે ખૂબજ ટ્રેન્ડમાં ચાલી રહ્યું છે.
આ પણ વાંચો:
OIC: “ઇસ્લામિક વર્લ્ડ” એકજ ઝાટકે ખતમ; ઈઝરાયેલ-અમેરિકા સામે 57 દેશોનું સંગઠન “કાગનો વાઘ” સાબિત થયુ!
