Simmi Chaudhary Murder:  હરિયાણાની મોડલ શીતલ ઉર્ફે સિમ્મી ચૌધરીની ગળું કાપેલી હાલત મૃતદેહ મળી આવતાં ખળભળાટ મચ્યો છે. હત્યાના લગભગ 30 કલાક પછી ગઈકાલે( 16 જૂન, 2025) પોલીસને સોનીપતના ખાંડા ગામની નહેરમાંથી મૃતદેહ મળ્યો. તેના ગળા અને હાથ પર તીક્ષ્ણ હથિયારથી હુમલાના નિશાન મળી આવ્યા હતા. પોલીસે આ કેસમાં શીતલના મિત્ર સુનિલ, જે ઇસરાના રહેવાસી છે, તેની ધરપકડ કરી છે. પરિવારનો આરોપ છે કે સુનિલે જ શીતલની હત્યા કરી છે.

પોલીસે જણાવ્યું હતું કે 23 વર્ષિય શીતલ હરિયાણવી સંગીત ઉદ્યોગમાં કામ કરતી હતી. તે તેની બહેન નેહા સાથે પાણીપતમાં રહેતી હતી અને 14 જૂને શૂટિંગ માટે ગઈ હતી, પરંતુ પાછી આવી ન હતી. આ પછી નેહાએ પોલીસમાં ગુમ થયાની ફરિયાદ નોંધાવી હતી. ખાંડાના ગ્રામજનોએ રવિવારે રાત્રે કેનાલના પાણીમાં યુવતીનો મૃતદેહ જોયો અને પોલીસને જાણ કરી. બાદમાં લાશની ઓળખ શીતલ તરીકે થઈ. મોડલના હાથે ટેટૂ પણ હતું. જેનાથી તેના મૃતદેહની ઓળખ થઈ.

આ ઘટનાના તાર શનિવારે પાણીપતમાં દિલ્હી કેનાલમાં મળેલી કાર સાથે જોડાયેલા છે. શીતલ શનિવારે પાણીપતમાં વિરાટ નગર ફેઝ-3 નજીક નહેરમાં પડી ગયેલી I-20 કારમાં હતી. હત્યાને અકસ્માતમાં ખપાવવા આરોપીએ તેની કાર પણ નહેરમાં ફેંકી દીધી હોવાના આરોપો થઈ રહ્યા છે.

આરોપ છે કે આરોપી સુનિલે ડૂબવાનો ડોળ કર્યો અને તરીને બહાર નીકળ્યો અને તેને એક ખાનગી હોસ્પિટલમાં દાખલ કરવામાં આવ્યો. જ્યારે શીતલ ચૌધરીના પરિવારે પોલીસ ફરિયાદ નોંધાવી હતી. શીતલ શનિવારે ગીતના શૂટિંગ માટે અહર ગામમાં ગઈ હતી પરંતુ પાછી ફરી ન હતી. આ કેસમાં કેટલાંક સીસીટીવી ફૂટેજ પણ સામે આવ્યા છે.

વીડિયો વાયરલ

શીતલ એક ગીતના શૂટિંગમાં વ્યસ્ત હતી. અહર ગામના ગૌશાળામાં શૂટિંગ ચાલી રહ્યું હતું. શીતલના મૃત્યુ પછી સોશિયલ મીડિયા પર એક સીસીટીવી ફૂટેજ વાયરલ થઈ રહ્યો છે. જેમાં એક યુવક અને એક મહિલા કારમાં બેઠેલા જોવા મળે છે. એવો દાવો કરવામાં આવી રહ્યો છે કે ફૂટેજમાં રહેલા યુવક અને યુવતી સુનીલ અને શીતલ છે.

ઘટના પહેલા શીતલ અને સુનીલ સાથે જોવા મળ્યા

પાણીપતના એસપી ભૂપેન્દ્ર સિંહે જણાવ્યું હતું કે ઇસરાના આરોપી સુનિલની ધરપકડ કરવામાં આવી છે. તે શીતલ સાથે મિત્ર હતો. તે તેને શૂટિંગ માટે લઈ ગયો હતો. તેને મંગળવારે કોર્ટમાં રજૂ કરવામાં આવશે.

શીતલ પરિણીત, પતિથી અલગ રહેતી

મૃતક હરિયાણવી મોડલ પરિણીત હતી. મૃતકની બહેન નેહાએ જણાવ્યું કે શીતલ પરિણીત હતી. તેનો 1  દીકરો છે પણ તે લાંબા સમયથી તેના પતિથી અલગ રહેતી હતી. તેનો દીકરો તેના પતિ સાથે રહેતો હતો. શીતલ ઘણા સમય પહેલા સુનીલને મળી હતી.

સુનિલ પણ પરિણીત 

સુનીલ પહેલાથી જ પરિણીત હતો. તેને બાળકો પણ છે. શીતલની બેહેને કહ્યું આરોપ લગાવ્યો કે સુનીલ તેના પર લગ્ન માટે દબાણ કરી રહ્યો હતો. આવી સ્થિતિમાં શીતલ તેનાથી દૂર રહેવા લાગી હતી. આરોપી જેથી નારાજ રહેતો હતો. બાદમાં નારાજ સુનિલે શીતલનું ગળું કાપીને હત્યા કરી.

સુનીલ તેને માર મારી રહ્યો કહેતા જ કોલ ડિસ્કનેક્ટ

નેહાએ જણાવ્યું કે તેની બહેન શીતલ શનિવારે રાત્રે 11 વાગ્યે વીડિયો કોલ પર તેની સાથે વાત કરી હતી . તેણે કહ્યું હતું કે સુનીલ તેને માર મારી રહ્યો છે. થોડા સમય પછી કોલ ડિસ્કનેક્ટ થઈ ગયો અને પછી ફોન બંધ થઈ ગયો. નેહાએ જણાવ્યું કે જ્યારે તે શીતલ સાથે વાત કરી રહી હતી ત્યારે પાછળથી સુનીલનો અવાજ આવી રહ્યો હતો.

ડીએસપી હેડક્વાર્ટર સતીશ કુમારે જણાવ્યું કે નેહાએ આરોપ લગાવ્યો હતો કે સુનિલે તેની બહેનની હત્યા કરી અને લાશને નહેરમાં ફેંકી દીધી અને તેને અકસ્માત બતાવવા માટે તેણે કારને નહેરમાં ફેંકી દીધી અને પોતે બહાર નીકળી ગયો.

ડીએસપી હેડક્વાર્ટર સતીશ કુમારે જણાવ્યું હતું કે મૃતકની બહેને આરોપ લગાવ્યો હતો કે સુનિલે તેની હત્યા કરી હતી અને લાશને નહેરમાં ફેંકી દીધી હતી અને હત્યાને અકસ્માત જેવો દેખાડવા માટે તેણે કાર નહેરમાં નાખી દીધી હતી. તે પોતે તરીને બહાર નીકળી ગયો હતો. પોલીસે સુનિલને સિવાહના જીટી રોડ પરની એક ખાનગી હોસ્પિટલમાં દાખલ કર્યો હતો. તે પોલીસ સામે પણ મોં ખોલી રહ્યો ન હતો. આવી સ્થિતિમાં તેના પર શંકા પણ વધુ ઘેરી બની હતી.

આરોપીની ધરપકડ

હાલમાં તેની પૂછપરછ કરવામાં આવી રહી છે. મંગળવારે તેને કોર્ટમાં રજૂ કરવામાં આવશે અને રિમાન્ડ પર લીધા બાદ પૂછપરછ કરવામાં આવશે. આ પછી હત્યાનો કેસ ખુલશે.

મોડેલના અગ્નિસંસ્કાર કરાયા

માટલૌડા પોલીસ સ્ટેશને પીજીઆઈ ખાનપુર ખાતે શીતલ ઉર્ફે સિમ્મીના મૃતદેહનું પોસ્ટમોર્ટમ કરાવ્યું. પરિવાર મૃતદેહ લઈને પાણીપત પહોંચ્યો. કિશનપુરા સ્થિત સ્મશાનગૃહમાં તેના મૃતદેહનો અંતિમ સંસ્કાર કરાયા. આ દરમિયાન પરિવાર શોકમાં ડૂબેલો જોવા મળ્યો. પરિવારે આરોપીઓ સામે કડક કાર્યવાહીની માંગ કરી છે.