The Bonus Market Update: આજે સોમવારે ભારતીય શેરબજાર લીલા નિશાન સાથે ખુલ્યા હતા.ગયા સપ્તાહના ઘટાડા બાદ બજારનો માહોલ બદલાતો જોવા મળી રહ્યો છે.યુએસ અને ચીનના શેરબજારોમાં મજબૂત તેજી સ્થાનિક બજારને પણ પ્રતિબિંબિત કરે છે,જેનાથી રોકાણકારોનો વિશ્વાસ વધ્યો છે.
સેન્સેક્સ અને નિફ્ટીમાં મજબૂત વધારો જોવા મળ્યો હતો અને આજે સવારે 9:30 વાગ્યે, BSE સેન્સેક્સ 507 પોઈન્ટ એટલેકે 0.60 ટકા વધીને 84,436 પર ટ્રેડ થઈ રહ્યો હતો.જ્યારે NSE નિફ્ટી 165 પોઈન્ટ એટલેકે 0.64 ટકા વધીને 26,132 પર ટ્રેડ થઈ રહ્યો હતો જેનાથી બજારમાં વ્યાપક તેજી જોવા મળી હતી.મિડકેપ અને સ્મોલકેપ શેરોમાં પણ મજબૂતી જોવા મળી મુખ્ય સૂચકાંકોની સાથે, વ્યાપક બજારોમાં પણ સકારાત્મક વલણ જોવા મળ્યું.
નિફ્ટી મિડકેપ 100 0.58 ટકા વધ્યો, અને નિફ્ટી સ્મોલકેપ 100 0.51 ટકા વધ્યો, જે દર્શાવે છે કે રોકાણકારો તમામ શ્રેણીઓના શેરોમાં રસ દાખવી રહ્યા છે.
■કયા શેર વધ્યા અને કયા ઘટ્યા?
શેર વધારામાં હિન્દાલ્કો, ટેક મહિન્દ્રા અને TCS નિફ્ટી પેકમાં મુખ્ય હતા.બીજી તરફ,એશિયન પેઇન્ટ્સ, બજાજ ફાઇનાન્સ, મેક્સ હેલ્થકેર અને સિપ્લા સૌથી નબળા શેરોમાં હતા.
■સેક્ટરલ સૂચકાંકો લીલા નિશાનમાં ટ્રેડ થઈ રહ્યા હતા
NSE પરના બધા સેક્ટરલ સૂચકાંકો લીલા રંગમાં ટ્રેડ થઈ રહ્યા હતા,મેટલ સેક્ટરે લગભગ 1.48 ટકાનો ઉછાળો નોંધાવ્યો હતો ત્યારબાદ IT સેક્ટરનો ક્રમ આવ્યો, જેમાં 1.23 ટકાનો વધારો થયો અને મીડિયા સેક્ટરનો ક્રમ આવ્યો, જેમાં 0.77 ટકાનો વધારો નોંધાયો.
■વિશ્લેષકોનો અભિપ્રાય:વર્ષના અંતે તેજીની અપેક્ષા
બજારના નિષ્ણાતો માને છે કે ભારતીય શેરબજાર વર્ષના અંતે તેજી તરફ આગળ વધી શકે છે. વિદેશી સંસ્થાકીય રોકાણકારો દ્વારા મજબૂત રૂપિયા અને રોકડ બજારમાં ખરીદી શોર્ટ-કવરિંગને વેગ આપી શકે છે,જેનાથી સૂચકાંકો વધુ મજબૂત થઈ શકે છે.
■વૈશ્વિક અને એશિયન બજારોને ટેકો
અગાઉના ટ્રેડિંગ સત્રમાં યુએસ બજારો મજબૂત રહ્યા હતા.
નાસ્ડેક 1.31 ટકા, S&P 500 0.88 ટકા અને ડાઉ જોન્સ ઇન્ડસ્ટ્રિયલ એવરેજ 0.38 ટકા વધ્યા. એશિયન બજારો પણ સકારાત્મક રહ્યા.
જાપાનના નિક્કી 1.75 ટકા વધ્યા, જ્યારે ચીન,હોંગકોંગ અને દક્ષિણ કોરિયાના બજારોમાં પણ તેજી જોવા મળી.
■ભારતીય રૂપિયો મજબૂત થતાં રોકાણકારોનો વિશ્વાસ વધ્યો
વિદેશી મૂડીપ્રવાહ અને શેરબજારમાં સકારાત્મક વલણને કારણે શરૂઆતના વેપારમાં રૂપિયો 22 પૈસા મજબૂત થઈને 89.45 પર પહોંચ્યો છે, ફોરેક્સ વેપારીઓના મતે, બ્રેન્ટ ક્રૂડના ભાવ પ્રતિ બેરલ $60 ની આસપાસ રહેવાથી પણ રોકાણકારોનો વિશ્વાસ વધ્યો છે.
આ પણ વાંચો:
H3N2 Virus: બ્રિટનથી પાકિસ્તાન પહોંચ્યો H3N2 ‘સુપર ફ્લૂ’નો ખતરનાક સ્ટ્રેન, ભારત માટે કેટલો ખતરો?
