Terrorist Attack: જમ્મુ-કાશ્મીરમાં પ્રવાસીઓ પર ગોળીબાર કર્યો, 2ના મોત

Pahalgam Terrorist Attack: આજે મંગળવારે (22 એપ્રિલ, 2025) જમ્મુ અને કાશ્મીરના અનંતનાગ જિલ્લાના પહેલગામની ખીણમાં આતંકવાદીઓ દ્વારા ગોળીબાર કરાયો છે. જેમાં 2ના મોત થઈ ગયા હોવાની માહિતી મળી રહી છે. આ ગોળીબાર પહેલગામના બાયસરન વિસ્તારોમાં થયો છે. સુરક્ષા દળો આ વિસ્તારમાં સર્ચ ઓપરેશન ચલાવી રહ્યા છે.

જમ્મુ-કાશ્મીરના અનંતનાગ જિલ્લાના પહેલગામમાં કેટલાક આતંકવાદીઓએ પ્રવાસીઓ પર હુમલો કર્યો છે. સૂત્રોના જણાવ્યા અનુસાર, 2 થી 3 આતંકીઓએ પોલીસ વેશમાં હુમલો કર્યો છે. આતંકવાદીઓએ પ્રવાસીઓને નિશાન બનાવ્યા છે. જેમાં બે લોકોના મોત થયા અને ઘણા લોકો ઘાયલ થયા છે. પહેલગામ આતંકવાદી હુમલાને ધ્યાનમાં રાખીને, સીઆરપીએફની વધારાની ઝડપી પ્રતિક્રિયા ટીમો સ્થળ પર તૈનાત કરવામાં આવી છે.

સૂત્રોના જણાવ્યા અનુસાર, આ હુમલામાં પાકિસ્તાનનો હાથ છે. આ આતંકવાદી ઘટનામાં TRF (ધ રેઝિસ્ટન્સ ફ્રન્ટ) સંગઠનનો હાથ હોવાની શક્યતા છે. પોલીસના જણાવ્યા અનુસાર પહેલગામની બાયસરન ખીણમાં ગોળીબારના અવાજો સંભળાયા હતા. બાયસરન ઘાસના મેદાનમાં ઘોડેસવારીનો આનંદ માણી રહેલા પ્રવાસીઓ પર હુમલાખોરોએ અંધાધૂંધ ગોળીબાર કર્યો છે.

જમ્મુ અને કાશ્મીરના પૂર્વ મુખ્યમંત્રી અને પીપલ્સ ડેમોક્રેટિક પાર્ટીના વડા મહેબૂબા મુફ્તીએ પહેલગામમાં થયેલા આતંકવાદી હુમલાની કડક નિંદા કરી છે. તેમણે ઇન્સ્ટાગ્રામ પર પોસ્ટ કરી હુમલાની નિંદા કરી છે.

આતંકવાદી હુમલા વિશે 12 મોટા મુદ્દાઓ