UP Crime: ઉત્તર પ્રદેશમાં બરેલીના સુભાષ નગરમાં બનેલા કિસ્સાએ સૌ કોઈને ચોકાવી દીધા છે. વાત જાણે એમ છે કે અહી રહેતા 57 વર્ષીય ડૉ. વિશાલ ચંદ્ર સક્સેનાએ પોલીસને કરેલી ફરિયાદમાં આપેલા નિવેદનો ભયાનક છે. વિશાલ એક નિવૃત્ત ડૉક્ટર છે. તેમણે કહ્યું કે તેમની પત્નીનું 4 વર્ષથી એક ઇલેક્ટ્રિશિયન સાથે અફેર હતુ. જ્યારે ડોક્ટરને આ વાતની ખબર પડી ત્યારે પત્નીએ તેના પ્રેમી સાથે મળીને કાવતરું રચ્યું. ડૉક્ટરનો આરોપ છે કે તેની પત્નીએ દૂધમાં નશીલી દવાઓ ભેળવી દીધી, ઘરમાં સીસીટીવી કેમેરા બંધ કરી દીધા અને તેના ઇલેક્ટ્રિશિયન પ્રેમીને મારતા પહેલા દારૂ પીવડાવ્યો. સદનસીબે તેનો જીવ બચી ગયો.
સંબંધોમાં તિરાડ
57 વર્ષીય ડૉ. વિશાલ ચંદ્ર સક્સેના વ્યવસાયે નેત્ર ચિકિત્સક છે. તેઓ તેમની પત્ની શિખા સક્સેના સાથે બરેલીના સુભાષ નગર વિસ્તારમાં એક આલીશાન હવેલીમાં રહે છે. બધું સામાન્ય લાગતું હતું. પરંતુ જ્યારે ડૉક્ટરને શંકા ગઈ કે તેમની પત્નીને અફેર છે ત્યારે તેમના સંબંધોમાં તિરાડ પડી ગઈ.
સીસીટીવી કેમેરા બંધ કરી…
ડૉક્ટરને ખબર પડી કે તેમની પત્ની, શિખા, સૌરભ સક્સેના, જે 47 વર્ષીય ઇલેક્ટ્રિશિયન છે, સાથે અફેર ધરાવે છે. તેઓ ચાર વર્ષથી સાથે હતા. શિખાએ તેના પ્રેમી સૌરભ સક્સેના સાથે મળીને તેના ડૉક્ટર પતિની હત્યા કરવાનું કાવતરું ઘડ્યું. તે 28 ઓક્ટોબરની રાત હતી. બધું પૂર્વનિર્ધારિત હતું. સૌરભ સક્સેના ડૉક્ટરના ઘરમાં પ્રવેશ્યો. કોઈને ખબર ન પડે તે માટે સીસીટીવી કેમેરા બંધ કરી દેવામાં આવ્યા હતા.
તે રાત્રે ડૉક્ટરની પત્ની, શિખાએ ડોક્ટરને એક ગ્લાસ દૂધ આપ્યું. પરંતુ દૂધમાં નશીલા પદાર્થ ભેળવવામાં આવ્યા હતા. તે પીધા પછી, ડૉક્ટર વિશાલ બેભાન થઈ ગયા. સૌરભ અને શિખાએ તેમના હાથ-પગ બાંધી દીધા, તેમને મારી નાખવાની તૈયારી કરી. તેઓ તેમના ગળામાં ફંદો બાંધવાનો પ્રયાસ કરી રહ્યા હતા. જો કે સદભાગ્યે તેમનો જીવ બચી ગયો.
પત્ની બાથરૂમમાં ગઈ અને…
ડૉ. વિશાલે પોલીસને જણાવ્યું કે થોડા સમય પછી તેને ભાન આવ્યું. તેણે તેની પત્ની અને તેના પ્રેમીને પાર્ટી કરતા જોયા. ડોક્ટરની પત્ની શિખાએ તેના પ્રેમી સૌરભને દારૂ પીવડાવ્યો. સૌરભ એટલો નશામાં ધૂત થઈ ગયો કે તે ખુરશી પર પડી ગયો. દરમિયાન તેની પત્ની બાથરૂમમાં ગઈ. આ તકનો લાભ લઈને, ડૉ. વિશાલ પોતાને મુક્ત કરીને ઘરમાંથી ભાગી જવામાં સફળ રહ્યા. તેમની હાલત ખરાબ હતી, શરીર પર દોરડાના નિશાન પડી ગયા હતા. તે પડોશીઓના સીસીટીવીમાં દોડતો જોવા મળ્યા. જ્યારે ડૉ. વિશાલ પોતાની વાત પોલીસને કહી તો તે પણ સ્તબ્ધ થઈ ગયા.
ડૉક્ટરે આરોપ લગાવ્યો છે કે હત્યાનું કાવતરું ઘડતાં પહેલા એપાર્ટમેન્ટમાં બધા સીસીટીવી કેમેરા બંધ કરી દેવામાં આવ્યા હતા. જોકે, પાડોશીના ઘરની બહાર લગાવેલા કેમેરામાં એક વીડિયો મળી આવ્યો હતો, જેમાં ડોક્ટર મદદ માટે દોડતા દેખાઈ રહ્યા હતા. તે વીડિયો પોલીસ માટે સૌથી મહત્વપૂર્ણ પુરાવો બની ગયો. ફરિયાદ બાદ, પોલીસે તપાસ શરૂ કરી અને ઘટનાસ્થળનું નિરીક્ષણ કર્યું. પોલીસે ડોક્ટરના ઘરેથી દોરડું, ટેપ અને છરી મળી આવી હતી, જેનો ઉપયોગ હત્યામાં થયો હોવાની શક્યતા હતી.
બંને આરોપીઓ ફરાર, પોલીસે શું કહ્યું?
આ કેસમાં ડૉ. વિશાલ ચંદ્ર સક્સેનાએ તેમની પત્ની શિખા અને તેના પ્રેમી સૌરભ વિરુદ્ધ કેસ દાખલ કર્યો છે. બંને આરોપીઓ હાલમાં ફરાર છે. પોલીસની ઘણી ટીમો તેમને શોધી રહી છે. પોલીસ અધિક્ષક (શહેર) માનુષ પારીખે જણાવ્યું હતું કે તપાસ ચાલી રહી છે અને તપાસમાં જે કંઈ બહાર આવશે તેના આધારે કાર્યવાહી કરવામાં આવશે. આ કેસમાં બરેલી શહેરના એક હાઇ-પ્રોફાઇલ પરિવારનો સમાવેશ થાય છે, અને તેનાથી સનસનાટી મચી ગઈ છે.
મિડિયામાં ડૉ. વિશાલે કહ્યું, “28મી તારીખે રાત્રે, મારી પત્નીએ મારા દૂધમાં દવા નાખીને મને બેભાન કરી દીધો. જ્યારે હું ભાનમાં આવ્યો, ત્યારે મારા હાથ અને પગ બાંધેલા હતા. તે મારું ગળું દબાવવાની તૈયારી કરી રહી હતી. પરંતુ તે જ ક્ષણે, તેનો પ્રેમી નશામાં ધૂત થઈ ગયો, મને તક મળી અને હું ભાગી ગયો.” ડૉક્ટરે ઉમેર્યું કે મારી પત્ની અને તેના ઇલેક્ટ્રિશિયન પ્રેમી વચ્ચે 4 વર્ષથી અફેર હતું. પોલીસ કહે છે કે એકવાર બંને આરોપીઓની ધરપકડ થઈ જશે, પછી કેસના વધુ સ્તરો ખુલશે. હાલ તો, બરેલીમાં થયેલા આ ષડયંત્રની વાર્તાએ લોકોને ચોંકાવી દીધા છે.
આ પણ વાંચો:
UP: સગીરાએ હિન્દુ દેવી-દેવતાઓ અંગે અયોગ્ય ટીપ્પણી કરતાં માતાપિતા સામે કાર્યવાહી
UP: ‘ખુલ્લેઆમ કહું છે અહીં મહિલાઓનું શોષણ થાય છે’, મહિલા ભાજપ નેતાએ જ પોલ ખોલી
