UP: સપા સાંસદ રામજીલાલ સુમનના કાફલા પર હુમલો, વાહનો પર ટાયરો ફેંક્યા, શું છે મામલો?

UP: ઉત્તર પ્રદેશના અલીગઢમાં સપા સાંસદ રામજી લાલ સુમનના કાફલા પર હુમલો થયો છે. કરણી સેના અને ક્ષત્રિય મહાસભાના અધિકારીઓએ રામજી લાલ સુમનના કાફલા પર ટાયરો ફેંક્યા હતા. આ હુમલાને કારણે વાહનો એકબીજા સાથે અથડાઈ ગયા હતા.

શું છે મામલો?

હકીકતમાં ગભાણા ટોલ પ્લાઝા પાસે મોટી સંખ્યામાં કરણી સેનાના લોકો એકઠા થયા હતા. તેમણે રામજીલાલના કાફલા પર ટાયર ફેંક્યા, જેના કારણે કાફલા એકબીજા સાથે અથડાયા હતા.

ઉલ્લેખનીય છે કે રામજીલાલ સુમને રાણા સાંગા અંગે વિવાદાસ્પદ નિવેદન આપ્યું હતું. કરણી સેના આ નિવેદન બદલ રામજી લાલ સુમન પાસેથી માફી માંગવાની માંગ કરી રહી છે.

સમાજવાદી પાર્ટીના પ્રદેશ પ્રમુખે હુમલાનો વિરોધ કર્યો

સમાજવાદી પાર્ટીના પ્રદેશ પ્રમુખ શ્યામ લાલ પાલે રામજી લાલ સુમનના કાફલા પર થયેલા હુમલાનો વિરોધ કર્યો છે. તેમણે કહ્યું છે કે કરણી સેના અને સરકારે આ મામલે માફી માંગવી જોઈએ.

રામજીલાલ સુમનના કયા નિવેદન પર કરણી સેના રોષ

રાણા સાંગા પર સપા સાંસદ રામજી લાલ સુમનના નિવેદનથી કરણી સેના ગુસ્સે છે. તેમણે 21 માર્ચ 2025 ના રોજ રાજ્યસભામાં આ નિવેદન આપ્યું હતું. તેમણે કહ્યું હતું કે, ‘ભાજપના લોકોનો આ એક વાક્ય બની ગયું છે કે મુસ્લિમોમાં બાબરનો ડીએનએ છે.’ હિન્દુઓમાં કોનો ડીએનએ છે? બાબરને કોણ લાવ્યો? ઇબ્રાહિમ લોદીને હરાવવા માટે રાણા સાંગા બાબરને ભારત લાવ્યા હતા.

આ નિવેદનમાં રામજીલાલ સુમને રાણા સાંગાને “દેશદ્રોહી” ગણાવ્યા હતા અને દાવો કર્યો હતો કે તેમણે બાબરને ભારતમાં આમંત્રણ આપ્યું હતું, જેના કારણે કરણી સેના અને અન્ય સંગઠનોમાં રોષ ફેલાયો હતો. કરણી સેનાએ આને રાણા સાંગાનું અપમાન માન્યું અને વિરોધમાં 26 માર્ચ 2025ના રોજ આગ્રામાં સુમનના નિવાસસ્થાન પર હુમલો કર્યો, જેના કારણે તોડફોડ અને હિંસા થઈ.

ઉત્તર પ્રદેશમાં કરણી સેના દ્વારા રામજીલાલ સુમનના કાફલા પર હુમલો, રાણા સાગાં અંગેના નિવેદનનો વિરોધ#UP #ranasanga #KarniSena #ramjilalsuman pic.twitter.com/y0WEWShHZj
— The Gujarat Report (@TGujarat_Report) April 27, 2025