UP Video: ઉત્તર પ્રદેશના વારાણસીમાં આવેવા લંકા પોલીસ સ્ટેશન હદ વિસ્તારમાં પોલીસે વિદ્યાર્થીઓને ક્રૂર રીતે માર મારવાનો મામલો સામે આવ્યો છે. આ ઘટનાનો વીડિયો સોશિયલ મીડિયા પર વાયરલ થયો છે. જેમાં ચોકીના ઇન્ચાર્જ નવીન ચતુર્વેદી વિદ્યાર્થીના વાળ પકડી અને ગોળ ગોળ ફેરવી માર મારતા જોવા મળે છે. વિડિયોમાં દેખાય છે કે એક વિદ્યાર્થીને વાળ પકડીને જમીન પર પછાડે છે અને પછી લાકડીથી ફટકારે છે. વિદ્યાર્થીઓ પોતાની નિર્દોષતાનો દાવો કરતા રહ્યા અને ભગવાન બજરંગબલીના નામે મુક્ત કરવા બૂમો પાડી પણ પોલીસકર્મી એકનો બે ન થયો. અને વિદ્યાર્થીને માર મારતો રહ્યો. આ વિડિયો ઉચ્ચ તંત્રને ધ્યાને આવતાં ચોકીના ઇન્ચાર્જ નવીન ચતુર્વેદીને સસ્પેન્ડ કરી દીધો છે.
બે વિદ્યાર્થી જૂથ વચ્ચે શું થયું હતુ?
મળતી માહિતી મુજબ, આ ઘટના સંકટમોચન મંદિર પાસે આવેલી પોલીસ ચોકી પર બની હતી. આ મામલો વિદ્યાર્થીઓના બે જૂથો વચ્ચે થયેલી જૂની અથડામણ સાથે સંબંધિત છે, જેના સીસીટીવી ફૂટેજ પોલીસે મેળવ્યા છે. આ આધારે, પોલીસ ચોકીના ઇન્ચાર્જ નવીન ચતુર્વેદીએ એક બાજુથી કેટલાક વિદ્યાર્થીઓને પોલીસ ચોકીમાં બોલાવ્યા અને ત્યાં તેમને નિર્દયતાથી માર માર્યો હતો.
આરોપી પોલીસ સસ્પેન્ડ
There was a fight between two group of students, In this connection, the police brought these three students to the Police Station and Beat them up badly, The DCP suspended the Inspector after this incident, Sankat mochan P.S Varanasi UP
pic.twitter.com/m86I40ZgCi— Ghar Ke Kalesh (@gharkekalesh) March 1, 2025
આ ઘટનાનો વીડિયો સામે આવતાની સાથે જ લોકો પોલીસ પર ગુસ્સે ભરાઈ ગયા હતા. વારાણસી પોલીસના વરિષ્ઠ અધિકારીઓએ આ બાબતની નોંધ લીધી અને કાશી ઝોનના ડીસીપી ગૌરવ બંસલે આરોપી ચોકીના ઇન્ચાર્જ નવીન ચતુર્વેદીને તાત્કાલિક અસરથી સસ્પેન્ડ કરી દીધો છે. ડીસીપીએ સ્પષ્ટપણે કહ્યું કે કોઈપણ પોલીસકર્મીને કાયદો પોતાના હાથમાં લેવાનો અધિકાર નથી અને આવી ક્રૂરતા સહન કરવામાં આવશે નહીં. ઉપરાંત, તેમણે ખાતરી આપી હતી કે આ કેસમાં અન્ય દોષિત પોલીસકર્મીઓ સામે કડક કાર્યવાહી કરવામાં આવશે.
આ ઘટનાએ ફરી એકવાર પોલીસની કામગીરી પર સવાલ ઉભા કર્યા છે. વિદ્યાર્થીઓ સામે પોલીસની આ ક્રૂરતા માત્ર કાયદો અને વ્યવસ્થા પર પ્રશ્નો ઉભા કરે છે એટલું જ નહીં પરંતુ સામાન્ય લોકોમાં અસુરક્ષાની લાગણી પણ પેદા કરે છે. આ મામલાની ગંભીરતાને ધ્યાનમાં રાખીને, પોલીસ વહીવટીતંત્રે કડક પગલાં લેવા પડશે જેથી ભવિષ્યમાં આવી ઘટનાઓ ફરી ન બને.
આ પણ વાંચોઃ US-Ukraine: ટ્રમ્પ અને ઝેલેન્સ્કી વચ્ચે થયેલી ઉગ્ર બોલાચાલી બાદ NATOની ચિંતા કેમ વધી?, રશિયા ખુશ!
આ પણ વાંચોઃ PM મોદી જામનગરની મુલાકાતે, હાલ વનતારા પહોંચ્યા, શું વનતારા અંબાણીનો બિઝનેસ છે?
