UP: આજના સમયમાં અપરાધીઓ અપરાધ કરવા નવી નવી રીતો અપનાવી રહ્યાં છે. આવી જ એક ઘટના કુશીનગરથી સામે આવી છે., કુશીનગર હાઇવે પર મુસાફરી કરતી વખતે, જો કોઈ તમને નામ લઈને બોલાવે અને વાહન રોકવાનું કહે, તો સાવચેત રહજો, જો તમે આ બાબતે થોડી પણ બેદરકારી બતાવશો, તો ખાતરી રાખો કે તમે મોટી મુશ્કેલીમાં ફસાઈ શકો છો. કારણ કે આ ગુનેગારોનું કાવતરું છે જેના દ્વારા તેઓ લોકોને લૂંટનો ભોગ બનાવી રહ્યાં છે.
હાઇવે પર મુસાફરીમાં રાખજો સાવચેતી
હવે ગુનેગારોએ આ નવી પદ્ધતિ અપનાવી છે. જેમાં તે હાઇવે પર મુસાફરી કરતા લોકોના વાહન નંબર દ્વારા માલિકનું નામ, સરનામું વગેરે વિશે માહિતી મેળવી રહ્યા છે અને ષડયંત્રના ભાગ રૂપે લોકોને ભોગ બનાવી રહ્યા છે.
ગુનેગારો વાહનને કરે છે ઓવરટેક
સામેની વ્યકિતનું નામ અને સરનામું મળતાં જ, ગુનેગારો વાહનને ઓવરટેક કરે છે અને જે નામથી વાહન નોંધાયેલું છે તેનો ઉપયોગ કરીને જોરથી બૂમો પાડે છે, અને તેમને વાહન બાજુમાં રોકવાનું કહે છે. નામ સાંભળીને, લોકો વિચારે છે કે ફોન કરનાર વ્યક્તિ કોઈને ઓળખે છે અને તેઓ પોતાનું વાહન રોકે છે.
મુસાફરોને લૂંટીને ફરાર
વાહન અટકતાની સાથે જ એક ગુનેગાર પોતાના વાહનમાંથી નીચે ઉતરી જાય છે અને નિશાન બનાવેલા વાહન સુધી પહોંચે છે અને ડ્રાઇવર અને અન્ય મુસાફરોને બળજબરીથી પોતાના કબજામાં લઈ લે છે. આ દરમિયાન, અન્ય ગુનેગારો લોકોનો સામાન, રોકડ રકમ અને મોબાઇલ ફોન લૂંટી લે છે અને ઘટનાસ્થળેથી ભાગી જાય છે.
શંકા જણાય તો પોલીસને કરો જાણ
હાઇવે પર મુસાફરી કરતી વખતે ખૂબ જ સાવધાની રાખો. અજાણ્યા વ્યકિત પર ભરોસો ન કરો, જો કોઈ બહાના બનાવી તમારી નજીક આવવાની કોશિશ કરે તો સાવચેત રહો, જો તમને લાગે કે કોઈ તમારો પીછો કરી રહ્યું છે, તો તાત્કાલિક નજીકના પોલીસ સ્ટેશન અથવા પોલીસ ઇમરજન્સી નંબર 112 પર જાણ કરો.
આ પણ વાંચો:
Ambani and TATA: અંબાણીથી ટાટા સુધી, નિષ્ફળતા અને સફળતા પાછળ નસીબના ખેલ અંગે વાંચો ખાસ અહેવાલ
Period-stopping medicine: પૂજામાં ભાગ લેવા પીરિયડ રોકવાની લીધી દવા, 18 વર્ષીય યુવતીએ ગૂમાવ્યો જીવ
MP: મોદી સરકારને ખેડૂત સાથે મજાક ભારે પડશે!, ‘સહાયને સરકારના મોં પર મારશે’, આ ખેડૂત તૈયાર!
Business War: દેશમાં બે ધનકુબેરો વચ્ચે ‘વેપારયુધ્ધ’, ભારત સાથે મોટી રમત!, જુઓ કેવી રીતે?
