US Plane Crash: ઘરો પર એકાએક વિમાન પડતાં આગ, પાયલોટનું મોત, વાંચો વધુ

US Plane Crash: ઘર પર એકાએક વિમાન ક્રેશ, પાયલોટનું મોત, ઘરોમાં આગ

US Plane Crash: અમેરિકાના કેલિફોર્નિયામાં એક વિમાન અચાનક બે ઘર પર ક્રેશ થયું છે. આ ઘટનામાં પાઇલટે પોતાનો જીવ ગુમાવ્યો છે. વિમાન 2 ઘરની છત પર પડતાં ઘરોમાં પણ આગ લાગી ગઈ હતી. આ આગને બુઝાવવા માટે 40 થી વધુ ફાયર બ્રિગેડના કર્મચારીઓ ઘટનાસ્થળે પહોંચી ગયા હતા. ઘણા કલાકોની મહેનત બાદ આગ પર કાબૂ મેળવાયો છે. 2 ઘરને મોટાપાયે નુકસાન થયું છે.

ફાયર બ્રિગેડ ઘટનાસ્થળે પહોંચી

મળતી માહિતી મુજબ ગઈકાલે(3 મે) શનિવારે અમેરિકાના કેલિફોર્નિયામાં એક સિંગલ-સીટર પ્લેન ક્રેશ થયું હતું, જેમાં એક પાયલોટનું ઘટનાસ્થળે જ મોત થયું. આ દુર્ઘટના રહેણાંક વિસ્તારમાં થઈ. જેના કારણે 2 ઘર સળગી ગયા હતા. ફાયર વિભાગના જણાવ્યા અનુસાર, અકસ્માત સમયે લોકો ઘરોમાં હાજર હતા, પરંતુ તેમને સુરક્ષિત રીતે બહાર કાઢી લેવામાં આવ્યા હતા. હાલમાં કોઈના ઘાયલ થવાના સમાચાર નથી.

લોકોની અવરજવર બંધ થઈ ગઈ

વિમાન દુર્ઘટનાની માહિતી મળતા જ સ્થાનિક પોલીસ હરકતમાં આવી ગઈ અને જ્યાં વિમાન ક્રેશ થયું હતું તે આખી શેરી બંધ કરી દીધી. જે શેરીમાં વિમાન ઘરોની છત પર પડ્યું હતું ત્યાં સામાન્ય લોકોની અવરજવર બંધ કરી દેવાઈ. લોકોને આ વિસ્તારથી દૂર રહેવાની સલાહ આપવામાં આવી છે. આ ઘટનાની તસવીરો સોશિયલ મીડિયા પર ટ્રેન્ડ કરી રહી છે. આ ઘટના લોસ એન્જલસથી માત્ર 80 કિલોમીટર દૂર બની હતી. આ અકસ્માત કેમ થયો તે અંગે કોઈ સત્તાવાર પ્રતિક્રિયા આપવામાં આવી નથી.

✈️🔥🚨 Deadly plane crash rocks California neighborhood. Single-engine Van’s RV-10 crashed into 2 homes in Simi Valley, killing pilot & sparking massive fire. 40 firefighters battled the flames as residents miraculously escaped unharmed. Plane was en route to Camarillo Airport… pic.twitter.com/ToqugsZkra
— GoodMorningRooster (@RoosterGM) May 4, 2025