Vadodara: કોંગ્રેસ નેતાના પુત્રની કરતૂત, દુષ્કર્મ બાદ બળજબરીથી ગર્ભપાત, નર્સ, મામા- મામી સહિત 8 લોકોની સંડોવણી

vadodara: વડોદરાના નંદેસરી પોલીસ સ્ટેશનમાં કોંગ્રેસ નેતા અને પૂર્વ ધારાસભ્ય રાજેન્દ્રસિંહ ગોહિલના પુત્ર અનિરુદ્ધસિંહ ગોહિલ વિરુદ્ધ એક યુવતીએ દુષ્કર્મની ફરિયાદ નોંધાવી છે. ફરિયાદ અનુસાર, અનિરુદ્ધસિંહે યુવતી પર દુષ્કર્મ આચર્યું અને ગર્ભપાત પણ કરાવ્યો હોવાનો આરોપ છે. ફરિયાદ નોંધાયાને લગભગ એક અઠવાડિયા બાદ પણ આરોપી અનિરુદ્ધસિંહ ફરાર હોવાનું જાણવા મળે છે, અને પીડિતાએ પોલીસ પર કાર્યવાહીમાં વિલંબનો આક્ષેપ કર્યો છે. પોલીસે યુવતીનો મેડિકલ ટેસ્ટ કરાવ્યો છે, અને તપાસ ચાલુ હોવાનું જણાવાયું છે.

કોંગ્રેસના નેતા રાજેન્દ્રસિંહ ગોહિલના પુત્ર સામે દુષ્કર્મની ફરિયાદ

વડોદરા જિલ્લાના કોંગ્રેસના નેતા રાજેન્દ્રસિંહ ગોહિલના પુત્ર અનિરૂદ્ધસિંહ ગોહિલ સામે દુષ્કર્મની ફરિયાદ નોંધાવવામાં આવી છે. કોંગ્રેસ નેતાના પુત્ર સામે 21 વર્ષીય યુવતીએ દુષ્કર્મની ફરિયાાદ નોંધાવી છે. આ ફરિયાદને 6 દિવસ થઈ ગયા છતા આરોપી ન ઝડપાતા હવે પીડિતા સામે આવીને પોતાની વેદના ઠાલવી હતી. પીડિતાએ આક્ષેપ કર્યોછે કે,અનિરૂદ્ધે તેની સાથે દુષ્કર્મ આચરતા તે પ્રેગ્નન્ટ થઈ ગઈ હતી. પીડિતાએ ગર્ભપાત કરાવવાની ના પાડી હતી ત્યારે તેને માર મારતો હતો. તેમજ પીડિતાની મરજી વિરુદ્ધ અનિરુદ્ધ ગોહિલે ગર્ભપાત કરાવી દીધો હોવાનો આક્ષેપ કર્યો છે.

દુષ્કર્મ પીડિતાએ જણાવી વેદના

દુષ્કર્મ પીડિતાએ જણાવ્યું હતું કે, તે અને અનિરુદ્ધ છેલ્લા બે વર્ષથી સંપર્કમાં આવ્યા હતા. અનિરુદ્ધે મને અનગઢ ખાતે આવેલા મસાણી માતાના મંદિર પાસે બોલાવી હતી અને મારી સાથે દુષ્કર્મ આચર્યું હતું તેને એમ પણ જણાવ્યું કે, અનિરુદ્ધે તેને લગ્નનો વાયદો પણ આપ્યો હતો અને તેની સાથે બેથી ત્રણ વખત મારી શારીરિક સંબંધ બાંધ્યા હતા, આ દરમિયાન પીડિતા પ્રેગનન્ટ થઈ હતી. જયારે આ રિપોર્ટ પિડીતાની સોનોગ્રાફી કરાવી અને પીડીતાને એવું જણાવ્યું કે, બાળકના મગજમાં પ્રોબ્લેમ છે જેથી ગર્ભપારત કરવો પડશે પરંતુ પીડિતાએ ગર્ભપાત કરાવવાની ના પાડી દીધી હતી. ત્યારે આ આરોપી પિડીતાને માર મારીને તેની પર અત્યાચાર કરતો હતો. પછી એક દિવસ તેને તેના મિત્રને કાર લઈને બોલાવ્યા હતા. અને પછી બળજબરીથી પીડિતાને દવા આપીને તેને હોસ્પિટલ લઈ ગયા હતા. આ સાથે પીડિતાએ આ બધામાં અનિરુદ્ધના મા-બાપ, મામા- મામી અને તેને મિત્રો સહિત 7થી 8 લોકો અને નર્સની પણ સંડોવણી હોવાનો ખુલાસો કર્યો હતો.

6 દિવસ બાદ પણ આરોપી પોલીસ પકડથી દૂર

આ મામલે પીડિતાએ અનિરુદ્ધસિંહ ગોહિલ સામે દુષ્કર્મ અને એટ્રોસિટીની ફરિયાદ નોંધાવી હતી જેથી સૌથી પહેલા પોલીસે યુવતીનું મેડિકલ ચેકઅપ કરાવ્યું હતું. જે બાદ આ મામલે વધુ તપાસ હાથ ધરી છે. જો કે આ ફરિયાદ નોંધાવ્યાને 6 દિવસ થઈ ગયા છતા આરોપી અનિરુદ્ધસિંહ ગોહિલ હજુ પકડાયો નથી.

આરોપીના પરિવારનું રાજકીય કનેક્શન

ઉલ્લેખનીય છે કે, આરોપી અનિરુદ્ધસિંહ ગોહિલના પિતા રાજેન્દ્રસિંહ ગોહિલ તાલુકા પંચાયતની નંદેસરી બેઠક પરથી ચૂંટણી લડ્યા હતા, તેઓ અગાઉ ભાજપમાં હતા પછી કોંગ્રેસમાં જોડાયા હતા. તેમજ આરોપી અનિરુદ્ધસિંહના દાદા મંગળસિંહ ગોહિલ વડોદરા ગ્રામ્ય બેઠક પર ધારાસભ્ય હતા.