Jamnagar: આજકાલના યુવાનોમાં બાઈક સ્ટંટનો ક્રેજ એટલો વધી ગયો છે કે તેઓ પોતાની જીવના જોખમે પણ રેસ લગાવીને સ્ટંટ કરતા હોય છે પરંતુ આવા સ્ટંટ સામેથી મોતને આમંત્રણ આપવા જેવા હોય છે ત્યારે આવું જ કંઈક બન્યું છે જામનગર-રાજકોટ હાઈવે પર જ્યાં એક યુવકને જોખમી બાઈક સ્ટંટના કારણે પોતાનો જીવ ગુમાવવાનો વારો આવ્યો છે.
જામનગર-રાજકોટ હાઈવે પર બાઈક સ્ટંટ કરતા યુવકનું મોત
મળતી માહિતી મુજબ જામનગર-રાજરોટ હાઇવે પર 20 જેટલા યુવકોએ બાઇક પર સૂતાં સૂતાં રેસ લગાવી હતી. જેમાં એક યુવક હાઇવે પર હાઇ-સ્પીડ બાઇક ચલાવીને સ્ટંટ કરી રહ્યો હતો. આ દરિયાન એક યુવક સામેથી આવતી ટ્રક સાથે અથડાયો હતો. આ ઘટનામાં યુવકનું ઘટના સ્થળે જ મોત થયું છે. આ ઘટનામા 18 વર્ષીય અંકિત દિલીપભાઈ મકવાણાનું મોત થયું છે.
અકસ્માતનો લાઈવ વીડિયો આવ્યો સામે
આ અકસ્માતનો લાઈવ વીડિયો પણ સામે આવ્યો છે જેમાં જોઈ શકાય છે કે કેટલાક યુવકો ફુલ સ્પીડમાં સુતા-સુતા બાઈક ચલાવી રહ્યા છે અને તેઓ રેસ લગાવી રહ્યા છે આ દરિયાન સામેથી આવતા ટ્રક સાથે એક યુવક અથડાય છે. આ અથડામણ એટલી ગંભીર હતી કે યુવકને ગંભીર ઈજાઓ થઈ અને તેનું ઘટનાસ્થળે જ મોત થયું. ઘટનાનો વીડિયો સોશિયલ મીડિયા પર વાયરલ થયો છે, જે રોડ સુરક્ષા અને સ્ટંટના જોખમોની ચેતવણી આપે છે.
જામનગર રાજકોટ હાઇવે પર સ્ટંટના ચક્કરમાં યુવાને ગુમાવ્યો જીવ#Jamnagar #Rajkot #Highway #Stunt #viralvideo #thegujaratreport pic.twitter.com/jgr0aWrwqg
— The Gujarat Report (@TGujarat_Report) May 20, 2025
પોલીસે હાથ ધરી કાર્યવાહી
આ અકસ્માતને પગલે આસપાસમાંથી લોકો દોડી આવ્યા હતા અને આ મામલે પોલીસને જાણ કરી હતી.જે બાદ પોલીસનો કાફલો ઘટનાસ્થળે દોડી આવ્યો હતો અને યુવકના મૃતદેહને પોસ્ટમોર્ટમ માટે ખસેડીને પોલીસે સ્ટંટ કરી રહેલા અન્ય યુવકોની શોધખોળ શરુ કરી હતી.
જોખમી સ્ટંટ કરનારાઓ માટે ચેવણીરુપ કિસ્સો
સોશિયલ મીડિયા પર રીલ્સ અને લોકપ્રિયતા મેળવવા માટે યુવાનો દ્વારા આવા ખતરનાક સ્ટંટનું ચલણ વધી રહ્યું છે, જે ન માત્ર તેમની જાત માટે જોખમી છે, પરંતુ રોડ પરના અન્ય લોકો માટે પણ ખતરો ઉભો કરે છે. ત્યારે આવા સ્ટંટ સામે કડક કાર્યવાહી કરવામાં આવેઅને ટ્રાફિક નિયમોનું ઉલ્લંઘન કરનારાઓ પર દંડ અને કાનૂની પગલાં લેવાય તે જરુરી બન્યું છે. તેમજ આ ઘટના બાદ જોખમી સ્ટંટ કરનારાઓ અને રેસ લગાવનારાઓને પણ ચેતવું જોઈએ.
આ પણ વાંચોઃ
Dahod Mgnrega Scam: ભાજપ નેતાઓ બચુ ખાબડના બેટાઓના કૌભાંડ પર ચૂપ કેમ?
Rajkot:કોંગ્રેસની રેલી યોજાય તે પહેલા જ કાર્યકરોની અટકાયત, કોંગ્રેસ 6 દિવસ કરશે આ કાર્યક્ર
Operation Sindoor પર રાજકારણ, મોદીએ સેનાની બહાદુરીને પણ પ્રચારનું માધ્યમ બનાવી દીધું !
BJP નેતા અને યુટ્યુબર Manish Kashyap ને હોસ્પિટલમાં ડોક્ટરોએ કેમ માર માર્યો,જાણો શું બની હતી ઘટના?
Panchmahal: સરકાર ગમાણી ગામે અજવાળું ક્યારે કરશે?, 6 પરિવારોને વીજળીના વલખાં!
Jyoti Malhotra બાદ Youtuber Priyanka Senapati પણ પાકિસ્તાની જાસૂસ નિકળી?
