Vadodara: સ્વચ્છ પાર્ટીની છબી ધરાવા જતી પાર્ટી હવે રાજકીય અસ્વચ્છતાં ફેલાવી રહી છે. દુષ્કર્મીનું સ્વાગત કરાયું છે. વડોદરા જીલ્વાલાના ઘોડિયામાં ભાજપ ધારાસભ્ય ધર્મેન્દ્રસિંહ વાઘેલાના ટ્રસ્ટે યોજેલા સમૂહલગ્નમાં પુત્રવધૂ પર દુષ્કર્મ ગુજારનાર આરોપી નાચ્યો હતો. સ્ટેજ પર આ દુષ્કર્મના આરોપીનું ગુલાબનો હાર પહેરાવી સન્માન કરાયું હતુ. આકાશ ગોહિલનું સન્માન અને સ્ટેજ ઉપર ડાન્સ સાથે નોટો ઉડાવતો વીડિયો વાઇરલ થતાં ભાજપની છાપ બગડી છે.

હાલમાં જ ગુજરાતમાં ભાજપ સરકારે અસમાજિક તત્વો સામે કોરડો વિઝ્યો છે. ગૃહમંત્રીએ અસમાજિક તત્વો સામે કડકમાં કડક કાર્યવાહી કરવાની સૂચના આપી છે. અસમાજિક તત્વો સાથે બેસતાં પોલીસકર્મીઓેને પણ કાઢી નાખવની ચીમકી ઉચ્ચારી હતી. ત્યારે હવે તેના જ રાજમાં પાર્ટીના ધારાસભ્યએ યોજેલા સમૂહલગ્નમાં બળાત્કારનો આરોપી ડાન્સ, પૈસા ઉડવતો અને તેનું સન્માન થતાં રાજકારણમાં ખળભળાટ મચી ગયો છે.
રવિવારે વાઘોડિયાના ધારાસભ્ય ધર્મેન્દ્રસિંહ વાઘેલા ના ટ્રસ્ટ દ્વારા સમૂહ લગ્નનું આયોજન કરાયુ હતુ. જેમાં આ બળત્કારનો આરોપી દેખાયો હતો. આ આરોપીને ધારાસભ્યની નજીકનો ગણવામાં આવે છે.

બળત્કારનો આરોપી આકાશ ગોહિલ થોડા દિવસ પહેલા જ જામીન પર જલમાંથી બહાર આવ્યો હતો. ત્યારે હવે ભાજપ ધારાસભ્ય ધર્મેન્દ્રસિંહના ટ્રસ્ટ દ્વારા યોજવામાં આવેલા સમૂહ લગ્નમાં આ બળાત્કારનો આરોપી ઝડપતાં અનેક તર્કવિતર્ક થવા લાગ્યા છે.

આકાશ ગોહેલે પુત્રવધૂ પર બળાત્કાર ગુજાર્યો હતો

વડોદરાના પાસે આવેલા એક ગામમાં રહેતી 21 વર્ષીય  પરણિત મહિલાએ નંદેસરી પોલીસ સ્ટેશનમાં ફરિયાદ કરી હતી. જેમાં જણાવ્યું હતુ કે ગત 21 સપ્ટેમ્બર 2024ના રોજ મારા પતિ તેમના મિત્રના સાળો ગુજરી જતાં હાલોલ ગયા હતા અને મારા દિયર અનગઢ ગામે ગયા હતા. મારાં સાસુ-સસરા ઘરે હાજર હતાં અને રાતના જમી પરવારીને અમારા ઘરની પાછળ આવેલા છાપરાવાળા મકાનમાં ઊંઘી ગયાં હતાં અને હું અમારા ઘરના વચલા રૂમમાં ઊંઘતી હતી, જે રૂમનો દરવાજો ન હતો. ત્યારે 22 સપ્ટેમ્બરની રાત્રે આ આકાશ ગોહિલે પુત્રવધૂ પર બળાત્કાર ગુજાર્યો હતો. આકાશ ગોહિલ ભોગ બનનાર મહિલાનો કૌટુંબિક કાકા સસરા છે. જોકે પૂત્રવધૂ પર જ  જબજસ્તી શારીરિક સંબંધ બાંધતાં ખળભળાટ મચી ગયો હતો. ત્યાર બાદ તેને જેલમાં ધકેલાયો હતો. તે જામીન પર બહાર છે.