Vicky Kaushal Film Mahaavatar: વિક્કી કૌશલે આ વર્ષની અત્યાર સુધીની સૌથી મોટી સુપરહિટ ફિલ્મ આપી છે.  વિક્કી કૌશલની ફિલ્મ ‘છાવા’એ વિશ્વભરમાં 800 કરોડ રૂપિયાથી વધુની કમાણી કરી છે. એટલું જ નહીં, છાવા આ વર્ષની અત્યાર સુધીની સૌથી મોટી સુપરહિટ બોલિવૂડ ફિલ્મ સાબિત થઈ છે. ઉપરાંત વિકી કૌશલની આ ફિલ્મમાં ઘણી પ્રશંસા થઈ છે. ત્યારે હવે ફરી વિકી કૌશલ ટૂંક સમયમાં આવી જ બીજી બ્લોકબસ્ટર ફિલ્મ સાથે પડદા પર પરત ફરી રહ્યો છે. તેનો ફર્સ્ટ લૂક પણ રિલીઝ થઈ ગયો છે. ફર્સ્ટ લૂક જોઈ ચાહકો ખૂબ જ ઉત્સાહિત થઈ ગયા છે. વક્કી કૌશલ ભગવાન વિષ્ણુનો છઠ્ઠો અવતાર મનતાં ઋષિ પરશુરામનું પાત્ર ભજવશે. આ ફિલ્મનું નામ ‘મહાવતાર’ રાખવામાં આવ્યું છે. ભલે આ ફિલ્મ આ વર્ષે રિલીઝ ન થાય પરંતુ આવતા વર્ષે સપ્ટેમ્બરમાં રિલીઝ થઈ શકે છે.

નિર્માતાએ Waves 2025માં ફિલ્મ અંગે આપી જાણકારી

આ ફિલ્મ દિનેશ વિજયન દ્વારા બનાવવામાં આવી રહી છે. તાજેતરમાં નિર્માતા દિનેશે Waves 2025 સમ્મિટમાં હાજરી આપી હતી, જ્યાં તેમણે ફિલ્મ વિશે અપડેટ આપ્યું હતું. જેમાં દિનેશે જણાવ્યું હતું કે ‘મહાવતાર’ મેડોક ફિલ્મ્સનો અત્યાર સુધીનો સૌથી મોટો પ્રોજેક્ટ બનવા જઈ રહ્યો છે. બોલિવૂડમાં ચાલી રહેલા બોક્સ ઓફિસ સંકટ વિશે પણ વાત કરી. જેમાં દિનેશે કહ્યું, ‘મને લાગે છે કે આપણે ખૂબ જ રસપ્રદ જગ્યાએ છીએ. મને લાગે છે કે મહામારી પછી આપણે આખરે આપણું કાર્ય એકસાથે કરી રહ્યા છીએ. અમે સમજીએ છીએ કે સામાન્ય માણસ માટે વાર્તાઓ બનાવવાની જરૂર છે. છેલ્લા 10 વર્ષોમાં આપણે પશ્ચિમ તરફ આકર્ષાયા નથી. આપણે આપણા વિશે વાર્તાઓ ઇચ્છીએ છીએ, અને આપણે એકમાત્ર એવો દેશ છીએ જેની સંસ્કૃતિ આટલી સમૃદ્ધ છે. પણ ક્યાંને ક્યાંય આ સમૃધ્ધ સંસ્કૃતિ છોડી તેના પર ધ્યાન આપતાં નથી. સ્ત્રી અને છાવા આપણી સંસ્કૃતિમાં વાર્તાઓના ઉદાહરણો છે, ભલે તે ગમે તેટલી સ્થાનિક હોય.

આ ફિલ્મ આવતા વર્ષે રિલીઝ થશે

ઉલ્લેખનીય છે કે વિક્કી કૌશલ સ્ટારર ફિલ્મ મહાવતાર આવતા વર્ષે રિલીઝ થવા જઈ રહી છે. આ ફિલ્મમાં વિક્કી કૌશલ ફરી એકવાર શક્તિશાળી અવતારમાં પરત ફરી રહ્યો છે અને સારી એક્શનની અપેક્ષા છે. આ ફિલ્મનું દિગ્દર્શન અમર કૌશિક કરી રહ્યા છે. હવે જોવાનું એ રહે છે કે આ ફિલ્મ બોક્સ ઓફિસ પર કેટલી સારી કમાણી કરે છે કેમ?

આ પણ વાંચો:

પરેશ રાવલ બાદ આ અભનેત્રીએ પણ પોતાનું મૂત્ર પીધાનું સ્વીકાર્યું! | Paresh Rawal | Anu Aggarwal |

Vadodara: 1200 કરોડ વિશ્વામિત્રી નદીમાં વહી ગયા, હવે વડોદરામાં પૂર નહિ આવે?

Amreli: ધારીમાંથી મૌલાનાની ધરપકડ, મોબાઈલમાંથી પાકિસ્તાન અને અફઘાનિસ્તાનના ગૃપ મળ્યા

Ahmedabad: ચંડોળામાં ગેરકાયદે વસાહત ઉભી કરનાર લલ્લા બિહારી રાજસ્થાનથી ઝડપાયો

Vadodara: CM ભૂપેન્દ્ર પટેલે કાર્યક્રમમાંથી બે મહિલાઓને બળજબરીથી બહાર કાઢી, શું છે મામલો?