- Woman with Wild Hair! ટ્રમ્પ કંઈ પણ બોલી શકે; સુનિતા વિલિયમ્સના વાળ ઉપર ટિપ્પણી કરી બોલો
ભારતીય મૂળના અમેરિકન અવકાશયાત્રી સુનિતા વિલિયમ્સ અને તેમના સાથી બૂચ વિલ્મર્સ ગયા વર્ષે જૂનથી અવકાશમાં ફસાયેલા છે. આવી સ્થિતિમાં યુએસ રાષ્ટ્રપતિ ડોનાલ્ડ ટ્રમ્પે ફરી એકવાર ખાતરી આપી છે કે તેઓ અવકાશમાં ફસાયેલા અવકાશયાત્રીઓને સુરક્ષિત રીતે પાછા લાવશે. પરંતુ આ દરમિયાન તેમણે સુનિતા વિલિયમ્સ વિશે એક વિચિત્ર નિવેદન આપ્યું છે.
ટ્રમ્પે નાસાના અવકાશયાત્રીઓની સ્થિતિ અંગે એક પ્રેસ કોન્ફરન્સ સંબોધી હતી. આ દરમિયાન તેણે સુનિતા વિલિયમ્સને જંગલી વાળવાળી સ્ત્રી (Woman with Wild Hair ) કહી દીધી હતી.
રાષ્ટ્રપતિ ટ્રમ્પે કહ્યું કે તેમણે અવકાશમાં ફસાયેલા બે અવકાશયાત્રીઓને પાછા લાવવા માટે એલોન મસ્ક પાસે મદદ માંગી છે. તેમણે કહ્યું કે સ્પેસએક્સ ડ્રેગન અવકાશયાન ગયા વર્ષે સપ્ટેમ્બરથી અવકાશ સ્ટેશન પર છે અને અવકાશયાત્રીઓને પાછા લાવશે.
ટ્રમ્પે કહ્યું કે મેં એક અઠવાડિયા પહેલા એલોન મસ્કને તેમને પાછા લાવવા કહ્યું હતું.
ટ્રમ્પે મજાકમાં કહ્યું, મને આશા છે કે તે બંને એકબીજાને પસંદ કરતા હશે. તેમને અવકાશમાં છોડી દેવામાં આવ્યા છે. આ દરમિયાન, તેમણે સુનિતા વિલિયમ્સના વાળ વિશે કહ્યું કે તેમના વાળ સારા (She has good solid head of hair) અને મજબૂત છે. નાસાના જણાવ્યા અનુસાર, અવકાશયાત્રીઓને 19 કે 20 માર્ચની આસપાસ પાછા લાવવામાં આવી શકે છે.
તમને જણાવી દઈએ કે પદ સંભાળ્યા પછી યુએસ રાષ્ટ્રપતિ ડોનાલ્ડ ટ્રમ્પે એલોન મસ્કને બંને અવકાશયાત્રીઓને પૃથ્વી પર પાછા લાવવાની જવાબદારી સોંપી હતી. તેમણે મસ્કને બંને અવકાશયાત્રીઓને શક્ય તેટલી વહેલી તકે પૃથ્વી પર પાછા લાવવા કહ્યું હતું. જોકે, ટ્રમ્પના નિવેદન પછી, નાસાએ બંને અવકાશયાત્રીઓને પાછા લાવવાના પ્રયાસો તેજ કર્યા છે.
સુનિતા વિલિયમ્સ ગયા વર્ષે 5 જૂને આંતરરાષ્ટ્રીય અવકાશ મથક ગયા હતા. તેણી એક અઠવાડિયા પછી પરત ફરવાની હતી, પરંતુ બોઇંગ સ્ટારલાઇનરમાં સમસ્યાને કારણે તે ત્યાં જ અટવાઈ ગઈ. બંને અવકાશયાત્રીઓ બોઇંગ અને નાસાના સંયુક્ત ક્રૂ ફ્લાઇટ ટેસ્ટ મિશન પર અવકાશમાં ગયા હતા.
આ પણ વાંચો- જ્ઞાનપ્રકાશ સ્વામીનો વધુ એક બફાટ, કહ્યું મહાભારત કોઈ લેખકે લખેલી દંતકથા
