India Blasts Pakistan in UN: સંયુક્ત રાષ્ટ્ર માનવાધિકાર પરિષદ (UNHRC) ના 58મા સત્રની સાતમી બેઠકમાં ગુરુવારે ભારતે પાકિસ્તાનને કડક શબ્દોમાં ખખડાવ્યું હતુ. ભારતે પાકિસ્તાનને નિષ્ફળ રાજ્ય જાહેર કર્યું હતુ. એટલું જ નહીં, ભારતે એમ પણ કહ્યું કે આજના સમયમાં ટકી રહેવા માટે પાકિસ્તાનને દાનની જરૂર છે. તે સંપૂર્ણપણે આંતરરાષ્ટ્રીય સહાય પર નિર્ભર છે. તે કોઈને જ્ઞાન આપવાની સ્થિતિમાં નથી.
UNમાં ભારતીય રાજદ્વારી ક્ષિતિજ ત્યાગીએ જણાવ્યું હતું કે જમ્મુ અને કાશ્મીર અને લદ્દાખના કેન્દ્રશાસિત પ્રદેશો હંમેશા ભારતનો અભિન્ન અને અવિભાજ્ય ભાગ રહેશે. વધુમાં મિશન ક્ષિતિજ ત્યાગીએ પાકિસ્તાન સરકાર પર સૈન્યના ઈશારે કામ કરવાનો અને તેનો પ્રચાર ચાલુ રાખવાનો આરોપ લગાવ્યો છે. ત્યાગીએ આ જવાબ પાકિસ્તાનના કાયદા મંત્રી આઝમ નઝીર તરાર દ્વારા જમ્મુ અને કાશ્મીરમાં માનવાધિકાર ઉલ્લંઘનના આરોપોના આપ્યો છે.
તેમણે કહ્યું, ‘એ જોઈને દુઃખ થાય છે કે પાકિસ્તાનના નેતાઓ અને પ્રતિનિધિઓ તેના લશ્કરી આતંકવાદી સંકુલ દ્વારા ફેલાવવામાં આવેલા જુઠ્ઠાણાનો પ્રચાર કરવાનું ચાલુ રાખે છે.’ પાકિસ્તાન ઓર્ગેનાઇઝેશન ઓફ ઇસ્લામિક કોઓપરેશન (OIC) ને તેનું મુખપત્ર કહીને તેની મજાક ઉડાવી રહ્યું છે. દુર્ભાગ્યપૂર્ણ છે કે કાઉન્સિલનો સમય એક નિષ્ફળ રાજ્ય દ્વારા બગાડવામાં આવી રહ્યો છે જે અસ્થિરતા પર ખીલે છે અને આંતરરાષ્ટ્રીય દાન પર ટકી રહે છે. તેનું વક્તવ્ય દંભ, અમાનવીયતા અને અક્ષમતાથી ભરેલું છે. તેનાથી વિપરીત, ભારત લોકશાહી, પ્રગતિ અને તેના લોકો માટે આદર સુનિશ્ચિત કરવા પર ધ્યાન કેન્દ્રિત કરીને કામ કરી રહ્યું છે. પાકિસ્તાને જે મૂલ્યો શીખવી જોઈએ.
ભારતે સ્પષ્ટપણે કહ્યું કે પાકિસ્તાન તેના ઘરેલુ સંકટનો ઉકેલ લાવવામાં સંપૂર્ણપણે નિષ્ફળ ગયું છે. આ હોવા છતાં, તે પોતાનું વાહિયાત અને બેજવાબદાર વલણ છોડતું નથી. ત્યાગીએ પુનરોચ્ચાર કર્યો કે જમ્મુ અને કાશ્મીર અને લદ્દાખના કેન્દ્રશાસિત પ્રદેશો ભારતના અભિન્ન અંગ છે અને રહેશે. તેમણે તાજેતરના વર્ષોમાં આ ક્ષેત્રોમાં પ્રાપ્ત થયેલી નોંધપાત્ર વૃદ્ધિ અને સ્થિરતાની પણ નોંધ લીધી.
આ પણ વાંચોઃ અમદાવાદ વિશે તમે શું જાણો છો? આ રોચક તથ્યો એક ગુજરાતી તરીકે ચોક્કસ જાણવા જોઈએ
