80 વર્ષના પિતાએ 52 વર્ષના પુત્રને મારી દીધી ગોળી; પિતાને લગ્ન કરવા હતા ને પુત્ર ના પાડતો હતો
જસદણ : જસદણમાં 80 વર્ષિય પિતાને બીજા લગ્ન કરતા અટકાવતા પુત્રને જીવ ગુમાવવાનો વારો આવ્યો છે. વાત જાણે તેમ છે કે, જસદણના ગીતાનગરમાં રહેતા 80 વર્ષના રામભાઈની પત્ની 20 વર્ષ પહેલા ગુજરી ગયા હતા. તેમને બીજા લગ્ન કરવા હતા પરંતુ સમાજ અને પરિવાર વચ્ચે આવતું હતું. તેમાંય ખાસ કરીને પુત્ર ઈચ્છતો નહતો કે, પિતા બીજા લગ્ન કરે. કેમ કે તેમના પિતાની 80 વર્ષની ઉંમર થઈ ગઈ હતી અને આ ઉંમરે લગ્ન કરે તે સારૂ ન લાગે, તેનાથી સમાજમાં ઈજ્જત જાય તેવો ડર પુત્રને સતાવી રહ્યો હતો.
પરંતુ લગ્ન કરવાનો વિરોધ કરવો પુત્રને ભારે પડ્યો છે. લગ્ન ન કરવાની દાજ રાખીને પિતા રામાભાઈએ પુત્ર પ્રતાપને ગોળીઓ ધરબી દીધી છે. જેમાં તેનું મૃત્યુ નિપજ્યું છે.
મૃતકની પત્નીએ કેસ નોંધાવતા બનાવના કારણમાં જણાવ્યું છે કે તેમના સાસુનું 20 વર્ષ પહેલાં અવસાન થઇ ગયું છે. સસરા રામકુભાઈની ઉમર 80 વર્ષની થઇ ગઇ હોવા છતાં તેમને બીજા લગ્ન કરવા હતા. પરંતુ પરિવારના સભ્યો તેમની 80 વર્ષની ઉંમર થઇ ગઇ હોવાથી તથા આબરૂ જવાની બીકથી બીજા લગ્નની ના પાડતા હતાં.
80 વર્ષીય વૃદ્ધને બીજા લગ્ન કરવા હતા, દીકરાએ ના પાડી તો 2 ગોળી ધરબી દીધી!
રાજકોટ | જસદણ શહેરમાં રહેતા 80 વર્ષીય રામભાઇ ઉર્ફે રામકુભાઈને બીજા લગ્ન કરવાની ઈચ્છા થઈ, આ ઈચ્છાને તેણે પોતાના પરિવાર સમક્ષ વ્યક્ત કરી. પરિવારના સદસ્યોની ના હોવા છતાં રામકુ બાપાએ બીજા લગ્ન કરવાની જિદ્દ… pic.twitter.com/0RmrEnMJDc
— Sagar Patoliya (@kathiyawadiii) March 11, 2025
પરિણામે સસરા રામકુભાઈ અવારનવાર તેમના પતિને હથિયાર બતાવી ફાયરીંગની ધમકી આપતા હતા અને કહેતા કે હું તેને તથા તારા પરિવારને મારી નાખીશ. આમ બીજા લગ્ન કરવાની ના પાડતાં તેના ખારમાં પ્રતાપભાઈ ઉપર પીસ્તોલ જેવા હથિયારથી બે રાઉન્ડ ફાયરીંગ કરી હત્યા કરી હતી. બનાવ અંગે પોલીસે ગુનો નોંધ્યા બાદ આરોપીની અટક કરી આગળની તપાસ જસદણ પી.આઈ જાની ચલાવી રહ્યાં છે.
હાલમાં રામભાઈનો એક વીડિયો સામે આવ્યો છે, જેમાં પોલીસ સ્ટેશનમાં પીઆઈ સાથે તેઓ નિડરપણે વાત કરતાં નજરે પડી રહ્યા છે. આ વાતચીતમાં તેઓ જણાવે છે કે, તેઓ પોલીસ ખાતા અને જીએસટી ખાતામાં નોકરી કરી ચૂક્યા છે. હાલમાં તેઓ ખેતી કરે છે. પોતાના દિકરાને બે ગોળીઓ મારી હોવાની વાતનો પણ તેઓ સ્વીકાર કરે છે.
આ પણ વાંચો- ‘મારા ફેવરેટ એક્ટર PM મોદી’, CM ભજનલાલ શર્માના નિવેદન પર કોંગ્રેસે કહ્યું- તે ઓવર એક્ટિંગની…
